اهلين سومة هذا سؤالك محرج بصراحة نبصر عليك طبعا لاازم نعرفوا المعلومات هذه انا متزوجة من 1999 ههههههههه قديمة ولا يعني اكثر من 11 سنة فى شهر اربعة ومن مواليد 1978 وزوجي اكبر مني بعشرة سنيين وعندي 3 اطفال حلوين ربي يحفظهم وليدين وبنية
خخخخخخخخخ صار منقدوش انهدرزو زيك سميه كان عندي نيه افش اشويه هههههههه انا واعود بالله من كلمة اني من 99 متزوجه ومن مواليد 77 الموضوع كالاتي زي مدكرت في الموضوع الاول هل كل وحده مدسش علي زوجها ولا كلمه ولا حرف او اطنشو اتقولو المهم المهم يعني متلا متلا حاجه بسيطه صارتلك وعارفه لو تبي اتقوليها يعني زوجك راح امد بوزه ويناقشك وكبرلك معاني الموضوع ولو تصرفتي هك مكانش هك اصير ولو ولو وفي الاخير تفتحي علي روحك باب نقاش مليشي اول ولا اخر مع انه المشكله بسيطه جدا متقولوليش ازوجنا ميناقشوش فينا او يزعلو منا اطنشو خلينا نتكلمو بصراحه وعلي الخفيف خخخخخخخخ زي ماقالت مغتربه انت ياخطيره علي اساس مش خبره تباهي باهي
هههههههههههه نجيها ياربي اني انقولك على نفسي بصراحة اني ما ندسش على راجلي ولا حااااااااجة بس السنتيين الاخيرات بديت انقول مثلا الحاجة الى حا ناكل عليها التكشيخ معاش انقولها حاجة تافها مش حاجة مصيرية وطبعا اي حاجة ايديروها الصغار انقوله طوالي ما ندس فى شي مرات الضراري يزعلو مني بس والله ما نقدر اندس عليه يعني فالطة حاجة لالالالالالالاازم انقوله .
انا واعوذ بالله من كلمة انا بالنسبهه ليا مش كل شئ نقوله لزوجى يعنى التافه البسيط ماندوراش واللى يستحق انقوله لازم والقديم مانفتحاش الا اذا احتاج. ولو حاجه زى ماقلتى كبيرة ولو قلتها بتسببلى مشاكل بجد نسكت عليها وتقعد ونتحمل حديث النسوان وقالت فلانه وقالت علانه مستحيلللللل يطلع منى وقلتلها وقالتلى متلا انقول لزوجى تعرفت على بنات من المنتدى ومن بلاد الفلانيه ومرات نطلعوا حتى معرفه زى وحدة هنا وطلعنا زوجها يقرب لاهل جيران اهلى ولا نحب نوصفله وحدة شن لبست وشن شرت اولا واخرا انا نااااااااااااااااااااااااار غيرة هههههههه لين مفداداته مابعده منى هههه ولى عودة
والله شاطرة يا ملكة خلي نتعلموا منك قصدك فى وحدة تقول لى زوجها على وحدة تانية شن لبست هههههههههه اصلا هذا حرام لا يجوز
سلامات عالسمحات ان شاء الله يخليكم لبعض العمر اكله و نلصقوا باللصقة متع مدمر القذافي هههههه سؤالك يا غيدونا اني تعلمت في التالي ان الباب اللي بيجيك منه الريح سده و استريح يعني بعد فات الفوت هو تعلم اني نقوله كل شئ صغيرة و كبيرة بحكم الغربة و وجوهنا في وجوه بعض اربعة و عشرين ساعة لكن بصراحة في الفترة الاخيرة بطلت الحاجة اللي مش لازم يعرفها و بتديرلي دوشة ما نقولهاش
جو حلو الموضوع يا ملكه انا ديما تلقوني هنا انا تزوجت في شهر 3 ..2007
سمية وزمردة ماقولولناش مواليدكم كام.
يا ملوكه يا عسوله انا تزوجت في 15 .3.2007 ومن مواليد 1985
باهي كويس تمام الباين كلنا نفس الشي خخخخخخخخ عن نفسي اتعودت انقوله كل شي ومرات ناكل في تكشيخاس حلوات بس المده الاخيره هده تعلمت اني مش لازم كل شي ينقال يعني الامور التافهه زي ماقلتو وتفضلتو انا عن شن لابسه وش حكت منحبش نحكيه الا في المواضيع الي يخصني فقط اما عن نار العيره ههههههه رومنسيه هدا موضوع ابروحه توا نحكو اعليه خلينا في الموضوع هدا وحده وحده تستفيد من التانيه لكن تعرفو لاحضت الي تعودت تحكي كل شي معاش تقدر ادس اعليه طبع ومشي في الشخص يعني حتي لو دست هديك اللحظه بعد فتره تحكيله اني نحكي علي الامور البسيطه المصيريه هدا موضوع منتهي لانه لازم يعلم بيه الازواج اني نحكي علي امور اتجيبلك وجع راس علي الخفيف ولي عوده
