بسم الله الرحمن الرحيم حبيبى الحلوين حالا أبله سمسم أبيض والله هو الموضوع ده جميل جدا يجعلنا نرجع للطبيعه ولسنة رسول الله حيث أنه أشار لحاجات كثير احنا غافلين عنها ولها فائدة كبيرة لا نعرفهامثل الزنجبيل والتين والزيتون والحبة السوداء والعسل والتمر ومع الايام الطب يكتشف فيهم مدى الفائدة والاعجاز حيث أن الله سبحانه وتعالى قد خلق الداء وخلق له الدواء لقوله تعالى (واذا مرضت فهو يشفين) فجزاكى الله خير يا جنى على هذا الموضوع ويارب نفيد ونستفيد وعندى طلب صغير قوى هو ياريت اللى يكتب وصفة ولا حاجة يكون موثوق فيها وسلامى لكل العضوات متمنيه لهم دوام الصحة والعافيه اه على فكره أنا قريت ان الزنجبيل يجعل البشرة جميلة ونضرة هسسس اوعوا تقولوا لحد ههههههههههه ودمتم فى رعاية الله
اهلا بيكى يا وجدان ان شاء الله تستفيدى معانا نوسيتا اهلا بيكى يا جميلة ورق الجوافة لما يتغلى حلو اوى للكحة وهجيبلك وصفة تانية هدور عليها واجيبهالك من عيونى
اهلا بيكى يا سمسم فعلا الطب النبوى جميل جدا وفوايده عظيمة وان شاء الله نفيد ونستفيد اهلا بيكى طبعا معانا منورانا يا قمر
السلام عليكم أخواتي أخباركم جميعا بالنسبه للكحه كان فيه احدي الاخوات الغاليات قالتلي عليها وعملتها وهي ليمونه تغليها زي مهيه على النار لحد مقشرتها تطرى تسبيها تبرد بعدين تقطعيها وتعصريها كويس هيطلع عصير الليمون واللب الابيض كمان مع معلقتين صغيرين جلسرين طبي متوفر بالصيدليات ورخيص وكوب صغير عسل او نص مج وتقلبيهم كويس وده بيتاخد قبل النوم وبصراحه جاب نتيجه معي شخصيا لكن اولادي مرضيوش يخدوه شكراً ع المجموعه الجميله "جني" واعذروني مش هعرف ادخل زي الأول تحيااتي
شكرا ليكى يا توتا على الوصفة الحلوة ولا يهمك يا قمر انا عارفة الظروف رنا يعينك يا جميل
السلام عليكم مشكورة يا أخت جنى على الوصفة بس أوراق الجوافة موجودة في كل وقت ؟وهل أخدها جافة أو خضراء؟
nosettaربنا يشفى بنتك يا حبيبتى سلامتها شوفى هو ورق الجوافة موجود مع وجود الجوافة بتسالى اللى بيبيعوا الفاكهة ممكن يجيبلك الورق ده بيبقى اخضر عارفة اغصان الجوافة ببقى الورق ده فيها بتجيبيه وتحطى عليه ماء وتغليه على النار واما يتغلى ممكن تضيفى عليه سكر او عسل نحل وعلى فكرة فيه ادوية كتير للكحة معمولة من ورق الجوافة ولو ملقيتهيش الورق ده ممكن تستعملى وصفة الاخت توتا حلوة برضه وبنات اصحابنا كانو مجربنها كلن دكتور اللى قايل عليها ربنا يشفيها
السلام عليكم ورحمه الله وبركاته ازيكم يا اخوات وازيك يا جني كلكم عاملين ايه معلش انا مقله في التواجد اصلي بصراحه معنديش خبره كبيره في الطب النبوي ولكن هشارك معاكم باللي عارفاه والف سلامه يا اخت نوسيتا علي الاموره الصغيره ربنا يشفيها فعلا ورق الجوافه حلو اوي للكحه زلو ملقتيش ممكن تشتري تليو الجوافه من الصيدليه وكمان مشروب الجنزبيل وعليه حبه البركه كويس للكحه الجافه دمتم جميعا بالف خير
علي فكره لو ما لقتيش اوراق الجوافه انا لقيت عندي في الصيدليه نقط بالفم للكحه طبيعيه من مستخلص اوراق الجوافه وازهار التليو وزيت الشمر والمحلاه بعسل نحل نقي اطلبيها من الصيدليه اسمها كونيكس conix ,وبالشفا باذن الله
شكرا ليكى يا صحبة الجنة لاهتكمامك ربنا يجعله فى ميزان حسناتك
