ولا تزعل ياجميل اخبارك يا اسماء ام تسنيم متشكرة على المعلومه بتاعت الليمون بس انا باعملها من باب التعقيم بس والله ما ثرش معايا جايز لأن لون الرخام بتاعي رمادى مشبح بابيض فامفرقش في اللون اما بقا عن النمل انا كمان زهقت منه بس اقولك كان فية شيخ هنا قال ان النمل عين بتبقا في البيت فجيبي كوب مياة واقري علية المعوزتين والاخلاص وضيفي الكوب دة لكمية من المياة وابديء سمي الله ورشي في الاماكن اللي فيها النمل وربنا يخلصك منه علي خير
لولو متشكرة جدا جدا ليكي ياقمر على الدعوه الحلوة دي انا خارجة ولما ارجع اكلمكم ادعولي ربنا يوفقني في اللي انا نازله له
صباح الخير يا أحلى بيت انا جيبت النفتالين فعلا وحطيته فى الحوض وفى السيفون بس مش مطلع ريحة بشم الريحة بس اما بمسكه واشمها انا لكن اما حطيته فى الحوض مش عمل ريحة خالص مش عارفة ليه ياريت تفيدونى وهل ممكن احطه فى حوض المطبخ بالنسبة للنمل انا برش بودرة فليت هى مش بتمنعه خالص بس بتقلله شوية وكمان اما بمسح بالجاز بيفرق كتير يا بنات انا لى طلب عندكم انا كل اسبوعين بشيل الشقة كلها وانكتها وامسحها بالجاز بس عاوزة بقى كل يومين كده امسحها من فوق الوش فا عاوزة خلطة كده كل ما امسح بيها تعمل ريحة حلوة فى الشقة مش كل يوم جاز يعنى وخصوصا الحمام
معقول ياايمي بس انا شايفه ان النمل بقى مشكله عامه انا عندي هيجنني استخدمتله كل شيء ممكن تتخيلوه ده بيكسر بين البلاط وبيطلع مش عارفه ايه الحل كمان الصيف جه وجاب الدبان معاه اول موارب الشباك الاقيهم دخلوا مش عارفه تعبت نفسيا
فعلا المسح بالجاز بيفرق شويه بس بعدها الارض بتزحلق جامد والعيال بتقع فعملتها مرة ومكررتهاش بالنسبه للخلطه ياميرو حطي كلور وداوني وشويه ديتول وهتلاقي الشقه تفرح
اهي ياست ميرو ويبي قالتلك على الخلطة السحريه ودى حطيها في رشاش وامسحي بيه هتلاقي الشقة ريحتها روعه والله ياويبي هنا كفيلنا كان باني عماره جديده و يلاقي النمل بشكل فظيع وكان جوزي معاه قاله اقرا علية ودة يلاقي النمل بيهرب من قدامه وواحده كانت معايا في الشغل حكيت ان شقتها كانت مليانه واخر مازهقت قالت لشيخ قالها ان النمل في البيت عين واقري علي موية ورشيها وفعلا بتقول ان النمل راح من عندها خالص والله اهي محاوله تجربيها تصدقي انا النمل ده خنقنى بدرجة تموت ماشي يتفسح في الشقه اكنها بيت ابوة واحنا جايين على كفالته واية مابيجيش غير على النظافه امسح السيراميك واظبط وانظف قوي والاقية طلع يتفسح دخل عليا جوزى وانا بتكلم مع النمل بقوله هو انت بتيجى على النظافه قالي انتى بتكلمي نفسك ولا اية قلتله لآ بكلم النمل ههههههه رايقة انا
هجرب ياايمي ويارب يارب يودعنا على خير ومش هيوحشني ابدا انا كمان العمارة عنجي مبنيه جديد انشاء الله هعملها وربنا يسهل
مساء الفل يا بنات....أيه الأخبار يارب تكونو كلكو بخير ..أنا لسه مشتركه أنهارده عجبتني المجموعه وخصوصا موضوع النمل اللي بيخليني أمشي أصوت في البيت وأكلم نفسي فعلا زي ماقالت أيمي...والله يا بنات جوزي دخل مره عليا لقاني ماسكه الشبشب وعامله أطرقع وأقوله يخرب بيتك جيت منين والله جوزي أتخض من منظري قال البت دجي أتجننت من اللي كنت عاملاه من غيظي.... أنا اللي بعمله أني بمسك الشقوق اللي بيطلع منها من الحيطه وأديييييييييييها حقنه .أه حقنه ...جقنه جااز بعيد عنكم يعني... بتخلي النمل يبطل ييجي منها ...بس ساعات بييجي من بلكونه أوضه النوم للأوضه وفصاله الليفنج حتي ورا الكمبيوتر ساعات بلاقيه....أنا بقول لحمايا النمل دي هياكل البيت وقريب هتلاقينا فالشارع .... أصله ساكن فالمنور وعامل أنفاق جوه الحيطه... ...أنا هجرب طريقتك يا أيمي بتاعه الشيخ وربنا يصرف عنا يارب.... محدش فيكو جرب العجينه بتاعه النمل حماتي جربت بتاعه الصراصير وجابت نتيجه تحفه خلصت عليهم...تفتكرو بتاعه النمل دي كويسه برضو ولا أيه......
والله ياستيل انا عملت زيك بقا يحفرفاماكن تانيه بين البلاطات ويطلع العجينه جربتها راح اسبوع تقريبا بعدين رجع تاني بيقاوم يابنتي عايز حرب اباده
والله يا بيبي عندك حق الواحد شكله هيلبس الدرع ويحط الخوذه ويسوق الهبل...ويدخل فغزو أوكار النمل...هههههههههه أنا فعلا بشيل هم الصيف من النمل هو حرام مش بيعمل حاجه "غلبان خاااالص"بس وجوده فالبيت بيعصبني وطول النهار ماسكه حقنه الجاز وماشيه وراه....تفتكري كده ممكن الواحد يعمل أيه تاني....بيتهيألي ده عاوز فرق مكافحه الأرهاب....وكله كوم وأكله الجبس بين البلاط ده كووم تاني خصوصا أن السنه اللي فاتت ظهر عندنا جيل جديد من النمل اللي بيجري بسرعه ده وكمان كبييييير كده وشكله يخوف بس الحمد لله ما أقتحمش البيت غير مره وأنا أتصديتله يومها بالمبيد لما كنت هموووووت من الخنقه....ده أنا من غلبي منه كل حاجه فالتلاجه الدقيق والسكر وكله ....
