فعلا أنا بنقع العيون في خل وماء دافئ وصابون شوية وبعدين اغسلهم بالسلك بيرجعوا زي الأول لكن فيه قطع منهم بتكون نحاس بحاول ادعكها بالليمون ومش دائما بتنظف فكرة الفويل حول البوتاجاز دي جميلة بس يا ريت حد بيعملها يديني فكرة عنها اكتر
هاى أنا أم تسنيم عندى فكره لتنظيف عيون البوتاجاز تنقع العيون فى الجنرال وكلور خام وماء ساخن ثم تدعك باالسلك جيدا تصبح نظيفه بكل سهوله زى الاول وعلى فكرة الفويل حول البوتاجاز فكره جيدة أنا جربتها جربوها وهتدعولى
أم تسنيم عندى طريقة لتنظيف السجاد تنظيف جاف يوضع كمية صغيرة من الماء فى اناء ثم يوضع كمية من كلور الالوان ومسحوق ثم يقلب جيدا حتى تظهر الرغوه و تاخذ الرغوه على فرشاة ويدعك السجاد ثم تترك حتى تجف تصبح كالجديده لابد من كنس السجاد بالمكنسة جربوها وعلى ضمنتى
ما شاء الله عليكم يا بنات شكلها إن شاء الله مجموعة مشجعة جدا ولذيذة قوى على فكرة طريقة ام تسنيم فى تنظيف السجاد طريقة جامدة قوى وعملية وانا مجربها تسلم ايدك
متشكرة يا أم تسنيم على فكرة تنظيف السجاد دي أنا كنت محتارة والله لأني معنديش مساحة بالحمام اغسله فيها لكن الطريقة دي سهلة إن شاء الله اجربها
ام تسنيم ازيك يا قمر وهلا بالاعضاء الجدد بس حبيت احذركم كلكم بلاااااااااااااااااااش الكلور مع عيون البوتاجاز اوعوا تغلطو غلطتى وياريت اللى عندها دليل الالبوتاجاز تفتحه قبل ما تستعمله لتجنب الغلطات دى وبيبقى مكتوب فيه طريقة لتنظيف البوتاجاز الكلور يتفاعل مع المعادن
http://www.lakii.com/vb/showthread.php?t=508870&page=3
صباح الخير يابنات بالنسبه للسجاد انا فعلا بعمل كده كل اسبوع لان الاطفال مبيخلوش حاجه نضيفه اما البوتجاز انا جبت سائل لتنضيف المعادن وبحطه عليهم وبغسلهم اما الفويل ففيه مخصوص للبوتجاز بجيبه واقطع على قد العيون واحطه وبغيره كل اسبوع
متشكر ليكم على الدعوة الحلوة دي انا عاوزة استفسر عن طريقة فعالة للقضاء على الصراصير انا جربت كل المبيدات والعجائن وكل الطرق والوصفات بابقى لسة ناسفة المطبخ بالمبيد وحاطة عجينة وماسحاة كله بالكلور ومنظفاها وزي الفل واسيبه ينشف كويس ادخل الاقي الصراصير بتتمشى عدي اللي هيا الالماني الصغيرة مش الامريكي الكبيرة في كللللللللللل حتة تتخيلوها او ما تتخيلهواش ومش عارفة اعمل ايه فكرت اجيب شركة مكافحة بس مش عارفة مدى فعاليتها
السلام عليكم يا بنات معلش انا اشتركت فى المجموعة من غير دعوة بعد اذنكم طبعا انا بعانى زيكم من تزبيط البيت وخوصا الصراصير والحشرات بس انا بقى لما بجى انضف بستخدم الجاز عارفة هتقولوى ايه بس صدقونى بجد روعة نادرا ما تشوفى حشرة فى البيت عندك والنمل فى بودرة نمل من فليت ديه دايما برشها تحت السجاجيد وعلى باب الشقة بتقلل منه ويم بعد يوم على باب الشقة برش فنيك او جاز صدقونى بيفرق جدااااااااااا
