**موضوع متميز**الفطير المصرى على اصوله (المشلتت-المحشى-عجينه الرقاق)بالخطوات المصوره
اخواتى فى الله جئت لكن اليوم بوصفه مشتركه بها فى مسابقه المعجنات واردت ان انسخها هنا حتى تعم الفائده يارب تعجبكم
اخواتى استكمالا لموضوع الاكلات العربيه وخاصه اكلات التراث اليوم جبتلكم معايا اكله مشهوره اوى اوى فى مصر الا وهى الفطير المصرى والرقاق المصرى لانهم بنفس العجينه الاختلاف فقط فى نقطه واحده حتعرفوها على فكره ده كان من ايام الفراعنه وسموه الفطير الملتوت وانتقل عبر الاجيال الى ان وصل لجدتى وكنت بحب اجلس امامها وهى بتسويه ربنا يرحمها ويغفر لها
المقادير
كيلو طحين ننقص منه نصف كوب ونتركه جانبا لان ممكن العجينه تحتاج على حسب نوع الطحين
كوب ونصف ماء دافىء وممكن نحتاج اكتر ربع كوب مثلا لو العجينه احتاجت
ملح
عجينه الفطير عجينه سهله جدا اهم شىء فى هذه العجينه هو طريقه عجنها او بمعنى اخر مده العجن فهى تحتاج حوالى ربع ساعه بالعجانه او 45 دقيقه باليد ماتستغربوش فعلا تحتاج هذا الوقت وسر نجاحها هو عجنها جيداالاول كنت بعجنها بيدى قبل ما اشترى العجانه وكانت بتطلع ممتازه
نضع الدقيق والماء والملح فى العجانه ونبدأ العجن
http://www.lakii.com/vb/attachment.p...6&d=1211025450
بعد مرور عشر دقائق مثلا نحاول نشد العجينه حنلاقيها بتتقطع مننا وده معناه انها لسه موصلتش للشكل المطلوب
http://www.lakii.com/vb/attachment.p...7&d=1211025463
وبعد ربع ساعه شوفى شكلها شوفوا بتتشد ازاى من غير ما تتقطع لازم تبقى ملساء وتتشد زى اللبانه (العلكه )
http://www.lakii.com/vb/attachment.p...8&d=1211025476
ودى صوره كمان شوفوا اهم حاجه انها توصل لكده لانها لو كانت لسه مرمله حتتقطع مننا فى الفرد ودى ملحوظه مهمه التزموا بيها
http://www.lakii.com/vb/attachment.p...9&d=1211025489
وهنا قطعت العجين الجزء اللى حعملوا فطير مشلتت بضع كور العجينه فى طبق به زيت واللى حعمله رقاق يوضع فى طبق مرشوش بدقيق وده الاختلاف بينهم
http://www.lakii.com/vb/attachment.p...0&d=1211025505
يتبع