يالله حيّهم ...كيف الحال ؟
طبعا تعرفون ان " كاسادياز فاهيتا "
من ألذ الأكلات بمنيو " تشيليز "
ومن كثر حبي لها قلت اجيبها لكم
http://kidaok.net/vb/images/smilies/bleh.gif
المقادير الأساسية :
جبن موزيرلا - فلفل أخضر ( بارد/حار حسب المزاج ) -
فطير مشلتت "السنبلة " -
صدور دجاج بدون عظم ..
بدايةً نتفاهم مع حشوة الدجاج
صدور دجاج بدون عظم ...
نقطعها صغار ..
ع النار /
شوي زيت - مكعب ماجي - فلفل اسود - ملح .
بعد مااستوى الدجاج
نحط ملعقة جبن سايل
و ملعقتين مايونيز .
وهشكل نكون خلصنا من الحشوه ..
نخليها على جنب شوي
نحط شوي زيت بالمقلاة و نحط الفطير ،،
و كل شوي نقلب على الوجه الثاني علشان لايحترق ،،
اهم شي يتشقر شوي
بعد مانخلص من الفطير كله ..
نقطع الفلفل الأخضر
مكعبات صغار ..
ونجهز طاولة العمل / <--- على قولة الطباخ هههه
الخطوات..
نحط حشوة الدجاج ،
بعدين الفلفل الاخضر ،
واخيرا جبن موزيرلا ..
ونصفطها ..
ونصفها بالصينية ..
ندخلهم الفرن
عشان يذوب الجبن /
نطلعها من الفرن
ونقصها بالنص
بعدين نحطهافي صحن ونضيفل لها الصوص
:: الصوص ::
علبة زبادي - ملح - فلفل اسود -
3 فصوص صغار ثوم مفروم -
ملعقة جبن سايل - ملعقتين مايونيز .
