انتى تامرى يا جميل فى اى وقت
اهلا بيكى يا سمسم وتسلمى حبيبتى على كلامك
Printable View
اهلا ياقمر منورنا
بصى حبيبى لينسيز مادول حتجيبها مش نظر يعنى تغيير يبقى الاول هاتيها يومية لان فى عدسات اسبوعية الفرق انك تريحى عينك يعننى بلاش تلبسيها كل يوم خليها فى وقت الخروج او مناسبة عشان عينك لاقدر الله متتعبش
اللون رمادى تحفة انا بحبه جدا وبيلق مع البشرة القمحية عكس الاخضر والازرق عايز بشرة بيضاء
احسن ماركات فرش لوك fresh look او بوش اند لومب
اسعارها متوسطة يعنى 160 و 200
احسن محلول للعدسات رينيو واوبتى فرى opti free
هاتى العدسات من مركز كويس معروف
روبى اهلا ياقمراية بقالك كتير مش موجودة ,, ياقمر اسالى زى ما انتى عايزة براحتك
1 = الخطوط البيضاء انا مشوفتش حد اعرفه بس عن تجميع اراء البنات لقيت ان بانثينول حلو وعملى لانه اصلا كريم مرطب للبشرة وغنى بمادة بانثينول وبيجدد البشرة
والوصفة تانية بتاعة خل التفاح بس نصيحتى انك الاول خليكى فى بانثينول هخو اصلا ملهوش اضرار
2 - لون المصفر برافوا عليكى اعملى تحاليا دم كاملة اسمها صورة دم كاملة شوفى هيمجلوبين كام عشان الانيميا وكرات الدم الحمراء وسرعة الترسب فى الدم يعنى شوفى تحليل لو مفيش حاجة ان شاء الله يبقى تهتمى بالتغذية وده كان دكتورة باطنة قايلة عليه لانى بردو كان وشى عالطول مصفر وعملت تحاليل مفيش حاجة قالتلى اهتمى بالخضار والفاكهة واللبن والسلطة وشرب ماء وفعلا عملت كدا والاصفرار راح انتى كمان اهتمى بالاكل وكمان العبى رياضة والله بتغير فى كل حاجة
3 - السيلوليت بصراحة احسن حل لها بجد الرياضة ثم الرياضة وشرب ماء كتير كل كريمات مؤقتة ومش عملية بس لو عايزة تجربى هاتى دوف لشد البشرة بس هاتى المستورد مش المصرى
4 - خميرة اللى بتتحط ايوة فى اكياس بتاعة الخبيز بتدوبيها مع ماء ورد لغاية ما تبقى زى ماسك وتتحط فى الوش لمدة ثلث ساعة وتتعمل مرة فى الاسبوع
5 = زيت اللوز المر ايوة لتحت العين حلو جدا وبيتعمل كل يوم مفيش مشكلة وماسكات الوجه ايوة مرتين
بسبوسة حبيبتى عاملة ايه ؟؟؟ انتى والله بجد بتوحشينى ونفسى يارب اطمن عليكى قريب
لو عليا عايزة ادخل كل شوية لانى بجد برتاح اوى معاكم بحس انى مبسوطة ومطمنة اوى معاكم وانى وسط اصحابى بس غصب عنى الشغل وكمان خلاص ربنا سهل الامور وقرب ميعاد الزواج وبخلص ورقى فى القنصلية وبكمل شوية حاجات فمعلش استحملونى ....
السيوليت ده طبقة بتبقى فى الجلد عاملة زى تعرجات يعنى تلاقى جلد طالع نازل كانه متنى كدا بيبقى اكتر فى الرجل والارداف بيبقى طبقة خشنة يعنى مش ملمس ناعم طبعا بيخلى شكل الجسم مش حلو
لو عايزة ابعتلك كتاب بيتكلم عنه اوك ومعه الصور
نورا ازيك يا عسولة ...
الطمى ايوة عاتيه من العطار ولو هو متخصص فى حاجات المغربية زى الليفة والصابونة حتلاقيها عنده مضمونة
زيت اللوز استمرى عليه ولما تروح اعمليه 3 مرات فى الاسبوع عشان مترجعش او هاتى كريم للعين
بيبى ليس انا اسفة كنت محضرة الموضوع ده وموضوع عن الشعر لميويا بس كمبيوتر كان بيهنك وكل ما اكتب واحط الصور يروح اتعقدت هههههههههه
بس ولايهمك ياقمر بصى هاتى بيبى ليس تنفع مبلول وجاف لان البنات اللى جابوا جاف فقط منفعتش معاهم لانها بيحتاجوا وشعرهم مبلول .. عشان كدا بيبى ليس اللى تنفع مبلول وجاف عملية جدا عن العادية
موديل ده هو اللى مجرباه و 3 من اصحابى جابوها وعجبتهم جدا باقى الانواع بصراحة معرفش نظامها اللى اعرفه حيبقى للشعر الجاف
http://www.lakii.com/img/all/Apr09/sgZI5X04240638.jpg
ازيك ياهنودة ياحبيبتي وحشاني موت بجد عاملة ايه انا معنديش اسئلة لاني رجعت اكسل تاني من عمل الوصفات مش عارفة مالي والله
حبيت اسال عليكي وعايزة اتشجع من تاتني معاكي ومع البنات
السلام عليكم يا احلى بنات فى الدنيا
نهاردة عايزة اقولكم على نظام دايت حلو كانت دكتورة منى رادميس قالته فى برنامج الحياة اليوم اللى عجبنى فيه انه حلو وخفيف وسهل ينفع كمان للعرايس اللى حيتجوزوا قريب وعايزين ينزلوا كام كيلو ....
الفطار
ربع رغيف اسمر بلدى او 2 توست اسمر
بيضة مسلوقة
او جبنة قريش
او فنجات فول
طماطم وخيار زى ما انتى عايزة
بين الفطار والغذاء ممكن تاكلى فاكهة او تقطعى فاكهة وتعمليها فروت سلاط
الغذاء
طبق سلطة
2 سمكة مشوية
او ربع فرخة مشوية او مسلوقة
او شريحتين لحمة
طبق خضار
وفنجان ارز او مكرونة
وتاكلى مكرونة او الارز فى الاخر عشن تكونى شبعنى وتكفيكى ومتحسيش انها قليلة عليكى
بين الغذاء والعشاء
فاكهة او عصير فاكهة طبيعى وسكر يكون قليل
ومرتين فى الاسبوع جاتوه او ابس كريم
العشاء
يكون زى الفطار
او 2 علبة زبادى خالية دسم + 2 ثمرة فاكهة
فى طول اليوم شرب ماء او شاى اخضر عادى
هو نظام حلو عجبنى انتى كمان لو بتجوعى اوى اشربى ماء كتير او خلاص مش قادرة تمسكى نفسك كلى فاكهة لانها اقل سعرات ومفيدة وبتشبع يعنى لو اكلتى 3 تفاحات مثلا ارحم من باكو شيكولا كمان تفيد بشرتك وصحتك اكتر وتشبعك اكتر
والله مش عارفة اشكرك ازاي يا هنودة
دي كل كلمات الشكر قصيرة في حقك
استفدت منك جاااااااااااامد دا انا كنت جاهلة خااالص
انا عايزة اطلب منك طلب يا هنودة و سوري كترت عليك بالطلبات
انا عندي سواد خفيف في الركبة و الابط و المنطقة المنكوبة
وحبيت اعمل الوصفة بتاعتك بس احنا مش عندنا كيناكومب و جليوسليد في الصيدليات ياريت لو عندك وصفة للسواد ميكنش فيها المراهم دول
وكمان انا عندي خط بيفصل بين المعدة و البطن مش عارفة هل ممكن يزول مع الرياضة ولا لا او لازم اعمل حاجة تانية
و سوري كترت عليك بالاسئلة
اااه عايزة اشتري كورساج مش عارفة يا هنودة اشتري كام واحد
ميرسي