اااسفة عالتأخير ياعيون شوق
السلام عليكم ورحمة الله
كيفك حبيبتي ميمو
بما انك قلتي لنا تخيلوا فأنا اكيد اني راح اتخيل لاني لساني بنوتة ماتزوجت واسأل الله العلي العظيم ان يرزقني وبنات المسلمين بالازواج الصالحين المتقين الذين يخافون ربهم في بنات المسلمين
راح اتخيل مثل ماقلتي اوكي
اولا من ناحية الجوال
هل في يوم لو ربي رزقك ببنت حلوه وكبرت وصارت بسن المراهقه يعني من 14 ل 20 او لييين ماتتزوجح .. من غير تحديد عمر .. هل راح تسلمينها جوال بايدهاا ؟؟ يكون لها ملكهاا ؟؟؟
الجوال وسيلة وليست غاية فأنا راح اطبق المثل اللي يقول اذا كبر ابنك خاوية طبعا وانا اقول اذا كبرت بنتك خاويها ماراح اسلمها الجوال الا في سن التاسعة عشر او العشرين وقد تجبرني ظروف اخرى على تسليمها اياه قبل ذلك ولكن احاول اكون معها قريبة منها اراقبها بالطريقة اللي هي تحبها وهي اني اكون صديقة لها مااحرمها من حضني لما تكون محتاجة له او حتى لوماتكون محتاجة احاول مااخليها تحس بالفراغ العاطفي اللي ممكن يخليها تتجه لتصرفات خاطئة واكثر مانشوفة في المدراس والجامعات من اعجاب وحب وشذوذ ونحوه هوبسبب الفراغ العاطفي اللي يعيشونة البنات فتكون البنت بحاجة لمن يسمعها يحن عليها يمسح دمعتها عالاقل يوقف جنبها وبذلك ماراح اكون الا مثل اخت لها او اكثر وهو اني قبل ذلك امها ومشاعر الام مهما حصل ماتتوقف تجاة فلذة كبدها هذا اولا وان شاء الله اذا تزوجت ورزقني ربي ببنت اوحتى ولد اكون معهم كذلك وياليت كل ام تستخدم هالاسلوب مع بناتها صدقوني راح تحس ان بنتها فاتحه لها قلبها على طوووووول وماتحتاج مراقبه لها او غير ذلك اتمنى اني لاتزوجت مايتغير اسلوبي واصير جافة معهم بس اتمنى اني اكون متعاملة بهالاسلوب واسأل الله ان يوفقني لما يحبة ويرضاة وان لايحرمني واياكم من زينة الدنيا
الشي الثاني : الانترنت :
نفس الشي مع بنتك .. هل راح تخلين بغرفتها كامبيوتر وانترنت !!
اعتقد ان رايي الاول تستند عليه ارائي الباقية
الانترنت وسيلة وسلاح ذو حدين صحيح اخاف على بنتي بس مااحاول اعقدها وامنعها راح اخلي بالمكتب الخاص بالبيت واذا مافيه مكتب راح احطه بغرفتها مي مشكلة لاني راح اجلس معها شوي وراح اعرف وش تبغى هي منه بالضبط واحاول انبهها كل شوي عن بعض الاخطاء لان الذكرى تنفع المؤمنين وراح اركب برنامج مراقبة عالجهاز اعرف المواقع اللي دخلت عليها طبعا بعد ماتقفل هي عشان ماتحس بعدم ثقتي فيها لانها لوحست راح تبدى تخبي علي وماراح انجح في اني اكون الصديقة الصدوقة بالنسبة لها
الشي الثالث .. الصديقاات
مثل ماقلت برضة رايي يعتمد على الراي الاول
اكيد صديقات بنتي راح اعرف عنهم كل شئ صغير وكبير ولاتشبر شبر واحد معهم الا لاعرفتهم عدل وعرفت تصرفاتهم وبيئتهم والتزامهم بالدين قبل كل شئ وبعد كذا اختار الاوقات المناسبة لزيارتهم وماراح تكون الزيارات بكثرة طبعا
التعويض
ان شاء الله انها ماتكون محتاجة لشئ عشان اعوضها فيه
لكن راح البسها اللبس اللي يعجبها هي ويعجبني في نفس الوقت راح اكون صريحة في رايي معها واختار في بعض الاحيان على ذوقي طبعا اكون عارفة انه يعجبها ولا افرض عليها رايي فرض كل شئ يمشي بالتفاهم وتلبس اللبس اللي احله لها ربنا سبحانه وراح البسها واكشخها واانقها لانها هي راح تكون صورتي قدام هالناس وبالنسبة للمكياج طبعا اسمح لها بالروج في سن الرابعة عشرة فما فوق فقط لا ظل ولاكريم اساس لانه مايعجبني البنات اللي يحطون وهم صغار يدفنون برائتهم ومن سن 16 فما فوق عاد تبدأهي تشيك نفسها لاني اصلا مااحب المكياج بكثرة
واخيرا بعد مااقدم لها هذا كله وشفت منها شئ غلط ونبهتها وما سمعت لي راح اهجرها مدة بس طبعا راح تكون عيني مفتحة عليها وراح احرمها من الشئ اللي احس انه دائم تحبة مني الى ان تحس بخطأها وتجي تعتذر وتوعدني انها ماتسوي هالشئ مرة ثانية لانه والله مايصير بعد هذا كله تقوم تضايقني وتسوي الشئ اللي امنعها منه هذا التصرف راح يكون اذا غلطت غلط كبير ومو راضية تعترف فية بس لكن اذا غلطت وحبت مني التوجية اكيد ماراح اتخلى عنها وراح تكون يدي بيدها الى ان تتخلص من هالشئ وترتااااح
اختي الغالية ميمو اتمنى يكون رايي عجبك
انتي تعرفين ان عمري 20 سنة يعني انا من ضمن البنات اللي ذكرتيهم وتكلمت على لسانهم فاكيد راح يكون هذا كلااااامهم فلا تحرمينهم من الاشياء اللي ذكرتها ياعيون شوق
واعتبريني بنتك ادري كبيرة عليك بس معليش استحمليني كبرتك صح اتغشمر معاج حبيبتي
طولت عليج انتظر رايج
محبتك
شوووووق ااقصد بنتك
هذا رأيي بنت عمري 20 سنة مع احترامي لراي الجميع
لست مرااااهقة خلاص المراهقة كانت ايام المتوسط والثنوي ايام الهبال والحمد لله راحت كبرنا وتعدلنا الدنيا علمتنا
الله يخلي لي امي يااارب ولايحرمني منها..ويرزقني وبنات المسلمين بالزوج الصالح والذرية الصالحة
تبارك ذو الجلال والاكرام
والحمد لله رب العالمين والصلاة والسلام على اشرف الانبياء والمرسلين
عذرا عالاطالة والتأخير ياميمو العسل