وفتة الكوارع البرنسيسيه وصلت والعيد فرحه ههههههههههه
نواعمى يا غالين كل سنه وانتم طيبين
رمضان راح بحلاوته والعيد الغير خلص بتخننته وكحكه وغريبته والالذى منه
نعمل دايت شويه صغيرين علشان نستحمل اللى جاى
واللى جاى كوارعععععععععع
وفتة الكوارع
معلومه خفيفه كده على ما أوسم
الكوارع هى ساق العجل
والساق الاماميه بتكون اطرى من الساق الخلفيه يعنى ما بتخدش سوا على النار زى الخلفيه
معلومه تانيه وانتى بتسلقى الكوارع والمايه نشفت من عليها ماتزوديش مايه بارده
لازم تزودى مايه ساخنه
الطريقه
الكوارع بعد الغسيل والتنظيف بغلى مايه واسلقها فيها 10 دقائق وارمى المايه ده
وبضع بصله ومعها 2 حبه مستكه و2 حبه حبهان فى قليل من الزيت تشويح خفيف واضيف المايه وبعد الغليان اضع الكوارع
انا غالبا بضعها فى الحله البريستو (الضغط) لمده ساعتين ولو لبانى لمده ساعه
وبعد السوا احدقها بملح وفلفل والف هنا
خلاص كده الكوارع والشوربه
نكمل الفته
المكونات
عيش بلدى او شامى
متحمر فى الزيت او مرشوش بزيت قليل ويتحمر فى الفرن
علشان ما يعجنش بعد وضع الشوربه
رز مطبوخ بدون زيت
تقلية التوم والخل بصلصة الطماطم
الكوارع
انا حطيت المكونات بترتيبها فى طبق التقديم
طريقة عمل التقليه
توم كتير بيتقلى فى السمنه ولما يصفر لونه اضع الخل خل كتير واظبط الملح والفلفل واخيرا اضع قليل من عصير الطماطم وتغلى لغايت لما تدينى اللون الاحمر الجميل ده وكده التقليه فنيتو
ده صورة الكوارع والتقليه قبل وضع الطماطم
