http://www.lakii.com/vb/smile/21-450.gif
سلام يا حلوين اليوم جبتلكم صينية او طاجين الدجاج سهل وسريع وطعمته حلوة وهده مشاركتى للغالية ام ماهر فى ملفها وصفات الدجاج و الغالية ام شادى فى ملفها البطاطس والغالية برنسس فى توابلنا العطرية والغالية لالى فى موضوعها وصفات سريعة وسهلة اتمنى تعجبكم
المكونات:
دجاجة كاملة مقسمة الى ارباع او حسب الرغبة
بطاطا جوانح
بصل جوانح
فلفل اخضر حار
طماطم اخضر
ثوم
طماطم معجون
بهارات مشكلة( كركم, زنجبيل مرحى, فلفل احمر مطحون, بهارات مشكلة ,حرارات, كسبرة مطحونه, هيل مطحون
قرفة,فلفل اسود وملح او اى بهارت بتفضليها
الطريقة:
نقسم الدجاجة الى ارباع او حسب الرغبة نتبلها بشوية زنجبيل وفلفل اسود وثوم وبهارات مشكلة ونحطها فى الطاجين لو تخلى الدجاجة تتبل بالبهارات شوية تكون احسن لو ما فى وقت عادى
نضع البصل الجوانح فى الطاجين تم الدجاج ونوزع البطاطس والطماطم المقطع والثوم تم فى كاس تانى نضع الطماطم المعجون وباقى البهارات ونحركة حتى يدوب الطماطم ونسكبة على الدجاج حتى تغطيه مع كمية من الزيت وندخلها الفرن
حتى تنضج الخضار تم نحمرها وبس توكل مع خبز او رز ابيض
ملاحظة: للحصول على طعم احلى نشوح البصل فى الزيت اولا تم نضيف ليه الدجاج حتى يتحمر شوية فى الزيت من الجهتين مجرد تحمير تم نضيف ليها الباقى تطلع الطعم احلى بكثير
وما تكثروا من الطماطم المعجون وتكون الصلصة مش خفيفة ولا ثقيلة
http://img24.imageshack.us/img24/3343/p1080127h.jpg
http://img24.imageshack.us/img24/9797/p1080129.jpg
http://img24.imageshack.us/img24/2455/p1080131.jpg
http://img24.imageshack.us/img24/4779/p1080132k.jpg
http://img24.imageshack.us/img24/5980/p1080136.jpg
http://img24.imageshack.us/img24/9751/p1080138h.jpg
http://img24.imageshack.us/img24/7125/p1080145n.jpg
اتمنى تكون عجبتكم ودمتم فى حفظ الرحمن وسامحونى على التقصير لظروفى
