التدريب العملى لعضوات تعلم الويندوز من دوره ICDL
السلام عليكم ورحمه الله وبركاته
اخواتى وحبيباتى فى الله
احببتكم جميعا لطيبتكم وحسن اخلاقكم ورغبتكم الحقيقيه فى العلم
وكم اسعدنى ان اكون بينكم واشعر بانى وسط اخواتى الحقيقيين
احنا لينا فتره بنتعلم مع بعض الويندوز واكرر بنتعلم مش حضراتكم بس اللى بتتعلموا لا انا كمان بتعلم معاكى من اسئلتكم وحواراتكم الممتعه بتعلم منكم حاجات كتيره مش مهم انها تكون فى العلم نفسه
دلوقتى جاء وقت اننا نبدأ نتمرن على اللى اتعلمناه
مع انتهاء الدرس الثامن واتقانه هتكونوا على اتم الاستعداد لحل اى مشكله فى الويندوز وانا بقول اى مشكله يعنى مؤهلين لذلك وهتلاقوا بعدها ان فى حاجات كنتوا بتسألوا فيها ومش عارفين طريقتها
طيب اكيد بتسألوا هنبدأ نتمرن عملى ازاى؟؟؟؟
هقولكم....
هنا فى الركن بتنزل مشاكل كتيره محتاجه لحل
تبدأوا تفكرو فى حلها وتحاولوا تحلوها
وبما انكم فى فتره التمرين فلا تقوموا بانزال الحل كرد لصاحب المشكله لاننا مش هنجرب نتعلم فى مشاكل الناس
كل اللى عليكم لما تدخلوا الركن تشوفواا المشاكل الموجوده وتحاولوا تحلوها
وتنزلوا المشكله وحلها كرد هنا فى هذا الموضوع وانا هشوف حل كل واحده صح ولا لأ لحد ما تدربوا كويس وبعدها تحلوا المشاكل فى مواضيعها
هفسر تانى تدخلوا الركن تشوفوا المشاكل اللى محتاجه حل وتحاولوا تحلوها وتنزلوا المشكله وحلها هنا فى الموضوع دا مش فى موضوع المشكله نفسها وانا هشوف المشكله والحل لكل واحده فيكم واعلق عليه
اتمنى تكون الصوره وضحت
كدا هنتدرب على ارض الواقع بمشاكل حقيقيه ونتعود اننا نواجه المشكله ونحلها
وقبل ما اختم عايزه اوجه الشكر لأبريل حواء لانها كانت أول واحده تطبق الفكره دى وتحاول حل مشاكل الاعضاء هنا
وهذا مثال لها :
http://www.lakii.com/vb/showthread.php?t=581657
بس بكرر ماتنزلوش الحل بتاعكم فى المشكله نفسها لا تنزلوه هنا فى الموضوع دا
ربنا يوفقكم