.•°•. لتتميزى معنا فى ركن الديكور ... تعالى هنا وأنا أقولك ازاى.•°•. متجدد دائما

**ghdghoda** · 21-10-2007, 11:10 PM

اخواتى العزيزات فى منتدانا الغالى

النهاردة ان شاء الله موضوعى هيبقى دعوة لينا كلنا
عشان نساعد فيها بعض
وتبقى مواضيعنا كلها متميزة ان شاء الله

طبعا ماشاء الله الركن نشيط جدا اليومين دول
وكثير من الاخوات بينزلوا مواضيع مهمة ومفيدة
ولكن للاسف بتبقى اكترها منقولة
او بتبقى عبارة عن مجرد صور

طب ممكن أسال سؤال..
لية ماتكتبيش موضوع بنفسك وينسب ليكى انتى
وتتميزى فيه
وتبدعى فيه
وممكن تحصلى فيه على وسام التميز
وكل ابداع وراءه ابداع اخر
وكل تميز وراءه تميز اخر

وبمرور الوقت تتعلمى اكتر من خبراتك السابقة
وتتميزى فى مواضيعك اكتر
ومن الممكن طبعا تكونى متميزة فى الركن ككل

لية ما تحاوليش انك تحصلى على لقب نجمة شهر الديكور
او تحصلى على لقب يميزك
بمجهودك ومواضيعك الجيدة والقيمة

انا شخصيا لم اصبح فراشة ركن الديكور كدة على طول
فى الاول
كانت كل مواضيعى بتبقى منقولة
وكتير منها كان بيبقى مجرد صور
وبجد
ماكنتش اعرف ازاى اعمل موضوع بنفسى
ولكن وجدت من يساعدنى
بتشجيع مشرفتانا الغاليات على التعليق على الصور
وبمساعدة اخوات ليا هنا فى المنتدى دلونى على الطريقة
اللى بيها اعمل موضوعى بنفسى

النهاردة ان شاء الله
هساعدكم واقولكم على الطريقة اللى تعملى بيها موضوعك بنفسك

سورى طولت عليكم

(عارفة هتقولوا البنت دى رغاية قوى

)
بس معلش استحملونى

**ghdghoda** · 21-10-2007, 11:11 PM

اول حاجة تعمليها
انك تحددى فكرة موضوعك
يمعنى موضوعك دة هيتكلم عن اية

وبعد كدة ابحثى عن الصور اللى تؤيد فكرتك دى
ولا حظى ان الصور لازم تكون منوعة
وفيها افكار فرعية
بمعنى
مثلا لو هنعمل موضوع عن السجاد
هنتكلم فيه الاول عن السجاد بصفة عامة
عن صناعته
انواعه
استخداماته وهكذا
مع توضيح فكرتك بالصورة

اما عن طريقة البحث
ممكن تستخدمى اى موقع للبحث
(جوجل او MSN او Yahoo وهكذا )

تانى حاجة ودى الاهم
انك تعلقى على الصور اللى هتستخدميها فى الموضوع

فى بينا كتير من الاخوات مش يعرفوا يعلقوا
ان شاء الله فى الموضوع دة كلنا هنساعد بعض عشان ازاى نعرف نعلق

باذن الله فى الموضوع هعرض صور
والمطلوب منكم ان كل واحدة تدخل وترد تعلق على الصورة

وان شاء الله مع متابعة مشرفاتنا العزيزات
ومساعدتهم لينا وتصحيح اخطاءنا
هنبقى كلنا متميزين باذن الله

و هبدأ انا بالصورة دى

فى طريقتين للتعليق
الاولى ... انك تعلقى على الصورة بجملة واحدة
الثانية ... انك تشرحى وتحللى اية المميز فى الصورة وتبريزى جمالها من خلال كلماتك

وتطبيقا على الصورة

الطريقة الاولى

نرى فى الصورة تداخل اللونين البيج مع البرتقالى ليخرج لنا لوحة فنية جميلة

الطريقة الثانية

نجد أمامنا غرفة رومانسية هادئة ..الاثاث فيها باللون البيج مع اضافة بعض الاكسسوارات باللون الاورانج ليضفى مزيد من الحيوية والاشراق على الغرفة .. مع التفنن فى الاضاءة الخافتة سواء على جانبى السرير اوفى اضاءة السقف.. واضافة مجموعة من اللوحات البسيطة لتزيين جدران الغرفة .. وطبعا لم ننسى استخدام الزرع الاخضر لاضافة جو متجدد للغرفة

**ghdghoda** · 21-10-2007, 11:13 PM

دوركم بقى يا حلوووووووووووين

عايزة اشوف تعليقاتكم على الصورتين دول

تم اضافه صور جديده للتعليق عليها

:

وفى النهاية
بجد ومن كل قلبى اتمنى لكم الاستفادة والتمييز دائما فى كل مجالات حياتكم ان شاء الله

**ام صائب** · 22-10-2007, 02:10 AM

ما شاء الله يا غدغودة الطيبة الحنونة
شكرا على الموضوع الاكثر من رائع

بصراحة موضوع روعة ومفصل وفيه الفائدة الكبيرة
واتمنى أن يدخله كل من تحب ركن الديكور وتحب أن تبدع فيه

بارك الله فيك يا فراشة وجزاك الله خيرا على افادتك
موضوعك يستحق التثبيت ليس التميز فقط برايي

أعلق على الصور ولا بلاش !!!!!!!! خليها لبعدين برد آخر ان شاء الله

دمت بحفظ الباري

**ام بودى2** · 22-10-2007, 03:11 AM

ما شاء الله يا غدغودة
ربنا يجزيكى خير على هذة المبادرة الطيبة منكى
موضوع جميل ونبيل فى نفس الوقت بارك الله فيكى واثابك ونفع بكى

**behappy** · 22-10-2007, 02:35 PM

رااااااااااااااااااااائع ....رااااااااااااااااائع

يا غاده مجهود متميز وفكرة متميزه و تطبيق اكثر من جميل

وسابدأ بالتعليق انا ايضا ونتمنى من الجميع المشاركة

................

ركن مميز جدااا ومشهد يظهر وبوضوح الابتكار في ديكور غرفة الطعام

وتحويلها من غرفه باثاث تقليدي الى غرفه بها من الابداع الكثير

اذا لاحظنا اثاث غرفة الطعام سنجده تقليدي جدااا ...

الطاولة و النيش الذي يجمع القطع الخاصة بالطعام..

جميعها بتصميم نشاهده كثيرااا

الا ما يلفت النظر الاستخدام الانيق للطاولة الجانبيه

وكذلك الابداع في عمل طاقتين حائطيتين بارفف تحمل لمسات انيقه

و اكسيسوارات ناعمه تضفي تجديد وتألق للغرفه

كرسيي بورجير حديثين على جانبي الطاقتين

لمسه مبتكرة ...لو ازيلت سنحتار كثيرااااااا فيماذا سوف يمكن ان نضع

لملئ هذا الفراغ

الا اني افضل عدم وجودها لاظهار المنطقه

او من الممكن استبدالها ببنشين انيقين صغيرين

**ghdghoda** · 22-10-2007, 03:45 PM

كتبت بواسطة ام صائب

ما شاء الله يا غدغودة الطيبة الحنونة
شكرا على الموضوع الاكثر من رائع

بصراحة موضوع روعة ومفصل وفيه الفائدة الكبيرة
واتمنى أن يدخله كل من تحب ركن الديكور وتحب أن تبدع فيه

بارك الله فيك يا فراشة وجزاك الله خيرا على افادتك
موضوعك يستحق التثبيت ليس التميز فقط برايي

أعلق على الصور ولا بلاش !!!!!!!! خليها لبعدين برد آخر ان شاء الله

دمت بحفظ الباري

العفو يا حبيبة قلبى
دة الشكر ليكى انتى على كلامك الحلو دة
تسلميلى يا عسسسسسل
بس ممكن دقيقة
اية اعلق ولا بلاش دى
ايووووووووووووة طبعا .......لالالالالازم تعلقى
و مستنية ردك وتعليق يا جوهرتنا

**ghdghoda** · 22-10-2007, 03:52 PM

كتبت بواسطة ام بودى2

ما شاء الله يا غدغودة
ربنا يجزيكى خير على هذة المبادرة الطيبة منكى
موضوع جميل ونبيل فى نفس الوقت بارك الله فيكى واثابك ونفع بكى

اهلا ام بودى يا نجمتنا
ميرسى يا حبيبتى على كلامك و ذوقك
وبارك الله فيكى انتى كمان على كل ماتقدميه لنا فى الركن
بس ام بودى ممكن دقيقة انتى كمان
فيييييييين التعلييييق يا نجمتنا
مستنية تعليقك يا قمر

**ghdghoda** · 22-10-2007, 04:00 PM

كتبت بواسطة behappy

رااااااااااااااااااااائع ....رااااااااااااااااائع

يا غاده مجهود متميز وفكرة متميزه و تطبيق اكثر من جميل

وسابدأ بالتعليق انا ايضا ونتمنى من الجميع المشاركة

................

ركن مميز جدااا ومشهد يظهر وبوضوح الابتكار في ديكور غرفة الطعام

وتحويلها من غرفه باثاث تقليدي الى غرفه بها من الابداع الكثير

اذا لاحظنا اثاث غرفة الطعام سنجده تقليدي جدااا ...

الطاولة و النيش الذي يجمع القطع الخاصة بالطعام..

جميعها بتصميم نشاهده كثيرااا

الا ما يلفت النظر الاستخدام الانيق للطاولة الجانبيه

وكذلك الابداع في عمل طاقتين حائطيتين بارفف تحمل لمسات انيقه

و اكسيسوارات ناعمه تضفي تجديد وتألق للغرفه

كرسيي بورجير حديثين على جانبي الطاقتين

لمسه مبتكرة ...لو ازيلت سنحتار كثيرااااااا فيماذا سوف يمكن ان نضع

لملئ هذا الفراغ

الا اني افضل عدم وجودها لاظهار المنطقه

او من الممكن استبدالها ببنشين انيقين صغيرين

اهلا بمشرفتنا الغالية behappy
منورة الموضوع
ميرسى يا قمر على كلامك العسسسسسل دة وعلى التثبيت ..الف شكر يا عسل
وطبعا تعليقك ماشاء الله

مافيش كلام
تسلمى يا عسل على مشاركتك وتعليقك
وبجد اتمنى انا كمان التفاعل و المشاركة من الاخوات

**ام بودى2** · 22-10-2007, 04:26 PM

اهلا يا غدغودة
بصراحة انتى عارضة صور بها كثير من الافكار والديكورات المنوعة
بصراحة زى امتحانات الثانوية العامةهههههههههههه
لازم الواحد يتانى فى الاجابة هههههه
انا عجبتنى الصورة دى جداااا لانها تحوى كثير من الافكار

1:من حيث كسر حدة اللون الاحمر بالوسائد المنقوشة فى الانترية
2: توزيع النباتات غاية فى الروعة اعطى للمكان مع الاضاءة رونق خاص
3:حيرنى لون الحائط جدا هل هو تعتيق ام ورق حائط بصراحة غاية فى الروعة
4:استخدام المقسمات فى الديكور بشكل مبهر وجميل
بصراحة كل شئ وضع فى مكانة الصحيح
5: توزيع الاكسسوارات على الطاولة فى المنتصف بصراحة يجنن وملفت
هذا ما لفت نظرى فى الصورة

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: .•°•. لتتميزى معنا فى ركن الديكور ... تعالى هنا وأنا أقولك ازاى.•°•. متجدد دائما

أدوات الموضوع

العرض