اخواتي الغاليات
هذا الموضوع اللي هو اسم الطفل وتأثيره لقيت فيه ناس تأيده وناس تعارضه
وعشان تفهموني اكثر مثلا اسم حمزه عادة يكون طفل كثير الحركه وكثير البكاء
واذا كبر شوي يكون عنيد
وعبدالله طيب لكن عبيط ماله الا اللي براسه
عبد العزيز شخصيته قياديه
خالد طيب وكريم لكن عنيد
ومريم غالبا عصبيه وعنيده
وخديجه فضوليه وسميه هاديه لدرجة البرود وحييه(تستحي)
خوله جريئه وتحب تفرض شخصيتها
ساره مرحه لكن شخصيتها قويه( تعرف ايش تبغى)

طبعا يمكن مو الكل بينطبق عليه لكن الغالب من الأطفال اللي شفتهم سواء من العيله او الأصدقاء (يعني رغم اختلاف البيئات)تنطبق عليهم هذه الصفات
انا طرحت الموضوع لأني ابغى اعرف رأيكم وكمان لأني ابحث عن اسم لطفلي
-مااعرف هو بنت ولا ولد-لكن حابه اعرف اللي مؤيد الفكره ممكن يطرح بعض الأمثله(يكتب اسم الطفل وصفاته)
انا بانتظاركم