استفسار عن السميد

[SMILE4LIFE]

السلام عليكم ورحمة الله

بعد غياب عدت لكم باستفسار أتمنى أن تساعدوني

قمت ببس السميد مع السمن من ثلاثة أيام تقريبا، ولأسباب خاصة لن أستطيع إتمام عمل الكعك حاليا
هل من حلول؟ ولّا خلاص هيك خرب؟

والكعك (بتمر وفستق حلبي) عادة بعد وضع سكر البودرة عليه هل يمكن تخزينه؟ وما نوع الوعاء؟ بلاستيك أم معدن أم كرتون؟

شكرا لكم وبارك الله فيكم

[(( ام ماهر ))]

مساء الخير

اختى اذا السميد مع السمن مبسوس ممكن يظل اسبوع فقط بالثلاجه لانه اذا ظل بالخارج بحمض ولما تعمليه بعمل حموضه

[وعود الخير]

الغالية ام ماهر اجابتك
بس لو المدة طويلة يعني اكتر من اسبوع
ممكن تحطيه في كيس نايلون وع الفريزر
وعند الاستعمال طلعيه لحتى يفك الثلج عنه
يعني ممكن من الليل لتاني يوم
وخففي كمية السوائل اللي راح تضيفيها

وبخصوص السؤال الثاني
يفضل حفظ الكعك والمعمول بدون السكر الناعم ورش السكر عند التقديم او قبلها بساعات

[SMILE4LIFE]

يسلموا أم ماهر ووعود الخير
ريحتيني يا وعود بأنه بينفع يتحط في الفريزر لأنه نو واي أقدر أعمله قريب.
بدي أسأل فيه وصفات للسميد المبسوس بالسمن غير الكعك؟ يا ريت تحطولي وصلات إذا فيه.
وهلأ الفستق الحلبي المدقوق ومخلوط مع قطر أخليه بره ولا لازم في الثلاجة برضه؟
وللأسف صرت حاطة سكر البودرة لأنه عأساس كان يروح لناس وصار ظرف مفاجئ. أنا حطيته في علبة كرتون مقوى وفي قاعها ورق نشاف ولزقت الكرتون باللزيق ولفيتها بنايلون كويس. هل هيك أوكي ولا وجود السكر مرشوش رح يخليه يخرب؟
الله يبارك فيكم يارب

[وعود الخير]

صباح الخيرات

الفستق مع القطر خليه في كيس نايلون او علبة بلاستيك في الفريزر لوقت الاستخدام
بس الكعك المرشوش بالسكر إياك تحفظيه في الثلاجة او الفريزر لان السكر راح يذوب ويدبق معك

لهيك خليه في مكان جاف وغلفيه بنايلون وحاولي تتصرفي فيه بسرعة
لان السكر الناعم مع طول مدة الحفظ ومع رطوبة الجو راح يذوب

[SMILE4LIFE]

تسلميلي يا وعود
معلش غلبتك كتير بس على حد علمك فيه وصفات تانية ممكن أستخدم فيها السميد المبسوس غير الكعك؟

[وعود الخير]

ما فيها اي غلبة يا اختي

ممكن تعملي كعك مد في الصينية
بدل ما تشكليه بالقوالب
طريقة الأخت الغالية منـى
بتضيفي حليب سخن ع السميد المبسوس مع رشة قرفة ومحلب

ع النار بتحطي كوب ماء مع العجوة وبتحركيها لحتى تذوب منيح
بترفعي عن النار وبتضيفي المحلب والقرفة وملعقة زبدة واتركيها لحتى تبرد
في صينية بايركس ادهينها بالسمن او الزبدة
رقي قطعة من العجين وخلي السماكة متساوية
حطي معجون التمر ووزعيه
وفوقه بقية عجينة السميد
رشي السمسم ع الوش
ودخليها الفرن لحتى تستوي
وبعدها اتركيها تبرد شوي وقطعيها
وصحتين وعافية

[(( ام ماهر ))]

شكرا للغاليه وعود للاجابه

بس ان تحفظى المعمول بالكرتونه غلط هيك سينشف لانه الكرتون سياخذ السمن الذى فى المعمول

يفضل التخزين بتبروير وفى الثلاجه

الفستق الحلبى من الافضل استخدامه بسرعه مثل عمل بقلاوه

السميد المبسوس ممكن تعملى الدحدح

http://www.lakii.com/vb/a-16/a-787953/