ايه رايكم نعيش مع مواقف وضحكات اولادنا؟؟؟؟؟؟؟؟؟

**ام ادهوم** · 15-02-2009, 01:35 PM

السلام عليكم ورحمة الله وبركاته
اخباركم ؟؟؟ ان شاء الله تكونو بخير انتو واولادكم باذن الله
خطرت ليا فكرة وهى ان كل ام تكتب موقف حصل مع ابنها او بنتها موقف مضحك او موقف غريب ونتعرف على اولادنا حتى لو حصل موقف كل يوم تكتبه ونضحك معاهم وممكن كمان نبكى بس ان شاء الله ما يكونش فى بكا ابدا
يلا قولو رايكم ونبتدى

**ام ادهوم** · 15-02-2009, 02:14 PM

طيب ابتدى انا:
هو مش مضحك الموقف بس هو لسة مأثر فيا
من اسبوع كنت فى المطبخ بعمل الغدا وادهم معايا واخدة بالى يكون بعيد عن النار بس ادهم راح للخزنة اللى تحت الحوض وفتحها وانا سمعت صرخة وبكا بصوت عالى جريت عليه وكان صابعه مزنوق فى باب الخزنة( فى المفصلة) وهو يصرخ وانا اصرخ وانادى على امى ومش عارفة اعمل ايه خايفة افتح الباب او اقفله ازنق على صابعه اكتر جبت صابون الاطباق وحطيت على صابعه علشان اعرف اخرجه بس مفيش فايدة وارفع صابعه من تحت كمان مفيش فايدة وكل اللى خطر فى بالى انه صابعه بعد الشر هيتقطع وكنت بعيط وبرجف وامى كمان مش عارفة تعمل حاجة
بس سميت ربنا وحاولت اشوف افتح الباب او اقفله واشوف الحركة هتعمل ايه والحمد لله لما قفلت الباب المفصله وسعت وخرج صابع ادهم اخدته فى حضنى وكنت ببكى بهسترية اول مرة فى حياتى ابكى بالشكل دة وهو كمان يبكى ويحضنى والله بقيت يومين مش مالكة اعصابي بس اقول الحمد لله الحل كان بسيط بس علشان خوفى عليه وارتباكى ماعرفتش اتصرف
ربنا يحفظ اولادكم

**ريدووو** · 15-02-2009, 02:15 PM

أختى أم أدهووم شكرا على الموضوع والفكرة الحلوة
أنا لى مواقف كتير مع إبنى بس مش فاكرة حاجة منها هههههههه
إن شاء الله لو إفتكرت حاجة هحكيهالكم...
تقبلى مرورى

**ريدووو** · 15-02-2009, 02:25 PM

لا حول ولا قوة إلا بالله ...الله يحفظه لكى من كل شر ويباركلك فيه
إنتى فكرتينى بموقف بما إنك ذكرتى المطبخ............

أنا حصل موقف معايه لما كان إبنى عمره سنتين و4 شهور ...كنت فى المطبخ بعمل مكرونة بالبشاميل وعملت البشاميل وسبته يبرد على ما أسلق المكرونة وأعصج اللحم..............المهم التليفون رن وكانت واحدة صاحبتى ....

سبت المطبخ ورحت أرد وطفيت النار كلها طبعا ......والمكالمة طولت وصاحبتى عمالة تحكى وأنا مش شايفة إبنى أمامى وحاسة إنه بيعمل كارثة بس مش قلقانة عشان مش سامعة صوته بيعيط......................

المهم بعد المكالمة ما خلصت وصاحبتى خلصت كلام أخيرا وأنا من عادتى بتكسف أقول لحد هكلمك بعدين أو إقفل أو كده........

المهم رحت المطبخ ولقيت الأستاذ بودى ماسك الحلة اللى فيها البشاميل حاططها على الأرض وحاطط جمبه علبة السمنة وعمال ياخد من ده ويحط على ده وغرقان فى البشاميل والسمنه وفرحااااااااان جدا .....وعمال يصرخ من السعادة والإنتعاش والإثارة ههههههه... الظاهر كان بيخترع لنا أكلة جديدة ههههههههههههه

وأنا طبعا كان موعد رجوع زوجى من عمله وفضلت أضحك بطريقة غريبة على شكل إبنى ههههه وفى نفس الوقت متغاظة منه جدا.........خخخخخ

وإتصلت بجوزى قلت له يجيب غدا وهو جاى وأخدت الأستاذ الصغير على الحمام ..
بس كان يوووووووم كل ما أفتكره أضحك ههههههههه

**مجنونة فيك** · 15-02-2009, 03:09 PM

والله مواقف كثير تحصل مع اولادنا بس في موقف حصل لى مع ابني الكبير خلاني ابكي واتاثر من كلامو طولت عليكم

اقول لكم الموقف هو انا كنت اول دايما اطرب في اولادي وانا الحمدالله عاهدت نفسي اني ما اطربهم وطبعا صارلى فترة طويلة ما اظربهم
المهم
نيمت اولادي عشا اروح انام وبعد ما نامو كطلعت من غرفتهم ورحت انظف البيت قبل ما انام وبعد ما خلاصت قلت اروح اشوف ولادي قبل ما انام ودخلت الغرفة وغطيت ابني عباس الصغير وبستو على خذو وبعدين ورحت الى ابني الكبير احمدعشان ابوسو واغطية ولما بستو فتح عينو وجلس يطالع في عيني ودموعو تنزل من عينية انا لما شفتو كذا قلت لة لية ماما بتبكي قالي ماما انا احبكك وانتي ماما طيبة كثير وبتخافي علينا وبتحبينا وطبعا عمرة والولد 6سنوات و11 شهر ربي يخلي على حنيتة وطيبة قلبة واختو في حظني وبستو وبكيت ونيمتو وقمت حمدت ربي على النعمة العاطفة لى عطاها ابني والله يخلية وخلي اولادكم يارب
واسفة طولت عليكم

وراجعة لكم بموقف تاني انشاءالله

**ام ادهوم** · 15-02-2009, 04:54 PM

والله ريدو موتنى من الضحك ههههههههه الله يخلى ليكى يارب
مجنونة فيك ما شاء الله ربنا يخلي ليكى اولادك ودايما يارب قلوبهم مليانة حب
انا كمان ابنى لما بيجى ينام بينيمنى على كتفه وهو يادوب لسه ما كمل السنتين وياخدنى فى حضنه والله بحس باالامان

**oum mossab** · 15-02-2009, 06:47 PM

هههههه اانا ابني كثير شقي
انكم تعرفوا مسلسل باب الحارة...انا كل رمضان اتبعوا يعني 3سنوات.و ان شاء الله هدا العام ايضا مع الجزء 4
كل ما اتفرج عليه في سهرية رمضان اجيب صحن فيه عنب ,و ابدا اتفرج و اكل العنب
و كل مايجيء وقت المسلسل و اكون مشغولة يجيء ابني مصعب يقولي يا ماما بدا المسلسل تاع العنب ههههههههههه,هو ما يعرف اسمه
شو رايكم

**بنت المحبه** · 15-02-2009, 08:52 PM

أخي لما كان يحبي دخل على المطبخ ودار صحن الزيت على الأرض ف صار يزحلق كل ما يجي يقوم يتزحلق

**ام البنين2004** · 15-02-2009, 09:18 PM

ضحكتني مواقفكم ههههههه

انا بالنسبة لابني عبودي بيكون في العربة تبعة الاطفال لانه لسه عمره 8 شهور

وانا بنشر الغسيل على المنشر بيكون يحاول يمسك اي شي عن المنشر

ومرة بس خلصت انشر و قعدت شوي والا اشوف بنطلون ابوه على الارض و بعدين فستان الي

بين ايديه و هو بيسحب بالغسيل طبعا لاني بنشر جوه البيت ما بحط ملاقط

ولهلا كل ما انشر بيكون يستنى اخلص عشان يبدى يسحب الملابس و يمسح بيها البيت

ههههههههههه الله يحميه و يحفظه يا رب

**ام ادهوم** · 16-02-2009, 12:26 AM

والله ام مصعب ضحكتينى من قلبي ربنا يخليهولك ويارب تشوفى مسلسل العنب ههههههه
بنت المحبة اتخيلت شكل اخوكى بيجنن والله ههههههههههه كويس انكم ما اتزحلقتو كمان
ام البنين ما شاء الله هو بيساعدك اكيد هههههههههه

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ايه رايكم نعيش مع مواقف وضحكات اولادنا؟؟؟؟؟؟؟؟؟

أدوات الموضوع

العرض