₪ متميز ₪ ***كل ما تودين معرفته عن براون سيلك ابيل الجديده(بالتصوير الممل)***

[القطة مشمشة]

فعلا خاصيه الشحن مش ضروريه قوي واضمن لك لاني خفت بعد كام سنه البطاريه تضعف ومتقبلش الشحن وفي الاخر برضه حشغلها والشاحن موصل بالكهرباء لان كان عندي ماكينه حلاقه بالبطاريه وال بها الامر اني اشغلها وهيا بالكهرباء ومبروكه عليكي مقدما ولما تشتريها لو فيه اي صعوبه واجهتك انا في انتظار استفسارك

اولا مبروكه عليكي وربنا يبارك لك فيها وتستخدميها وانتي متهنيه يارب

حقولك غلطك فين وتركزي معايا وتحطي في اعتبارك انك لسه غشيمه على فنيات الاله ولازم مره في مره حتتعودي
عليها

بصي بقى يا ستي انا حقولك تعملي ايه لاني وقعت في نفس المشكله ده واتنكدت برضه لكن مستسلمتش

وانتي بتستخدمي الاله لازم تكون عموديه سواء على ايدك او رجلك او اي مكان بتنزعي منه الشعر

بالنسبه للايد بقى علشان الشعر ضعيف شويه عن بقيه الجسم ولما بتنزعيه بتحطي الاله غلط وبالتالي الملاقيط بتمسك الشعره ايوه لكن مش بتنزعها صح وبالتالي بتقصفها (لان الملقاط مسك فيها خلاص )

طيب في الحاله ده حتعملي ايييييييييه؟؟

ركزي بقى معايا

الماكينه حتمسكيها عموديه على ايدك وعكس اتجاه الشعر ولكن بدل ما تحطيها عموديه بالظبط حتميليها على ورا كمان شويه زياده وانا رسمتلك رسم كروكي اعتباطي كده للشرح عليه واتمنى اني اقدر اوصل المعلومه



اللون البني ده طبعا ايدك
وعليها الشعر باللون الاسود المايل ده
والخط الاسود العمودي المتقطع ده اللي المفروض بتمشي الماكينه على اساسه ولكن انتي حتميليها شويه
واللون الازرق ده بقى الماكينه وده خط الميل بتاعها اللي انتي حتمشي عليه

طيب دلوقت عرفتني تعملي كل اللي فات ...لسه فاضل حاجه مهمه

وانتي بتمشي الماكينه على ايدك متمشيهاش زي ماكينه قص الحشائش كده
انتي حتحطيها على المكان وتقفي ثواني وتمشي بالرااااااااااااحه قوي بنفس الميل حتلاقي الشعر مرمي على ايدك بجذوره زي الجثث

اتمنى اني اكون عرفت اوصل المعلومه واي سؤال تاني انا تحت امر اي اخت

ومستنيه تعملي اللي قلت لك عليه وتقوليلي النتيجه

ومتنسيش تدعيلي

الصراحة مش عارفة اقولك اية غير ان ربنا يباركلك و يديلك كل اللى بتحلمى بية يا رب
الحمد لله استخدمتها كدا و ما شاء الله رررروعة الحمد لله قدرت اعمل جسمى كللللللللة فى ساعتين بعد ما كنت بعملة طول النهار هههههههه و تلزيق و قرف

[semsma]

ربنا يبارك فيكي أنا كنت بادور على أحسن حاجة في براون عشان عايزة أشتريها لأني حامل وفي الحمل الواحدة بتبقى مش طايقة نفسها ومش قادرة تعمل سويت ولا غيره
ربنا ييسرلك زواجك بالزوج الصالح اللي يحافظ عليكي ويتقي الله فيكي يارب

[SHERO14]

[contesa]

ربنا ييسيرلك الحال ويزوجك قريبا
وبجد بجد شكر ا على الشرح التفصيلى للماكينه

بارك الله فيكي اختي
الله يسرك امورك ويرزقك بالزوج الصالح
والذريه الصالحه

مشكووووووووووره ماقصرتي وعليج بألف عافيه

جزاكي الله خيراً أختي

جزاكم الله كل خير وشكرا على تشجيعكم والله يهنيكم ويسعدكم زي ما اسعدتوني

[contesa]

الصراحة مش عارفة اقولك اية غير ان ربنا يباركلك و يديلك كل اللى بتحلمى بية يا رب
الحمد لله استخدمتها كدا و ما شاء الله رررروعة الحمد لله قدرت اعمل جسمى كللللللللة فى ساعتين بعد ما كنت بعملة طول النهار هههههههه و تلزيق و قرف

مبروكه عليكي يا قطه وعقبالي لما اعمل جسمي كله انا كمان
والصراحه ميزه البراون فعلا انها غير الحلاوه في التلزيق والتعب واللخمه ووجع الصوابع وفي الاخر تلاقي شعر صغير برضه مطلعش
واي سؤال في اي حاجه تاني اتفضلي اسأليه

ربنا يبارك فيكي أنا كنت بادور على أحسن حاجة في براون عشان عايزة أشتريها لأني حامل وفي الحمل الواحدة بتبقى مش طايقة نفسها ومش قادرة تعمل سويت ولا غيره
ربنا ييسرلك زواجك بالزوج الصالح اللي يحافظ عليكي ويتقي الله فيكي يارب

ربنا يكمل لك على خير يارب
بالنسبه للبراون عموما حلوه والموديلات الاخيره ليها تقريبا تشبه بعضها انما لو بتدوري على احسن واجدد حاجه فهيا الماكينه اللي انا جبتها واللي احدث منها على طول اللي هيا نفس بتاعتي بس تشتغل بالشحن ونصيحتي ليكي مادام انتي متجوزه تجيبي زي بتاعتي كده حتى لو فيها حاجات مش حتستخدميها بس حيجيلك يوم وتحتاجيها

ميرسي والله يبارك لك ويبارك لكل اخت يارب

[أم سنابل]

ربنا ييسر لكى زواجك ويرزقك بالذرية الصالحة

[أم الكرامة]

موضوع رائع

الله يجزيك خير

الله يوفقك ويسهل أمورك

[contesa]

ربنا ييسر لكى زواجك ويرزقك بالذرية الصالحة

موضوع رائع

الله يجزيك خير

الله يوفقك ويسهل أمورك

شكرا لكم لدعواتكم الطيبه

[semba155]

انتى هايله انا كنت محتاجه المعلومات دى ضرورى
ربنا يسعدك وييسر امورك ويتم زواجك على خير ويرزقك الذريه الصالحه

[contesa]

انتى هايله انا كنت محتاجه المعلومات دى ضرورى
ربنا يسعدك وييسر امورك ويتم زواجك على خير ويرزقك الذريه الصالحه

الحمد لله اني قدرت اساعدك واي استفسار عنها في اي حاجه اسألي وان شاء الله اقدر افيدك وشكرا كتير على الدعوه الحلوه وربنا يستجاب منك