حد فاهم حاجه ؟؟؟؟؟؟؟؟؟؟

[naglaa22]

حد فاهم حاجه ؟؟؟؟

انا خلاص بقيت تايهه ومش فاهمه اى حاجه فى اى حاجه

هو فى ايه ؟؟

فى لحظه كده الموازين اتقلبت والصح بقى غلط والغلط بقى صح

ليه صوت الباطل اصبح عالى ؟؟

ليه الكذب والنفاق بقى علنى كده ؟؟

ليه مبقاش حد عامل حساب لحد والاهانه والالفاظ الخارجه بقة حريه ؟؟

فين الحياء ؟؟

فين الخوف من ربنا ؟؟

ليه الدين بقى يتحارب من المسلمين قبل غيرهم ؟؟

هو فى ايه ؟؟

امال احنا عملنا الثوره ليه ؟؟

مش الثوره قامت علشان نطهر البلد ؟؟

مش الثوره قامت علشان الظلم تفشى فى كل ركن ؟؟

ليه حاسه انى كل حاجه هترجع زى الاول واوحش كمان ؟؟

زهقت من كل حاجه قلت ابعد عن التليفزيون والاخبار يمكن ارتاح بس لا انا مرتحتش ؟؟

البلد كلها حلها مقلوب والناس كمان بقة وحشه ؟

ليه الناس بقة وحشه اوى كده ليه مش قادرين نحافظ على مبادئنا وكلمتنا

ليه حاسه ان صوت الباطل بقى اقوى من الحق ؟؟؟؟

كل يوم بنسمع كلام كذب فى كذب واشاعات وتغير للحقائق


فى ايه مين الغلط ومين الصح ومين الصادق ومين الكذاب ومين الخاين ومين الامين

وايه الى المفروض الواحد يعملوا ؟؟؟؟؟؟؟؟؟؟؟

هل اتخذ موقفا سلبيا واقول انا مالى ؟؟ بس مش عارفه اعمل كده لان ده مصير جيل بحالوا

طيب ايه الصح ؟؟؟؟


مش قادرين نثق فى حد خلاص الكل بيخون بعضه ومبقاش فى اى احترام لاى حاجه ولا لاى حد

ليه فهمنا الحريه غلط ؟؟؟؟؟؟؟؟؟؟؟؟؟؟؟؟؟؟

وليه الكل بقى تايه ومبقاش فاهم حاجه ؟؟؟؟؟؟؟؟؟؟؟؟؟؟؟؟

هل ده غضب من ربنا علينا ؟؟

ليه مش قادين نتوحد على كلمة سواء ؟؟؟؟؟؟؟؟؟

اليوم انا برأى امبارح كان ليه راى مختلف وبكره مش عارفه هيكون ايه !!!!!!!!! ههههههه لغبطه وتوهه

ليه مخلين الدنيا صعبه ليه بندور على دساتير نعملها وقوانين ليه بنصعب الدنيا علينا وهيه سهله

ربنا مسهلها علينا والله

عندنا الدستور والقوانين فى القرأن الكريم وسنة نبينا محمد صلى الله عليه وسلم

ليه مصعبين الدنيا واحنا نمتلك كنز لو اتبعنا عشنا مرتاحين وسعداء فى الدنيا والاخره


مين الى يقدر يقول ان سنة النبى صلى الله عليه وسلم لا تصلح لهذا الزمن من يستطيع ان يقول هذا !!!!!!!!!!!!!!!!!!!!!!!!!!!!

اذا كان صلى الله عليه وسلم كان لا ينطق عن الهوى وانما هو وحى يوحى

قال تعالى : [ وَالنَّجْمِ إذَا هَوَى . مَا ضَلَّ صَاحِبُكُمْ وَمَا غَوَى . وَمَا يَنْطِقُ عَنْ الْهَوَى . إنْ هُوَ إلَّا وَحَيٌّ يُوحَى . عَلَّمَهُ شَدِيدُ الْقُوَى ] سورة النجم


مش هو ده الصح ولا ايه ولا يمكن فى حاجه ان مش شيفاها او مش عارفاها

نفسى افهم ليه مصعبين كل حاجه وهيه سهله محدش هيخترع حاجه من دماغه ده شرع وسنه وكل الى مطلوب منا فقط التطبيق

ليه الموضوع صعب كده ليييييييييييييييييييييييه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نفسى افهم ؟؟ لو حد فاهم حاجه ياريت يفهمنى يمكن ارتاح


يارب خرجنا من الدنيا على خير غير مفتونين بما يحدث فيها وثبت قلوبنا على كل ما تحبه وترضاه

[في حمى الحق]

[naglaa22]

ايوه مفيش فى ادينا غير الصبر
ولا حول ولا قوة الا بالله

ربنا يجزيك كل الخير على هذه الايات الكريمه وعلى مرورك الطيب

[~~زهرة المدائن~~]

انا زيك بسال نفس الاسئلة..
الثورات العربية شو عملت؟!!!
العرب بيليق لهم الحرية؟!!
العرب الان اقوى
!

[naglaa22]

انا زيك بسال نفس الاسئلة..
الثورات العربية شو عملت؟!!!
العرب بيليق لهم الحرية؟!!
العرب الان اقوى
!

نفس التساؤلات التى عندى

انا نفسى حاسه اننا العرب اقوى الشعوب التى فى العالم لان الله اعزنا بكل المقومات التى تجعلنا من اوائل الدول والشعوب

بس للاسف مش عارفه ليه الاحساس ده مش قادرين نترجمه فى الواقع الى افعال ليه حاسين بالعجز ليه حاسين اننا ضعاف

احنا حاسين اننا ضعاف لاننا متفرقين ومش يد واحده رغم اننا مسلمين ويجب ان يجمعنا اسلامنا وديننا على قلب رجل واحد وان نكون قوه واحده

ولكن الى الان لم يستطيع العرب فعلها وهذا ما يعلمه الغرب جيدا ان المسلمين لو تجمعوا يدا واحده فأنهم لن يستطيع احد مواجهتهم ولذلك هم يسعون دائما الى تفريقنا وعدم توحدنا

وهذا ما نعلمه جميعا ولكن زعماء العرب او رؤسهم يتناسوه او يجهلوه الله اعلم بحالهم .....

بس حلم حياتى ان يتوحد المسلمين جميعهم شعب واحد نجتمع جميعا تحت مظلة الاسلام لا تحت مظلة مصالحنا الخاصه لان هذا ما يضعفنا اكثر واكثر

اوقات كتير بدخل فى حوارات ومناقشات اقل ما يمكن ان يقال عنها انها متناقضه الكل بقه كلامه متناقض وغير مفهوم او واضح .... الواحد مبقاش عارف الناس عايزه ايه

او ايه الى تفضل ان تعيش عليه الاجيال القادمه او ايه الي بتتمناه ان يتحقق فى بلادها

شويه تلاقيهم فرحنين بفكرة تطبيق الشريعه ومتحمسين ليها وهمه همه نفس الناس تلاقيهم بعد شويه رافضين لهذه الفكره ويقولوا احنا شعب صعب يطبق فيه الفكر الاسلامى

لانها طريقه لا تتماشا مع هذا العصر !!!!!!!!!!!!!!

هو ايه العصر الى احنا عايشين فيه ؟؟؟

ايه الزمن الى الناس مش عارفه تصنع فيه قوانين تخليهم يعيشوا فى حريه ليه بنخترع القوانين الى تمشى مصالحنا الشخصيه وبس

انا تعبت من كتر الاسئله والحوارات التى لا تثمر عن كلام موزون او مقنع

اوقات الواحد بيحاول يسمع للناس الى بتتكلم بشده وعصبيه كده وعاملين خايفين على البلد تيجى تحاول تفهم حاجه يتوهوك اكثر ليه لانهم غير واضحين وبيلفوا ويدوروا حول قضيه واحده

وهى ان البلد لا تصلح لتطبيق الفكر الاسلامى او الشريعه الاسلاميه لاننا فى عصر الانفتاااااااااااااااااح

عصر الانفتاح يا عينى على عصر الانفتاح بتعهم ده تحفه بصراحه ويعينى على الحريه الى فهموها غلط وبيطبقوها غلط والله صعبانين عليا مشفتش ناس بالجهل والتعند ده لا حول ولا قوة لا بالله

احنا بقينا فى زمن صعب

ومش عارفه امته كل المسلمين هيتوحدوا ويبقوا يد واحده وينسوا المناصب والكراسى وملك الدنيا الزائل علشان نبقى قوه واحده ونخرس هؤلاء الافاقين والكذابين

ربنا يهدينا ويهدى الجميع

[لـــــيزا]

والله أعلم كل شي ذكرتي بكون من العلامات الصغرى ليوم القيامة
وشغلة تانية
المسلمين كتير بعا د عن الدين
إذا هان أمر الله علينا هنا على الله
اللهم وحد كلمة المسلمين وثبتهم
على الحق يا رب العالمين

[naglaa22]

والله أعلم كل شي ذكرتي بكون من العلامات الصغرى ليوم القيامة
وشغلة تانية
المسلمين كتير بعا د عن الدين
إذا هان أمر الله علينا هنا على الله
اللهم وحد كلمة المسلمين وثبتهم
على الحق يا رب العالمين

اه والله علامات القيامه الصغرى واكثر كمان بس جوايا احساس ان فى حاجه كويسه موجوده واحنا مش قادرين نشوفها او نحس بيها مش عارفه كل حاجه ملغبطه ومش مفهومه

انا معاكى ان كثير من المسلمين ابتعدوا عن شرع الله بس صدقينى فى ال 5 سنين الاخيره انا حسيت ان فى ناس كثير تقربت من ربنا واختارت الالتزام بتعاليم ديننا وتركت الكثير من المعاصى

وده انا وجدته فى المجتمع الذى انا فيه او من اعرفهم فى ناس كتير تدينت وبقة تعرف ربنا صح كنت حاسه ان الخير بقه فى الناس

اقولك على حاجه كنت حاسه ان ربنا كرمنا بالثوره علشان ترك الكثر من المسلمين للمعاصى وان دى اشاره من ربنا ان الخير مازال فينا

مش عايزين نفقد الامل فى ان الشريعه هتسود العالم وان الناس لسه بتخاف من ربنا

احنا كل ما نفتقده هو الوسيله لاظهار الخير الذى انتشر فى قلوب الكثيرين

يمكن نكون شايفين الدنيا سوداء وده مش علشان ان الخير انعدم لا علشان الوحش بس هوه الى بيظهر على الساحه علشان نخلى الناس تفقد الامل فى كل حاجه

كل ما نحتاجه الوسيل الصحيحه لاظهار الاشياء الطيبه التى تؤتى بثمارها على الناس محتاجين ننشر الامل فى بكره

محتاجين نطلع جيل مملوؤ بالامل فى بكره وفى ثورتنا وفى شريعتنا بس ازاى نعمل ده مش عارفه

مش عايزين شوية افاقين وكذابين ومنافقين ينشرو السم الذى يخرج منهم عايزين نحمى انفسنا واولادنا انا مش خايفه الا على الجيل الى خارج

ولادى وولاد المسلمين اجمعين بترعب من الكلام الى بسمعه من الطلبه بتوعى نفسى يشوفوا الحلوا زى ما بيشوفوا الوحش الجيل الى طالع شايف كل حاجه وحشه

ربنا يعدى الايام دى على خير يارب

[~~زهرة المدائن~~]

المسالة اكبر مننا نحن,,احكيلك شي
انا من ما وعيت عالدنيا لقيت انتفاضة وضرب وجيش ومنع تجول وما كان يمر اسبوعين الا الجيش يداهم بيتنا
ويتعارك مع امي وياخذ اخواني الشباب وكانوا يضربوهم ويسجنوهم,, بصراحة الموضوع صار عندي عادي وكانة شي من الحياه مثل الهوا والمي والاكل,,,وصوت الرصاص ما عاد غريب ولا يرعب ابدا
وكنت ادرس بمدرسة تخضع لسلطة الاحتلال ممنوع منعا باتا يذكر شيء اسمة فلسطين. واذا صدف وقلنا فلسطين او رسمنا علم نتعاقب من المعلمة او المديرة..
حتى صارت كلمة فلسطين بالنسبة لي كلمة بذيئة عيب تقوليها,,,
بعد شوي وعيت اكثر وحسيت فعلا كم نحنا مظلومين وكم نعاني,, ولما تزوجت صرت اخاف على زوجي وكان كثير يتعرض للخطر بحكم شغلة
وايام كثير يلاحقة الجيش , مرت علينا ايام صعبة جداا وكنت حاسس اني اكرة بلدي من التعب والقلق.والنفسية المدمرة,,
اخر شي
ايقنت وامنت من داخلي
انة ( لن يصيبنا الا ما كتب الله لنا)
الان
لا اهتم بالوضع والاحوال. ولا بالاحتلال , وما بفكر بالمستقبل بقلق وتعب خلاص سايبها لرب العالمين ومتوكلة على الله,,
وانتي اتركي عنك التفكير
وقولي
حسبي الله لا الة الا هو علية توكلت وهو رب العرش العظيم

عذراا للاطالة

[naglaa22]

المسالة اكبر مننا نحن,,احكيلك شي
انا من ما وعيت عالدنيا لقيت انتفاضة وضرب وجيش ومنع تجول وما كان يمر اسبوعين الا الجيش يداهم بيتنا
ويتعارك مع امي وياخذ اخواني الشباب وكانوا يضربوهم ويسجنوهم,, بصراحة الموضوع صار عندي عادي وكانة شي من الحياه مثل الهوا والمي والاكل,,,وصوت الرصاص ما عاد غريب ولا يرعب ابدا
وكنت ادرس بمدرسة تخضع لسلطة الاحتلال ممنوع منعا باتا يذكر شيء اسمة فلسطين. واذا صدف وقلنا فلسطين او رسمنا علم نتعاقب من المعلمة او المديرة..
حتى صارت كلمة فلسطين بالنسبة لي كلمة بذيئة عيب تقوليها,,,
بعد شوي وعيت اكثر وحسيت فعلا كم نحنا مظلومين وكم نعاني,, ولما تزوجت صرت اخاف على زوجي وكان كثير يتعرض للخطر بحكم شغلة
وايام كثير يلاحقة الجيش , مرت علينا ايام صعبة جداا وكنت حاسس اني اكرة بلدي من التعب والقلق.والنفسية المدمرة,,
اخر شي
ايقنت وامنت من داخلي
انة ( لن يصيبنا الا ما كتب الله لنا)
الان
لا اهتم بالوضع والاحوال. ولا بالاحتلال , وما بفكر بالمستقبل بقلق وتعب خلاص سايبها لرب العالمين ومتوكلة على الله,,
وانتي اتركي عنك التفكير
وقولي
حسبي الله لا الة الا هو علية توكلت وهو رب العرش العظيم

عذراا للاطالة

يمكن يكون كلامك كله صح واكيد كنا بنتوكل على الله وبنقول حسبى الله ونعم الوكيل واكيد اكي لن يصيبنا الا ما كتب الله لنا

بس حالنا فى مصر مختلف تماما عن حالكم اختى فى فلسطين انتم مغلوب على امركم لانكم تم اغتصاب ارضكم ووطنكم اصبحتم غرباء داخل بيوتكم

والاحتلا مش هيخرج فى يوم وليله ومفيش حاجه فى ايدك تعمليها لان ما انتم فيه يتحمله من يدير البلاد وكل الشعوب العربيه

وما انتم فيه الان ناتج من تفرق المسلمين وعدم توحدهم وناتج من عدم وجود جيش عربى مسلم واحد يدافع عن كل دوله عربيه محتله من اى كافر

وامريكا واسرائيل تريد ان يحدث هذا فى باقى الدول العربيه واذا نظرنا على الساحه العربيه الان هنلاقى مفيش حد حاله يسر ان لم يكن محتل فعليا هتلاقيه محتل فكريا

للاسف الغرب بيفكر ازاى يخلل قوتنا وتوحدنا بالفتن التى ينشرها بيننا

وللاسف للاسف بيقدرو يعملوا ما يريدوه على يد الخونه الذين استطاعوا ان يشتروهم بشوية فلوس ناس باعوا دينهم ووطنهم علشان انفسهم همه دول الى يجب ان نقول عليهم حسبى الله ونعم الوكيل

مش هقدر اسكت واقف متفرجه وخصوصا انى فى مجال التدريس بيخرج من تحت ايدى طلبه كتير

رغم انى مدرسة لغه انجليزيه الا انى يحدث بينى وبين الطلبه مناقشات كثيره فى احوال البلد وبحاول افهمهم واوعيهم واوقات بقف عاجزه عن بعض تساؤلاتهم

لانهم للاسف بيكنوا متربين على فكر خاطئ

كلنا بنستعين بالله فى كل امور حياتنا وخصوصا التى نقف عاجزين عندها

لكن الان احنا فى مصر لسه فى بداية التغير ويجب ان نكون اجابين ونساعد ونشارك بكل ما اوتى لنا من قوة حتى لا نعود الى الوراء

يمكن المشوار يكون صعب وطويل بس مش هيكون اصعب من السنين السابقه فى ادينا فرصه ولازم ننتهزها والفرصه دى ربنا كرمنا بيها لاننا خلاص كنا وصلنا لاخرنا

وكان نفسنا نعيش بحريه التى انعم الله علينا بها

كل ما نحتاجه ان نقف مع بعضنا البعض الى مش فاهم نفهمه نتحاور بك احترام نرشد بعضنا للصح وما يجب ان نفعله

انا منكسفتش لما قلت انا مش فاهمه حاجه انا محتاجه افهم لانى عايزه اعمل حاجه حاسه انى اقدر اعمل حاجه بس مش عارفه ازاى

محتاجه اتعلم وافهم كل حاجه صح لانى لن اكون سلبيه تانى ابدا لان نحن من نخرج الاجيال التى ستنهض بالبلد ان شاء الله

اشكرك اختى زهره على حوارك الهادف ان شاء الله ربنا هينصر اخونا فى فلسطين ولكن لن يأتى النصر الا بعد توحدنا جميعا بأذن الله سيحدث هذا قريبا وهيتحرر المسجد الاقصى وكل البلاد المسلمه .......

[مسافر زادة الخيال]

يجب أن تعلمى أن اكثر أهل الأرض كافرين وان اكثر الناس فاسقين

فلما أذن الحيــــــــرة

أرجعى الى 1400 سنه واكثر

الرسول صلى الله عليه وسلم جاء بالخير لأهل مكة ماذا قالو له اهلا بما أتيت به أن الجميع انكر الا قليلا لايعد على اصابع اليدين
وكل كفر بما أتى به من خير وحياه لهم فى الدنيا والأخرة

ماذا ققالو عنه ((ســـــــــــــــــــاحر)) وهذا كذب اعلامى قام به ابو لهب وابى جهل نشرو فى نوادى مكة ان محمد صلى الله عليه وسلم ساحر
يعنى هذا الساحر العجيب أستعصى عليه ان يسحر ابى جهل وابى لهب والوليد وابى سفيان هل سحره لهم غير نافذ المفعول
الم يسأل المواطنين ان لو هذا سحر لماذا لم يسحر اهل مكه جميعا للاسلام

بل اضيف لكى معلومة جديدة لم تسمعيها من شيخ ولم تسميعا فى اى تليفزيون ولا قرأتيها فى كتب بل هى معلومة خطرت على قلبى الأن

وهى هل (( ابو جهل وابولهب وصناديد الكفر)) جلسوا وسمعوا الى سيدنا محمد وجلسوا معه فى مجلس علم يسمعون ماذا يقول

لم يحدث نهائيا انهم لا يريدون السماع مثل جبهة الخراب فى مصر الأن لم تجلس نهائيا مع الرئيس ويخرجون الى الاعلام ينهقون مع اعتذارى للحمير

فهؤلاء لم يسمعوا الى رسول الله اى مجلس نهائيا حتى يعلمون ماذا يعلم محمد اصحابه بل اخذهم كفر النفس الى ان يقولون ((لأ)) لمحمد فقط وما أتى به

فهم لم يستمعون الى درس واحد منه فقط حتى يقولون ساحر او غير ساحر سوى ابالوليد الذى ذهب الى ان يعرض عليه ان يتنحى عن هذا الامر

لكن جلوس فى درس علم مع اصحابة لم يحدث نهائيا لان كلمة لألألألألألألألألألألألأ كانت هى على طرف لسانهم دون ان يسمعون
فيجب ان تعلمى ان هذا حال الامم

فمن سمع الى النبياء من قبل سوى القليل فكان سيدنا نوح 950 سنة يدعو قومة وما أمن له الا قليل

وبعد 9 معجزات من سيدنا موســـى كم مصرى أمن به سوى السحرة واعداهم غير معروفه منهم من يقول 80 الف ومن يقولون 30 الف
وجميعهم صلبو وقطعوا

فلا تياسى فالله لن يعطى قوم ما يريدون الا بعد ان يطهرهم ويتحملهم على الصبر

وهذا ما كان من نصيب طالوت فقد اختبر الله قومه اكثر من اختبار عندما دعا الى الجهاد بعدما كان يطالب بنى اسرائيل بملك لهم يقاتلون معه
وجاء لهم طالوت وقصة طالوت والنبى الذى جاء به وهى قصة طويلة لكن الشاهد من القصة

ان عندما بدا الجهاد فر الكثير ورفضوا الذهاب معه ومن خرج معه الله ابنتلاهم بنهر ثم جعل لهم اختبار فى من يشرب من النهر ومن لا يشرب الا من اغترف غرفة بيده فقط واحدة

فما وصل معه الا قليل الى الجهاد

فهذا هو حال اهل الصلاح اذا رأى الله ان يمكن لهم

سالنى اليوم شاب فلولى عن حكم مرسى ووجود الملاهى والمراقص فقلت له ان رسول الله صلى بمكة والى الكعبة وحولى اكثر من 300 صنم
ومكث فى مكة 13 سنة ولم يزيل الاصنام الا فى فتح مكه فليس الأمر كن فيكون لان اهل الفسق فى الدول العربية جديدى عهد بالاسلام

هم مسلمون فقط بالهويه لكن لايعلمون الاسلام فهم يتكبرون انهم مسلمون قولا وزورا فقط ولا يعرفون عن الاسلام اى شىء سوى انه يقول انا مسلم فقط