#الحب_الحلال_قصة_جميله
قلت لحبيبتى تتحدينى فانا بلا فخر اتحداكى
أنى ياحبيبتى فى غمضة عين أنساكى
قالت انت الخاسر ياحبيبى فانا اعرف من انا فى قلبك ياملاكى
قلت لها تتوهمين ما انا الا رجل كمثل كثير من الرجال
ابيع الهوى وأنصب بكلمات العشق وقد اكون فى حبك محتال
قالت انت فى القلب فريد وماتقوله ابدا محال محال
فمن يأمرنى بطاعة ربى وأتى البيوت من ابوابها حبه والله لهو العشق الحلال
قلت لها غلبتينى ياحلم عمرى فحبك فى قلبى راسخ برسوخ الجبال
قصه جميله
علي الساعة ٣ كده بحب اقف في الشباك
واشم شوية هوا وادخل ازاكر تاني ..
المهم كل مابفتح الشباك بلاقي ست واقفة
بتصلي فاقول ربنا يحميها ويباركلها وادخل
- اجي انزل علي صلاة الفجر كده بلاقيها لسه
واقفة بتصلي .. عادي جايز تكون بتصلي الفجر
ارجع من الصلاة لسه بتصلي .. اطلع البيت
وازامر لحد ٦ او ٦ ونص كده واجي انام ساعتين
قبل المستشفي فبقفل الشباك ابص الاقيها لسه واقفة بتصلي ...
حد متخيل معايا انها ٣ ساعات ونص
في نفس المكان بتصلي وبتفضل واقفة
! كل يوم والكلام ده بيحصل من ساعة
مانقلت يعني من ٤ سنين كده
استغربت جدا وقلت هسألها انهاردة .
. المهم رجعت من المستشفي وقبل
مروح روحتلها البيت خبط والحوار كان كالآتي :
السلام عليكم يا حجة
وعليكم السلام يابني
انا جيران حضرتك هنا وكنت عايز اسأل
حضرتك عن حاجة بس اسف جدا لو
دايقت حضرتك بيها بس مبكونش قاصد والله
قالتلي : خير يابني اتفضل
انا بشوف حضرتك كل يوم من ٢
ونص او ٣ لحد الساعة ٦ ونص
او اكتر بتصلي وتدعي !
فكنت عايز اعرف ده من شدة حب حضرتك
للصلاة ولا في سبب تاني
ضحكت ضحكة العواجيز دي وقالتلي طيب
اتفضل ادخل الاول مينفعش نسيب جيرانا واقفين علي الباب
جت ست كده بتساعدها عملتلي شاي المهم الست بدأت تحكي
هو مين فينا مبيحبش يصلي بس كل الحكاية
كلها اني حبيت واحد وانا صغيرة واتعلقت
بيه وكنا لسه صغيرين المهم هو كان يقولي
دايما انا عايزك تكوني حلالي ومش عايز
اغضب ربنا فبعد ٥ سنين هاجي اتقدملك
بس في الفترة دي كل واحد يصلي قيام الليل
وميدعيش غير اننا نكون لبعض فوافقت
والصلاة كانت بتحسسني ان الوقت هيعدي
بسرعة وربنا هيكتبلنا نكون لبعض
عدت ال٥ سنين واتقدملي واتجوزنا وفضلنا
نصلي كل يوم مع بعض علشان صلاة قيام الليل
كانت اكبر سبب في اننا نكون لبعض ..
عشت معاه ٤٣ سنة من اجمل سنين حياتي ..
ربنا كاتبلي من ٦ سنين اكمل عمري لوحدي
ففضلت بصلي كانه موجود بس بصلي عدد
الركعات مرتين مرة ليا ومرة ليه وبدعي في
كل صلاة انه يكون في الجنة ومستنيني
انا عنيا شبه دمعت ... وفضلت تضحك ضحك
العواجيز ده لما شافت الدموع في عيني وقالتلي
عايز تعرف ايه تاني فقلتلها لا خلاص كده همشي
انا علشان الحق اروح اذاكر ... قالتلي متنساش
بقي تسلم عليا كل يوم مش معقولة جيران
ومنفتكرش بعض .. ضحكت وقلتلها حاضر ومشيت ....
 هو في حب كده ؟؟
جوزها مش موجود ولا حد هيحاسبها لو مصلتش زي مكانت بتصلي معاه خصوصا سنها ده كبيير علشان تقف ٣ ساعات ونص ... من شدة حبها ليه بتدعيله وتنسي تدعي لنفسها !#الحب_الحلال
الشعر لى والقصه منقوله
#Mohab_AbdelHalim