شعار₪ طبق متميزة₪كبة العدس ... لذيذة وسهلة كتير .. بالصورة من لبنان!!!

[لبنان وحبايبه]

السلام عليكم يا صبايا....

والله إني مشتاقتلكم كتير ... بس شو بدي أعمل .. للضرورة أحكام ..

بدي أعتذر من كل الحبايب يلي ما عم برد عليهم بسرعة لأني خلصت إجازة الأمومة ورجعت الشغل ... مشان هيك مقصرة معكم .. سامحوني ..

نبدأ بالوصفة..

كبة العدس

المقادير

2 كوب عدس بني مسلوق
نصف كوب برغل ناعم مغسول ومعصور من الماء جيداً
نصف كوب طحين
نصف كوب عصير ليمون حامض
3 م ص ثوم مدقوق
4 م ك بقدونس مفروم
2 م ك بصل مفروم ناعم
ملح ، قرفة وحر (أنا استعملت الحر الاحمر المنشف ومجروش)

الطريقة

نخلط البرغل والطحين والليمون والبصل والثوم والبقدونس وم ك عدس من غير ماء والملح والقرفة والحر إلى أن تتكون عندنا عجينة متماسكة (إذا لزم ماء ممكن تضيفي أو ليمون)..

تكور الكبب وتوضع في جاط التقديم ونرش العدس المملح قليلاً في الوسط مع قليل من عصير الليمون ونرش عليهم كمية جيدة من زيت الزيتون..

تؤكل ساخنة أو باردة....

وبالهنا...

أترككم مع الصورة النهائية للطبق...

ملاحظة: أنا لما بعملها للضيوف بعملها ناشفة أكتر وساعتها الشكل بتحكم فيه أكتر وبعملهم بنفس شكل الكبة المقلية.. بس بالبيت بيحبوها طري ومسقسقة بالليمون مشان هيك شكلها مو مشدود..

بسم الله ما شاء الله ولا قوة إلا بالله

ان شاء الله تجربوها وتعجبكم....

لا تنسوني من الدعاء...