السلام عليكم صبايا....


من اطيب المعجنات يلي بحبها هي المناقيش اللبنانية على الصاج....

اليوم عملتها بالحشوة المفضلة عندي "السبانخ" ولكن ممكن تعملوها بالجبنة أو الزعتر أو أي شي...

وانا عملتها طبعاً مش على الصاج بل بالفرن المنزلي وما عملتها مفتوحة متل العادة بل عملت شكلها بطريقة الحبيبة " رند " لأن بصراحة منظر فطيرتها بتجنن..بس المقادير والعجينة من عندي على الطريقة اللبنانية المعتادة...

وهاد رابط معجنات الغالية RANDD



المقادير

2 كوب طحين كل الإستعمالات
2 كوب طحين رقم 2
2 م ك زيت زيتون
ملعقة كبيرة ونص خميرة فورية
ربع م ص ملح
400 مل ماء دافيء إلى ساخن (أو حسب ما تحتاج العجينة يعني ممكن تعوزي اكتر إذا طحيناتك متل طحينات تغريد )

الحشوة

سبانخ طازج مغسول ومقطع - بصل أخضر مفروم - سماق نضيفه بكثرة لأنه يعطي مذاق الحامض ومن دون مرق لأن إذا استعملنا فقط الليمون سيكون المرق كثير ويفسد العجين وغذا عصرناه بتروح الطعمة - عصير نصف ليمونة - ملح - زيت زيتون..


الطريقة

نخلط المقادير ونضيف الماء شوي شوي إلى ان تتكون عجينة ملساء..
نضعها جانباً للتخمير...

بعدها عملت الشكل بطريقة الغالية "رند" وخبزتها على الميلتين وهذه النتيجة..

أنا بحب الحشوة تكون كتيرة وطبعاً حامضة..

ما شاء الله ولا قوة إلا بالله

الإسم: 023.jpg المشاهدات: 21005 الحجم: 33.9 كيلوبايت

وهذه بالحجم الكبير .. العائلي

الإسم: 009.jpg المشاهدات: 17704 الحجم: 28.3 كيلوبايت

الإسم: 010.jpg المشاهدات: 21197 الحجم: 32.7 كيلوبايت

ومن الداخل

الإسم: 011.jpg المشاهدات: 22180 الحجم: 33.4 كيلوبايت

لا تنسوني من دعواتكم حبيباتي