السلام عليكم ورحمة الله وبركاته


يالله حي أمهاتنا وبناتنا جميع ,,,

كيف أموركم مع هالأجواء الرائعه ,,,


حبيباتي بدخل بالموضوع على طول لأني متوهقه وقلت مالي إلا الله ثم منتدانا الغالي لك ,,

أنا بورطه وماعرفت اتصرف معها ,,,
وأبي شوركم وشلون اتعامل معها الحين

عندي الله يسلمكم أخوي عمرة 12 سنه اكتشفت اليوم أنه داخل موقع اليوتيوب من جهازي
ومطلع بلاوي متلتله ...
أنا من شفت الأسماء حقتها انصعقت ومافتحتهن ,,,
قبل يومين سألني عن الموقع هذا وقلت وش تبي به ...
قال صديقي بالمدرسه يقول فيه فديو لأفلام كرتون ... أنا شكيت بالبدايه
بس شفته أول يوم وش دخل ولقيته داخل على أفلام كرتون صدق وتطمنت شوي
بس اليوم لا ...
أنا اصلا من المعارضين لهالموقع ومدري وراهم دائرة الملك عبدالعزيز ماقفلوه
مدري وش يحترون ,,,

الحين وش السواة معه
طبعا هو مايدري أني عرفت عنه أنه داخل ,,
بس أبي شوركم في كيفيه التعامل مع هالموقف من الناحيه التربويه ووشلون انصحه ...
هل المح له ولا اصرح ,,,

تكفون عجلوا علي لأنه ضاق صدري وأنا مابعد صار عندي خبرة في زي هالمواقف ,,,




اختكم المتورطه ,,,