انا جايبلكم طريقه سهله جدا تقدري تصنعي عقد من الصوف وجلدات الانابيب هقولكم الادوات بسرعه
1.هاتي عدد من جلدات الانابيب طبعا كلكم تعرفوها اللي بتتركب في الانابيب او حنفيات الميه يعني ممكن تجيبي 20 واحده مثلا
2.هاتي 3 الوان متناسقه من خيوط الصوف مثلا اورانج واخضر واصفر
الخطوات
1.استخدمي الابره الكروشيه في لف الخيط الاصفر حولين الجلده بحيث تدخليه جوه
فتحه الجلده وتسحبيه لبره لحد مايكتمل الشكل كله وتلفي الخيط الاصفر حولين الجلده كلها
2.اصنعي عدد 4 من الخيط الاصفر بنفس الطريقه واشبكيهم ببعض عن طريق غرزه السلسال
3.استخدمي نفس الطريقه ولكن باستخدام اللون الاورانج واصنعي 4 من الجلدات باللون الاورانج واشبكيهم ايضا مع بعض بالسلسال
4.كرري ما فعلته مع اللون الاخضر واصنعي 4 ثم اشبكيهم بغرزه السلسال
5.شبكي سلسال الاورانج مع سلسال الاصفر مع سلسال الاخضر باستخدام سلسال جديد يصل بين كل لون والاخر وعلي حسب الطول اللي انتي عايزاه ممكن تزويدي في عدد الالوان او تكرري الالوان علي 3 مراحل مثلا ليكون عندك في النهايه عقد جديد ومختلف

يلا ابداي اشتغلي وهتدعيلي