₪طبق متميز₪ستيك مشوي بالمشروم والفلفل الأسود .. متل ستيك المطاعم.. من لبنان وبالصورة!

[لبنان وحبايبه]

السلام على أجمل صبايا

اليوم والله على السريع قدرت آخد كام صورة للستيك يلي حضرتها

ما كان عندي قلب آكلها بدون ما صورها وأكتبلكم الوصفة

القصة وما فيها أن جوزي بيحب الستيك عند تشيليز Mushroom - pepper steak

وقررت أن أعملها بالبيت وخليه يدوووووووووووووق

وطلعت رهيبة وما في أطيب من هيك !!!

أهم سر بعمل الستيك أنو لا تحطيها على الشواية إلا ما تكون حامية جددددددددددددددددددددداً..

MUSHROOM - PEPPER STEAK

المقادير والطريقة

لحمة خاصة بالستيك
فطر طازج

للنقوع وقبل بليلة أفضل: شوية زيت نباتي، فلفل أسود مجروش طازج، ملح، وارشسترشاير صوص،
لبن زبادي، شوية خل، خردل يلي فيه حب خردل صحيح، إكليل الجبل الأفضل أخضر.

دقي اللحمة بمطرقة اللحمة بس عشان تطرى وتتشرب النقوع وبعدين انقعيها.

نحمي الشواية يلي على الغاز من فوق ونضع الستيك ونتركها على الجهة الأولى بضعة دقائق وبعدين نقلبها..

كل شخص بيحب درجة الإستواء مختلفة..أنا بحبها well done يعني مستوية ومن دون لون زهري فتركتها حوالي ال8 دقائق.

قطعي الفطر ((المشروم)) وقلبيه بشوية زبدة وزيت على النار وضعي عليهم الملح والفلفل الاسود المجروش

قدمي الستيك وصبي عليها الفطر

عملت جنبها خضار سوتيه وبطاطا ويدجز مشوية بالفرن

ما شاء الله ولا قوة إلا بالله

العفو منكم.. لما صورت كان صحن البطاطا والدنيا كلها طايرة.. ما حدا نطرني لخلص الصور هههههه...

يا رب يكون عجبكم

لا تنسوني من دعاءكم ربي يحفظكم حبيباتي