الله يكرمكم عاوزة مدرسة اسلامية لغات في مدينة نصر او مصر الجديدة

[فرح1983]

ازيك ياحبيبتي ربنا معاكي السعر اللي انت عاوزاه ده يااما تكون مدرسه كويسه بس بتاخد سن كبير يعني بيبي كلاس يااماتعلي الرقم ده شويه

جزاك الله خيرا يا حبيبتي
انا فعلا سالت في المنارة قالولي هتبقى بيبي كلاس
قلت مش مشكلة عشان برضو ما تتضغطش

[فرح1983]

بصي في السن بتاع بنتك الحاجات الازهرية بس المشكلة برضو انهم مغليين اسعارهم اللى هما قريبين ليكى يعنى ارخصهم الى لقيتها هىالسراج المنير اللى في المقطم هنا جنبي بس هى مصاريف اللغات فيها بالباص 600 مقفولة يعنى كى جى1 لغات4750 وباص المقطم1250 لكن لو هاتدخلى عربي بتهيالى فرقها اقل الف بس هى بئالها سنتين بس ومعرفش مستواها التعليمى اوى لكن بصراحة كالتزام واحترام مقارنة بمنارة القاهرة فانا شايفة انها افضل من الناحية التدين والاحترام والاخلاق دا من تعاملى مع المدرسات والادارة يوم التقديم فصصتها حتة حتة يومها على فكرة الازهر الخاص بياخد كى جى1 من 3و6شهور

هى في برضو منارة هليوبوليس بس شفت ناس شكرو فيها وناس مش عاجباهم لكن معرفش السبب برضو اعملى استخارة وشوفي هاترتاحى لايه ؟

جظزاك الله خيرا يا حبيبتي
بس انا مش مفضلة الازهر لعدة اسباب
اولها مناهجه صعبة
ثانيا كلياته محدودة قوي

عموما ربنا ييسرها من عنده
انا لسة مارحتهاش المنارة يعني

[فرح1983]

بالمناسبة يافروحة نسييييييت خالص في مدرسة اسمها ابوزهرة الاسلامية في مصر الجديدة كان ليا زميلات معايا في الكلية كانو فيها وكانو نفسهم اما يتخرجو يشتغلو فيها وحتى ايام التربية العملى راحو اتدربو فيها بيقولولي لانها مدرسة حلوة ومحترمة ومدرساتنا بيحبونا وبنحبهم اوى بس معرفش معلومات عنها ومعرفش المدرسين الرجالة تعاملهم ازاى مع البنات ؟ ممكن تشوفي تليفونهم وتستفسري عنها اكتر
او تروحى وتشوفي الوضع ايه؟
بس هى مدرسة قديمة بقالها حوالى 20سنة او يمكن اكتر

جزاك الله خيرا باذن الله اسال عليها واشوفها
بجد ربنا يكرمك

[om lara]

هاي يا ستات يا حلوين دي اول مشاركه ليا في منتدي مع اني بدخل منتديات كتير لكن بقرا بس عمري ما شركت.
المهم اختكوا مزنوقه زنقه جامده اول بنوته ليا لارا هتم 4 سنين و شهرين في 1\10 ومش عارفه اقدملها فين انا عايزه مدرسه اسلاميه لغات في حدود 10000 ومش عارفه اي حاجه لا ايه المدارس ولا مواعيد التقديم ولا اي حاجه.
انا ساكنه في الزهراء في مصر القديمه يعني بين اتمعادي و المنيل ساعدوني بليييييييييييييييييييز