ما شاء الله

موضوع حلو وفقك الله لما يحب ويرضى

أما بالنسبة للمواقف فهي كثيره وأقربها لما كنت في مصر في شهر 8

هو أسبوع وخلاني كرهت حياتي من التعليقات

طبعا قنبله موقوته تمشي على الأرض وزي ما أنتم عارفين كنت بعمل دايت

ونازله عشان أحضر فرح

وبحافظ قدر الأمكان على النظام ولو حاكل يكون مشوي

وأول موقف كان أول يوم أنزل فيه زوجي سبقني بيوم وأنا نزلت ثاني يوم

وطبعا العروسه أخته فنزلت من المطار يادوب حطيت أغراضي وجري على السوق بيكملوا

بكره الحنه والتجهيزات لسه ما خلصتش وحضرتي متمسكه بالدايت ومارضيتش آكل الأكل اللي عاملينه

لأنه رز ومسبك والحاجات دي من الممنوعات

ونزلت وأنا حموت من الجوع وبقت الساعه 12 بالليل وخلاص واحنا في السوق في مخبز قدامي

أنا خلاص فضلت قاعده بالعربيه تعبت من المشي وزوجي بدال ما يجيب لي عيش سن جاب عيش كده

مقطع وطعمه حلو وأنا من الجوع نزلت أكل لما خلاص كنت حنفزر

وبسأل العيش السن بقى لذيذ كده ليه اكتشفت انه عيش أبيض ودهنينه باين زيت وبيض المهم بيسموه عيش شيبسي

بصراحه الدمعه شوي وكانت حتفر

ما علينا

اليوم الثاني

قلت مش حاكل حاجه غير ده وفي يوم الحنه أشوف حاجه مسلوقه أو مشويه أو خضار اكلها

اليوم ده كان حافل ومع اصراري سمعت شوية كلام كنت خلاص حقلبها نكد بس عديتها

من العبارات اللي كانت تقال

يعني انتي تفتكري انك حترجعي زي ما كنتي قبل الزواج

مهما عملتي مستحيل حتخسي

يعني هي جات على الأسبوع اللي حتقعديه عندنا

أما ترجعي هناك اعملي دايت

وأنا دماغي ناشفه وأصريت وفعلا كنت أخلي زوجي يروح ويجيبلي من المطعم مشوي

وأنا عارفه أنه فيه دهون بس كنت ألغي العيش وأقلل قدر الأمكان

وفي اليومان الأخيران العمليه ماعدتش تستحمل الكل زعل واتضايق

عايزين يعزموني وأنا لاحياة لمن تنادي

بس اللي ما قدرتش عليهم عزومتان وقللت قدر الأمكان

بس نشوف التعليقات اللي ما كانشي ليها معنى لما رحت أزور العروسه وأبارك ليها

لأن عندها سلم كده ضيق وواقف وصغير فكانوا نسوان اخوان زوجي بيسألوني كفاكي السلم

مع ان كل وحده فيهم ما شاء الله بس يفرق عنهم اني أطول منهم فكان السلم سهل بالنسبه لي

سبحان الله لما أفرد ايدي أمسك طرف السلم الثاني وكان سهل طلوعه أكثر منهم لأنه ما فيهشي
درابزين

والا موقف الطياره وأنا قاعده في الكرسي الحزام وأنا رايحه كان بيقفل علي وأنا راجعه بطل

موقف بصراحه سيء لما بقيت أكلم نفسي وبلآخر اكتشفت ان في وراي وساده كأن العمليه

كانت ناقصه أنا يادوب والكرسي ضيق كان ناقص الزيادات اللي تحبط دي

يله مواقفي كثيره ولو قعدت أقولها مش حتخلص

أحبك في الله