السلام عليكم ورحمه الله وبركاته
وحشتووووووووووونى يا أحلى صحبه بقالى فتره منزلتش وصفات اعذرونى اخواتى
ان شاء الله أتواصل معاكن
ندخل فى الموضوع على طول
معايا النهارده رولات الكفته بالبيض
حكايتى مع الللحمه المفرومه حكايه انا فاشله جدا فى عمل الكفته وكل علاقتى بالمفروم انى بستخدمها فى اى حشوه
انما اتشجعت وقلت اعمل رول المفروم بالبيض يا صابت يا خابت
بس فعلا صابت وطعمها طلع روووووووووووووعه يالله ندخل عالمقادير
نصف كيلو مفروم
بصله مبشوره
بيضه متوسطه
ربع ربطه بقدونس وممكن تضيفى اى اعشاب اخرى
حوالى 4 بيضات مسلوقين
نصف كوب بقسماط مطحون ناعم
وبهارات
الطريقه
نضع كل المقادير على بعض ماعدا ال 4 بيضات المسلوقين وندمجهم معا
نفرش ورق قصدير ونرش عليه بقسماط هكذا
ونفرد اللحمه عليه بهذا الشكل
وبعدين نضع بيض مسلوق نصف نضوج هكذا
ونبدأ بلف اللحمه بواسطه القصدير وفكره وضع البقسماط
لكى لا تلتصق اللحمه فى الورق
طبعا انا كنت متخوفه من اللف بس حبيبتى سمسمايه الرقيقه طمنتنى وفعلا اتلف بدون تقطيع
نقفل القصدير تماما وندخله الفرن ساعه
وبعد الساعه نفتح عليه الورق ونضع الرول تحت الشوايه يتحمر
عملت بجانبه
رز بالعدس الاصفر ولكن بطريقتى الخاصه
حمرت البصل
واضفت عليه جزر مبشور
وتركته حوالى خمس دقائق مع التقليب
واضفت ماء ومعه توابل
ملح وفلفل وكركم وكمون ولومى
وبعدها اضفت كوب ارز وكوب ونصف عدس احمر وتركته عالنار ينضج
وده الشكل النهائى للطبق
على فكره فى اخوات سألونى على البطاطس وهل هى جاهزه
انا بجيب البطاطس وبقشرها وبغسلها وبقطعها بقطاعه خاصه للبطاطس وبنقعها فى ماء وملح نصف ساعه وبعدها بحمرها
فى زيت ذره نصف تحمير
فقط تكون شبه طريه وبخرجها واصفيها من الزيت واحفظها فى اكياس فى الفريزر
ولما بحتاج بخرجها واقليها وهى مجمده وشكلها بيبقى ذهبى رائع
يارب تعجبكن وصفتى
دمتن فى رعايه الرحمن
الروابط المفضلة