**وصفة الاسبوع**الفطير المشلتت ......من مصر اليكم

[ام يمنى وهاجر]

و عليكم السلام و رحمة الله و بركاتة يا ام يمنى..بعدين مفيش بين الاخوات شكر..

كده احنا عرفنا اول مشكلة فين طبعا هو البوتجاز..تمام..ممكن نتخطاها بتسوية الفطيرة على فوق زي ما قلت لك..

بالنسبة لانك بتمسحي الفطير بفرشة..طبعا ممكن يكون احد الاسباب برضك انه بيكون ناشف..لازم تكتري السمنة شوية..يعني قطعة العجينة تروح و تيجي معاك ..تتزحلق يعني..على السمنة يعني لازم تكتري الكمية..و طبعا مرة على مرة هتقدري تظبطيها..اهم شيء متيأسيش..هو الموضوع ممارسة و طبعا انك تكوني شفتي حد عملها قدامك..

شكلك كده هتخليني اعمله تاني بخطوات اكتر تفصيلا..

بالنسبة لمسألة الاندماج دي..هما المفروض ميندمجوش..هما المفروض..تبقى عامله زي العجينة المورقة كده..

سبيها بس تستريح شوية..و بعدين ابقى افرديها بأيدك الاتنين ..هلاقيهم منفصلوش ولاا حاجه..و بعدين نوع الدقيق بيفرق انا بستعمل دقيق مخبوزات..فبيعطي نتيجة افضل..بكتير..من دقيق متعدد الاستعمالات

مش عارفة انا حاسة اني مش عارفة اوضح لك الصورة..
منتظره ردك.و ان شاء الله اكون قدرت اوصلك اللي في بالي..

حبيبتي الزينب كل كلمات الشكر لاتستطيع ايصال شكري لك على تعبك معايا
جزاك اللله كل الخير ياغالية وانا مرة مرة سأتقن ان شاء الله العمليه وراك وراك يافطير والزمن طويل انا فعلا بطبق كل اللي قلتيه وماشاء الله تبارك الله لاتحتاج الوصفة انك تنزليها تاني لان فعلا الشرح واضح المشكلة اني اكتشفت حاجتين مهمين واضح اولهما اني بستعجل عليه مش بسيبه يرتاح شوية,,ثانيا اني لمابلاقي كده مش راضيين الطبقتين يلزقوا في بعض بروح احط في الفرن كل طبقة لوحدها وبالتالي بتطلع رفيعة ولازم تنشف فان شاء الله هعمل زي طريقتك واسيبهم يرتاحوا جدا وكمان هزود السمنه ونسيت اقوللك اني فعلا جربت على البوتجاز بس معرفش مدخلش دماغي شوية حسيت الحقيقي هو اللي في الفرن على اساس الوش بيبقى شكله ضهر
اما حكاية نوع الدقيق معرفش طيب الواحد يختار ازاي,,انا بستعمل غالبا الضحى وزمزم لاي نوع معجنات او حلوى ومعرفش غيرهم وبخاف اجرب فيعني اذا مفيهاش تعب عليكي ممكن تقوليلي دقيق المخبوزات ده بيتباع فين؟يعني ممكن الاقيه في المخابز مثلا؟ولك كل الشكر عزيزتي واسفة بجد اني بدوشك معايا بس ان شاء الله انتظري تطبيقي قريبا

[الزينب]

حبيبتي الزينب كل كلمات الشكر لاتستطيع ايصال شكري لك على تعبك معايا
جزاك اللله كل الخير ياغالية وانا مرة مرة سأتقن ان شاء الله العمليه وراك وراك يافطير والزمن طويل انا فعلا بطبق كل اللي قلتيه وماشاء الله تبارك الله لاتحتاج الوصفة انك تنزليها تاني لان فعلا الشرح واضح المشكلة اني اكتشفت حاجتين مهمين واضح اولهما اني بستعجل عليه مش بسيبه يرتاح شوية,,ثانيا اني لمابلاقي كده مش راضيين الطبقتين يلزقوا في بعض بروح احط في الفرن كل طبقة لوحدها وبالتالي بتطلع رفيعة ولازم تنشف فان شاء الله هعمل زي طريقتك واسيبهم يرتاحوا جدا وكمان هزود السمنه ونسيت اقوللك اني فعلا جربت على البوتجاز بس معرفش مدخلش دماغي شوية حسيت الحقيقي هو اللي في الفرن على اساس الوش بيبقى شكله ضهر
اما حكاية نوع الدقيق معرفش طيب الواحد يختار ازاي,,انا بستعمل غالبا الضحى وزمزم لاي نوع معجنات او حلوى ومعرفش غيرهم وبخاف اجرب فيعني اذا مفيهاش تعب عليكي ممكن تقوليلي دقيق المخبوزات ده بيتباع فين؟يعني ممكن الاقيه في المخابز مثلا؟ولك كل الشكر عزيزتي واسفة بجد اني بدوشك معايا بس ان شاء الله انتظري تطبيقي قريبا

انا بشتري الدقيق بتاعي من المخبز و الله يا ام يمنى..

و بعدين اسألي زي ما تحبي..و على فكرة الضحى كمان جميل..ابو بكيس برتقاني ده صح..انا فكراه..

عموما نوع الدقيق طالما جيد يبقى اكيد هيدكِ نتيجه هايلة..و كويس اوي انك اخدتِ بالك من بعض النقاط..

و عايزيين نشوف صورة تطبيق قريب كده..بأذن الله