" عروسات المستقبل تعالوا اقولكم".. جزء ( 3 )

[amanas_88]

السلام عليكم
حمد لله على سلامتك يا هنود يا رب تكوني فكراني أنا معلش بقالي كتير مش بدخل أصلي مشغولة مع زوجي هيعمل عملية غدا أدعولي ربنا يقومه ليا بالسلامه أنتي كلامك بصراحة جميل جدا بس كان ليا ليكي سؤال أسهل وأسرع حاجة لتفتيح المناطق الداكنة في الجسم لأنك عارفة المتزوجات بيبقوا عايزين حاجة سريعة جدا علشان ما فيش وقت ثانيا أنتي تعرفي طبعا ماكينة براون لما تستخدم بيطلع الشعر تقريبا بعد قد إيه يعني زي الماكينة العادية بتاعت الحلاقة تاني يوم ولا بتأخذ وقت في الطلوع أرجو تردي عليا ضروري

[أم همام و جمانة]

ممكن تناقشوا مسألة حبوب منع الحمل في الأشهر الأولى من الزواج ..نطلب من المتزوجات الدخول و التفصيل مشكوووووووووورين

[basbosa.2]

بسبوسه ربنا يتمملك على خير ياقمر
وفكرة امامه حلوة اوى

حبيبه قلبى مرسىىىىىى جدااااااااا ياقمر لدعوتك الحلوووووووووووة
وربنا يتمم لنا كلنا بخير ونعيش فى سعاده ورضا يااااااااااااارب

[basbosa.2]

تسلميلي يا قمر ...ميرسي كثير تعبتك معايا . هي فكرة حلوة وانا جربتها و ممكن ألي ماعندهاش الكيس دا تاخد كيس عادي و تملاه ماء و تخليه في الثلاجة لحد ما يبقى ثلج و تستعملو زي ما شرحتي .....نداااااااء هند أدخلي بليييييييييز إشتقنا لمواضيعك الحلوة....بنات عايزة قاطع شهية طبيعي بليييييز

العفو حبيبتى مفيش تعب ولا حاجه وتعبك راحه ياقمر.....وفعلا فكره التلج بتاعتك جميييييييله..........وان شاء الله هنوده تيجى تطمنا عليها

[basbosa.2]

هنوووووووووووووووده حبيبتى انتى فيييييين...ياااااارب تكونى بخير
طمنينا عليكى

[امامة محمد]

هنودة اخبارك ايه يا جميل يارب تكونى فى احسن حال طمنينيا عليكى

[هنودة هنانيدو]

قمرااااااتى وحشتونى كتييير معلش غصب عنى والله مش بدخل كتير بس ساعات بكون تعبانة شوية بيبقى لسه عينى بتوجعنى معلش اعذرونى على تاخيرى والله نهاردة دخلت عشان خاطر عيونكم ومحضرة حاجات كتيرة عايزة نتكلم يها سوا

ماشاء الله تفاعلكم مع بعض يجنن ومن عنيا حاضر حنجاوب سوا على كل الاسئلة ديه ويالالا بسرعة نجاااااوب

[هنودة هنانيدو]

هنودة بجد بحس انك موسوعة من المعلومات ... بسم الله ماشاء الله عليكى ...
انا عاوزة اسألك على البودرة المائية .. بصراحة انا لانى مش بحط ميكاب اصلا فمش عارفه لما اشترى ان شاء الله البودرة المائية اشترى انهى درجة ازاى .؟؟؟

هبة ياقمر عشان خاطرى بلاش البودرة المائية والله وحشة جدااااااااااااااا ومضرة جدااااااااااااااااا للبشرة وده مش كلامى كملام اكتر من دكتورة تجميل وحتى امينة شلباية كل شوية تقول البودرة مائية غلط مضرة للبشرة وبتجير ومع الوقت تديكى شكل اكبر من سنك

استبدليها بالكومبكت باودر تكون من ماركة حلوة ديه تبقى عبارة عن كريم اساس + باودر تخفى العيوب وتدى شكل واحد للبشرة
درجاتها لازم تروحى بنفسك المحل وتجربيها على بشرتك متسمعيش حد يقولك ان درجة كذا تبقى لايقة معاكى جربى بنفسك
اوك ياهبة ؟؟؟؟؟

[هنودة هنانيدو]

هنوده حمد الله ع السلامه ياقمر وربنا يشفيكى يارب وخدى بالك من نفسك الفتره دى انتى اهم من كل حاجه ومستنين مواضعيك الجامده الرائعه اللى بتفيدينى بيها بجد جزاك الله خيرا ممكن بقه تقوليلى تفلصيل مدام هدى يعنى الباكيدج للعروسه ايه وبكام زفاف اصدى وانتى متعرفيش حد عمل عندها قبل كده خالص ولا شغلها اللى شفتيه ع الكمبيوتر بس وممكن بقه رقم التليفون لو سمحتى ومعلش كمان سؤال ازاى اروح ش الاقبال من سيدى جابر من المحطه عشان انا مش من اليكس معلش طولت عليكى بس عشان واثقه فيكى وفى زوقك وميؤسى ياقمر

اهلا يا كوين ياقمر بصى حبيبى مدام هدى انا عرفتها بالصدفة روحت عندها بس كان الصبح مكنش لسه عندها عروسة وريتنى شغلها على كمبيوتر كان حلو بس بردو لازم تشوفى شغلها على الطبيعى يعنى تتتصلى بيها وتساليها امتى عندها عروسة وتروحى تشوفيها ده مفهوش كسوف حقك بصرف النظر عن هدى او غيره لازم تشوفى الشغل على الطبيعة



باكديج عروسة شامل الشعر ولفة طرحة وميكب وباديكير ومناكير وحمام بخار وماسكات بس السعر مش عارفة لانها قالتلى انها حسب العروسة يعنى ممكن تستبدل حاجة مكان حاجة
اللى اعرفه انها تعمل حمام بخار وماسكات 50
باديكر ايد ورجل 20
الشعر استشوار وحمام كريم 25
السويت من 50 او 75
بتعمل حمام مغربى وحمام عطرى
هى اصلا معاها دبلومة ميكب وتجميل اللى عجبنى فيها انها فاهمة حتى الكيراتين عندها لقيته الاصلى .. بردو روحى حبيبى وشوفى بنفسك لان ده اختلاف اذواق



لو انتى جاية من سيدى جابر اركبى من ادام محطة اى مشروع ( ميكروباض ) رايح فيكتوريا وقولى للسواق نزلنى شارع الاقبال ده ى فيتكوريا قبل مدرسة فيكتوريا كوليدج معروف جدا حتدخلى فى شارع الاقبال حتلاقى بنك القاهرة هى البرج اللى جنبه اسمه برج الخير هو فى الارضى من تحت استديو ومن فوق مركز تجميل هو كمان مخصص للسيدات ومحجبات رقم تليفون حابعته ليكى على الخاص

[هنودة هنانيدو]

نودى كمان سؤال ما انتى الخبيره بتاعتنا بقه استحملى انا المفروض البس ايه بعد كتب الكتاب لخطيبى اللى هيبقى جوزو الحمد لله بعد سنتين خطوبه وحجاب وشراب ومعصم وتقفيل اخر حاجه كان صعبان عليه والله انا دلوقتى عامله فستان وكتب الكتاب ف البيت بس اكيد مش هفضل بالفستان طول السهره وخصوصا انه ناوى يسهر للفجر هههههههههههه محروم ياعينى المفروض البس لبس بيت لما اغير الفستان يعنى ترنج مثلا ولا بنطلون وبادى ولا ايه مش عارفه محتاره ممكن تساعدينى ياقمر

مبرووووووووووك باقمر وعقبال الفرح يارب

جوزو خلاص بقى حقة يرتاح من المعصم والشراب هههههههههههه ويسهر للفجر حقه

بصى حبيبى بعد كتب الكتاب وناس تروح اقعدى 5 دقايق معه عادى بفستان السهرة حيقول فى نفسه ديه مش حتقوم ولا ايه ده شوية دلع منك بعد كدا قومى غيرى فستانك والبسى حاجة دلع اوووووووى مش مهم انها تكون مكشوفة وكدا بس المهم ان اول مرة يشوفك بيها لازم تفضل فى باله وده عن تجربة
البسى بنتكور جينز وعليه بادى حركات والوان مبهجة او بنطلون جينز وعليه بادى الجينز مثير اكتر وبيديكى دلع وبادى عليه يكمل الشكل
الحلو



بلاش ترنيج ولا بيجاما ولا حاجة جيل لان ده اول مرة يشوفك مش معقول يشوفك بترنج خليها ليلة دلع وبلاش جيب لانها لو طويلة حتبقى دمها تقيلة لازم تبقى قصيرة لو حاسة انه احراج انك لابسة جيب قصيرة عشان عندك فى البيت مامتك وكدا يبقى الاحسن بنطلون جينز او بنتكور جينز او اى نوع بس مش ترنج
والبادى انزلى المحلات اشسكال والوان وخليه مجسم عليكى مش واسع والبسى حزام وطبعا مش حاوصيكى على شعر وميكب كدا كدا ميكب معمول من كتب الكتاب وتكونى عاملة شعرك استسوار وسيبيه مش تربطيه خليه سايب واقعدى جنبه وهزرى واتكلموا اتفرجوا على صور كتب كتاب على موبايل خلى اى حد يصور بموبايلك عشان تلاقيها حجة تقعدى معه ووتفرجوا على الصور حتلاقوا انكم تتضحكوا وان شاء الله حتقضوا وقت رومانسى مش حيتنسى



انا بكتبلك وانا بفتكر كتب كتابى هو كان منن 6 شهور والحمد لله لغايةة نهاردة بفتكر انا وجوزو الليلة ديه كانت من اجمل الاوقات عقبال فرحنا بقى ياااااااااااااااااااارب