"عروسات المستقبل تعالوا اقولكم".. جزء ( 5 )

[f-angel]

ازيكو يا بنات ,, هقولكم انا بتعامل ازاى مع بعض المشاكل اللى عندى وده من اللى اخدته من كلامكم كلكو وكمان من بقيت المنتدى

انا عندى مشكلة السواد فالمنطقة الحساسة :

1- بلبس underwear قطن دايما وساعات كتيرة شورت قطن (عشان امنع الاحتكاك وكمان القطن بيمتص العرق ومبيعملش مشاكل صحية نتيجة البكتريا)

2- بهوى المنطقة على قد مقدر لما بكون فالبيت لوحدى (لان عدم التهوية الجيدة بتزود البكتريا وبالتالى بتزود اضرارها خصوصا السواد)

3-لازم انشف المنطقة بعد كل حمام (لان المنطقة الرطبة بتكون بيئة مثالية لتكاثر البكتريا)

4-جبت كريم بيتادين(BETADINE) هو مرهم مطهر من الصيدلية سعره فى مصر الانبوبة الصغيرة ب 3جنيه والكبيرة ب 7 جنيه (لون الكريم من جوه نبيتى) استعملته 3 ايام قبل منام ولما بصحى بغسله ونتيجته انه كان عندى سواد عظيم دلوقتى بقى سواد اخف هكمل واقولكم النتيجة

تانى مشكلة عندى هى سواد تحت الابط :
1-بلبس تيشرت قطن 100% عشان برضه الاحتكاك وبيمتص العرق
2-وقفت المزيلات الصناعية
3-بشيل الشعر بالسويت
4-بهوى المنطقة برضه لما بكون فالبيت
بس للأسف السواد زى مهو معنديش غير حل تانى هجربه :
وهو وصفة هنودة اللى فيها كريم كيناكومب لان عندى سواد ملوش حل

* نفسى اجرب زيت اللوز المر للهالات تحت العين وكبسولات فيتامين E بس واحدة واحدة عليا يا بنات انا كنت فين وبقيت فين بفضل الله اولا ثم بيكم, اثبت الاول على اللى بعمله وبعدبن هزود

[f-angel]

كان فى بنت بتسأل على النقط السودا فى الانف وخصوصا
(Deep cleansing nose strips) يعنى شرائح التنظيف العميق للأنف

فى نوع انا استعملته اسمه(PUREDERM )
انا بجيبه من صيدلية العزبى وسعره 35 جنيه مصرى ولما بيكون خلصان عند العزبى بجيبه من صيدليات سيف (عند سيف ب 32جنيه مصرى) واللى بعيد عليها ده رقم العزبى(19600) وخدمة التوصيل عندهم وعند سيف مجانا

هو بيحتوى على 6 شرائح (6strips) والطريقة مكتوبة على ظهر العلبة

المهم نتيجته تحفة بينضف بجد وفعلا بيشيل كل حاجة من على الانف من نقط سوداء ودهون وكل حاجة
بس بحتاج يتعمل كل 4 ايام او ممكن مرة كل اسبوع وساعات بحس انه بيزود عدد النقط السودا بعد الاستعمال كتير

عشان كده انا جايباه وشايلاه عندى بستعمله فى المناسبات فقط (بجد بينفع وجميل جدا )
جربت حمام البخار والتنظيف بعده للانف بس معملش حاجة معايا ,,هجرب تانى وبذمة شوية يمكن يجيب نتيجة


طالية منكم طلب مهم جدا يا بنات ان كل واحدة سألت على مشكلة عندها ولقت حلها يا ريت تقولنا عن تجربتها وخدت معاها وقت اد ايه

طلب تانى معلش فى ناس كتير اتكلمت عن ماسكات للوجه وارتاحت معاها
ياريت تذكر معاها نوع بشرتها والمشاكل اللى موجودة فبشرتها (حبوب ,نقط بنى ,ترهل ......) عشان اللى فنفس نوع بشرتها وبتقابل نفس مشاكلها تستفاد اكتر والعكس ميبقاش واحدة نوع بشرتها مختلف وتجربه ويضرب معاها

[هنودة هنانيدو]

شكرا ليكى يا نودة ياجميلة على اجابتك للاسئلة وبجد اثبتى لينا ان الواحد ممكن يبقى له اخوات غاليين عنده ومخلصين ليه مع ان عمره ما شافهم... ربنا يحفظك ويسترك فى الدنيا والاخرة ويفرحك ويحققلك كل الى تتمنيه..اللهم امين

كل سنة وانتى بخير ياقمر وتسلمى حبيبى على كلامك اللى بتكسف من كتر ذوقه

وأنتى طيبه يا سماح ويا رب كلنا نكون دائما من عباد الله المخلصين

أزيك يا هنووودة وحشتينى جداااا و كمان بقية التمارين تسلمى عليها
يا قمر بجد مجهودك رائع بالتوفيق دائمااااا

وانتى كمان يا ملوكة وحشتنيى كتير ويارب تكون تمارين عجبتك

[هنودة هنانيدو]

شكرا اوى ياهنوده على مواضيعك الجامده دى دى حتى بترجعلى همتى لما ابدأ اكسل ولا حاجه انتى بجد تحفه اوى وعاوزينك تكملى بقه وياريت تعملى الموضوع بتاع الحياه الاجتماعيه عشان نستفيد من خبرات بعض بصى ياهنوده انا عاوزه اسئلك على حاجه انا جبت من اسبوع ملح الحليب وبستخدمه كل يوم لما باخد الشاور هو كده غلط وممكن تقوليلى طريقه الحمام المغربى الصح ايه ياقمر
كمان عاوزه اسئلك هو ينفع احط الجليسوليد مع الليمون على جسمى بعد الحمام المغربى ولا يبقى تقيل ع البشره معلش طولت عليكى ياقمر وجزاك الله خيرا

ازيك يا جميل ان شاء الله نعمل موضوع فى الحياة الاجتماعية قريب ,,,

ملح الحليب طبعا تحفة للجسم بس مش كل يوم هو كفاية مرة او مرتين بس فى الاسبوع عشان بشرة متتعبش لانه هو عبارة عن تقشير وسكرب حيبقى كتير على البشرة انه كل يوم ....

طريقة الحمام المغربى وعلى فكرة مش لازم الطمى
الحمام المغربى بصى بقى هو ليه طرق كتير بس نهايته ان هدفه انك تنظفى البشرة من خلايا الميتة وانك لو فيه حبوب او اثار بقع تبتدى تقل يوم بعد يوم واسهل طريقة تحققلك ده وانا بستخدمها مش محتاجهة فيها الا

الليفة المغربية ديه موجودة عند اى عطار يكون مضمون سعرها بالمصرى 15 جنيه على شكل قفاز وكمان طبعا موجودة فى محلات بودى شوب

محتاجين صابونة مغربية بتيجى فى برطمان لونها غامق لانها من مكونات طبيبعة بردو تلاقيها عند العطار سعرها 20 جنيه

فيه طبعا الطمى المغربى وحاجات تانية بس احنا عايزين نعمله بابسط الحاجات عشان نستمر عليه لاننا لو لقينا انه صعب حنكسل نعمل صح ؟؟؟

نيجى بقى للطريقة ::::
تخلى بخار ماء فى الحمام انك تفتح حنفية والمياه السخنة وتسبيها 5 دقايق عشان جسمك يتفتح المسام بعد كدا تغسلى جسمك بمياه دافية وتحطى الصابونة المغربية على كل جسمك ماعدا الوجه طبعا وتسبيها من 5 ل 10 دقايق وبعدها تفسلى جسمك كويس اوى بالمياة الدافية وتجيبى الليفة المغربية وتبداى تفركى جسمك كويس جدا حتلاقى حاجات كتير بتطلع من جسم على شكل خطوط مش تتندهشى ده كل خلايا الميتة وابداى من اول رقبتك لغاية رجلك بعدها اغسلى جسمك تانى بالمياه الدافيه كويس وفى اخر الشاور اغسلى جسمك بمياه باردة عشان تقفلى المسام ونشفى جسمك وحطى زيت لوز مر عشان بينعم البشرة جدا لو مش بتحبى زيت اللوز حطى اى لوشن مرطب للجسم .. المهم لازم ترطبى بعد الحمام المغربى عشان البشرة ترتاح وتبقى رطبة واتفرجى على الجسم تحفة وناعم ومرة بعد مرة بتلاقى النتيجة احلى انتى ممكن تعمليه مرتين فى الشهر يعنى كل اسبوعين


جليوسليد مع الليمون حلو سواء بعد الحمام المغربى او عامة هو اه تقيل بس مرطب حلو للبشرة وحطيه عادى بالعكس بيبقى كويس اوى

اه معلش كمان افتكرت انا عندى منطقه الوسط البكينى غامقه شويه عن باقى جسمى وده من صغرى يلترى ياهل ترى فيه حل للموضوع ده؟؟؟؟؟؟

اسمرار منطقة ديه محير البنات كلها بصى هو فيه وصفات كتير بس بطيئة لو تحبى اقولهالك ماشى .. وفيه مرهم بيتادين ده مطهر جاب نتيجة حلوة مع بنات كتير ومعايا

[هنودة هنانيدو]

صباح الفل ياقمرات دايما اجى اكون لوحدى حظى وحش
ازيكم يابنتا اخباركم ايه فى الحر دا ؟؟؟؟؟؟؟؟؟؟؟؟؟
بصى ياهند انتى قولتى احط زيت الزيتون بعد السويت ساعتين
طيب قوليلى لما بتعملى ايدك ورجلك والابط وتحت كدا هتقعدى ساعتين ازاى بتقضيهم فى الحمام ولا اعمل ايه
مش هقدر البس هدومى كدا هيتمسح
محتااااارة ياحبيبتى معلش قوليلى بتعملى ازاى

بصى يادودو االزيتون تحطيه بعد السويت وتسبيه ساعتين
بس طبعا بعد 10 دقايق البسى هدومك عادى مش حتقعدى ساعتين كدا
ومش حيتسمح ولا حاجة لان 10 دقايق حيكون جلد امتص جزء كبير منه

هنودة انا اشتريت قبل كدا 10 كبسولات فيتامين كانو ب10 جنيه
وبجد كانت رائعة حطيتهم لوشى بس بس فادونى كتير ونويت اشترى تانى
حسيت وشى ناعم وطرى ومنور اوى
ميرسى لكل موضوعاتك ياقمر
قوليلى ياهند انا بعمل سكرب بشتريه عادى الملح والليمون بعملى حوالى اد ايه
وبتستخدميه ازاى بتاخديه بايدك ولا قطنه

سكرب ملح مع ليمون

تحطى ملح وعليه ليمون ويبقى سائل ومن غير انك تخلى الملح يذوب فقط خليه زى سائل وبايدك تاخديه وتحطيه على بشرتك او جسمك

[هنودة هنانيدو]

بصى ياهنودة الناهردة جت خبيرة تجميل مغربيه مع دعاء عامر فى برنامج ست الحسن
يارب حد يكون شافه اتكلمت عن الحمام المغربى كتيييييير
قالت انه ماينفعش غير فى الحمام فى البيت مش زى الحمام
كمان جابت حاجات كتيييير اوى لازم تتحط فيه وهى ::
صابونة مغربى لونها اسود سايلة - صابونة بابايا - ليفة مغربى - خزامة - طمى مغربى -
ورد وعود - حنة مغربى شرط اساسى وحاجات تانية اسمها غريب اوى ماعرفتوش
وكل المكونات الغريبة دى تقول من غيرها الحمام باييظ ومش بتيجى غير من المغرب
فى الاخر عقدتنى وحسيت ان اللى بنعمله غلللللط ومالوش لزوم
حتى لما دعاء قالت لها نفتح الدش قالت لها لالالالالا ماينفعش كنت عاوزة اضربها والله
رأيك ايه ياهنودة

بصى يادودو حمام مغربى له طرق كتير وحاجات زى ما انتى بتقولى طمى وورد وصابونة وماسك وحناء

ده الطريقة كبيرة بتاعته وخاصة بيعملوها فى سنتر التجميل وللعرايس قبل الفرح وده حلو طبعا

بس انا بحب اكتر عشان نبقى واقعين اسهل طريقة ليه زى اللى كاتبها فوق يادودو عشان نسهل لنفسنا نعمله فى البيت وعشان منكسلش والطريقة السهلة معتمدة على صابونة مغربية وليفة مغربية وبخار وترطيب بعد الحمام المغربى ونتيحتها تشيلى فعلا كل خلايا الميتة من الجسم والترطيب بيدى نعومة حلوة

اما الطريقة الطويلة لو عايزة طريقتها اقولك عليها ومكوناتها موجودة فى العطار بس مشكلة اننا حنكسل نعملها هى حلوة تتعمل قبل الفرح او كل مدة بس صعب كل اسبوع حتعمليها

وصفة للخبيرة المغربية يابنات على الطاير كدا
الكلف ::::
طمى ابيض + ماء ورد يدهن على منطقة الكلف كل يوم خلال اسبوع
بتظر النتيجة ان شاء الله

ميرسى حبيبى على الوصفة السهلة ديه

[هنودة هنانيدو]

[quote=f-angel;8441452]* نفسى اجرب زيت اللوز المر للهالات تحت العين وكبسولات فيتامين E بس واحدة واحدة عليا يا بنات انا كنت فين وبقيت فين بفضل الله اولا ثم بيكم, اثبت الاول على اللى بعمله وبعدبن هزود

كلامك جميل خالص ومفيد ياقمر عايزنين دايما كدا افادة عالطول منك
كلامك فعلا صح التهوية ولبس القطنيات بيسلعد وكمان بعد ما بيروح السواد بتحافظى على منطقة من رجوع السواد ليها

وان شاء الله تجربى زيت اللوز ويطلع حلو

[lonleygirl]

هنوده ازيك يا جميله بخصوص الحمام المغربى اتلخلطه مش للوجه ولا لا اصل واحده قبل كدا قالت الوصفه فى المنتدى وقالت الوجه كمانز بشرتى مختلطه وحساسه شويا ممكن تقوليلى منظف وتونك ومرطب مناسبين اشتريهم ومرسى يا قمر

[هنودة هنانيدو]

فى نوع انا استعملته اسمه(PUREDERM )
انا بجيبه من صيدلية العزبى وسعره 35 جنيه مصرى ولما بيكون خلصان عند العزبى بجيبه من صيدليات سيف (عند سيف ب 32جنيه مصرى) واللى بعيد عليها ده رقم العزبى(19600) وخدمة التوصيل عندهم وعند سيف مجانا

هو بيحتوى على 6 شرائح (6strips) والطريقة مكتوبة على ظهر العلبة

المهم نتيجته تحفة بينضف بجد وفعلا بيشيل كل حاجة من على الانف من نقط سوداء ودهون وكل حاجة
بس بحتاج يتعمل كل 4 ايام او ممكن مرة كل اسبوع وساعات بحس انه بيزود عدد النقط السودا بعد الاستعمال كتير

عشان كده انا جايباه وشايلاه عندى بستعمله فى المناسبات فقط (بجد بينفع وجميل جدا )
جربت حمام البخار والتنظيف بعده للانف بس معملش حاجة معايا ,,هجرب تانى وبذمة شوية يمكن يجيب نتيجة


طالية منكم طلب مهم جدا يا بنات ان كل واحدة سألت على مشكلة عندها ولقت حلها يا ريت تقولنا عن تجربتها وخدت معاها وقت اد ايه

طلب تانى معلش فى ناس كتير اتكلمت عن ماسكات للوجه وارتاحت معاها
ياريت تذكر معاها نوع بشرتها والمشاكل اللى موجودة فبشرتها (حبوب ,نقط بنى ,ترهل ......) عشان اللى فنفس نوع بشرتها وبتقابل نفس مشاكلها تستفاد اكتر والعكس ميبقاش واحدة نوع بشرتها مختلف وتجربه ويضرب معاها

ميرسى ياقمراية على افادتك لنا وفعلا لاصقات ديه حلوة فى الزنقات يعنى عندك حفلة او كدا بس عامة زى ما قولتلى هى مش حلوة اوى لان فيه كذا بنت جربتها وسمعت من دكتور جلدية قال انها بتفتح المسام اكتر وممكن تزود الرؤؤس السوداء كمان

بالنسبة لطلبك حلو اوى وياريت كل البنات تفيدنا وعشان خاطر عيونك جايبلك ماسك لتنظيف الرؤؤس السوداء والتخلص منها وكمان للنمش حاكتبهولك عالطول بس نازلة الاول شوية ولما ارجع باذن الله حاكتبه

[dodo412]

ميرسى يا هنودة على الحمام انا فعلا بعمله كدا بس كل كلام الخبيرة دى
انه ماينفعش فى البيت نهاااائى وان لازم الخطوات الطويلة