روزى روز
بصى ياقمر الميكب كالتالى :::
اولا فى ماركات كتيرة اوى منه احسنهم طبعا فورايفر وديور ولوريال وبورجوا وماكس فكتور وريميل . وفى ماركة فلورمار ايطالية بردو حلو ..
تتعالى نشوف الميكب بيتكون من ايه
كريم اساس ( فاندوشين ) ده بيتحط على البشرة عشان يدى لون واحد للبشرة ويخفى اى عيوب او بقع او حب شباب او اسمرار منه انواع كتيرة فى السائل بيبقى زى كريم سائل كدا بتحطى منه على شكل نقط على وجهك يعنى كانك بتحطى كريم نقطة على الخدود وعلى الجبهة وعلى الذقن وعلى الانف وتبداى تفرديه بايدك كانهك بتحطى كريم عادى
[URL=http://games.m5zn.com]
[/URL] فى كمان كريم اساس اسمه كومبكت باودر ده عبارة عن بودرة مع كريم اساس ده بينفع اكتر البشرة الدهنية كمان بيبقى ثابت بتحطى منه باسفنجة يعنى تبلى الاسفنجة وتاخدى من كريم وتحطى على وجهك كله
[URL=http://games.m5zn.com]
[/URL] كمان فى كونسيلر ده عشان يخفى الهالات والخطوط الرفيعة وتجاعيد اللى تحت العين ومنه على شكل استيك يعنى زى الاصبع او شكل سائل بيبقى زى كريمى
تحطى منه نقط تحت العين وتفرديه بصبعك اللى تلبسى الدبلة فيه براحة لغاية ما البشرة تتشربه
[URL=http://games.m5zn.com]
[/URL] طبعا الايشادو بيتحط فوق جفن العين ممكن تحطى لون واحد على الجفن كله وومكن تحطى لونين او اكتر من لون حسب لبسك وميكب بتاعك عامة ممكن تحطيه بفرشاة او بصبع الصغير بتاع ايدك ودايما حطى اللون الفاتح من فوق تحت الحاجب وبعده اللون الاغمق عشان تبقى عينك منورة مش غمقة
[URL=http://games.m5zn.com]
[/URL] الكحل معروف بيتحط جوا العين اكتر اللون معروف الاسود كمان فى الوان تانية حلوة زى تراكوز والابيض والزيتى منه بجليتر عشان يدى لمعة وبيببقى على شكل قلم
الايلينر ده بيترسم بيه العين من عند الرموش عشان يدى رسمة حلوة للعين بس لازم تتعودى عليه .. انا مش بعرف استخدمه خالص
[URL=http://games.m5zn.com]
[/URL] المسكرا منها الوان زى الاسود والبنى والازرق
احمر الخدود " بلاشر " ده بيتحط على الخدود عشان يدى شكل طبيعى منور للخدود وعو فعلا حلو جدا وطبيعى انتى بتحطيه بفرشاة بتاعه البلاشر وتبتسمى وتحطى على مكان الخدود البارزة يعنى ابتسمى وامسكى الفرشاة وحطى منها على الخدود اتجاه الاذن
الروج طبعا معروف منه نوعين اما مات يعنى مفيش فيه اى لمعه او بلمعة بسيطة
الجلوس بيبقى بفرشاة وخفيف على الشفايف ممكن تحطيه لوحده او تحطى روج وتحطى جلوس عليه يدى لمعه ولون حلو
قلم تحديد الشفايف ده بيترسم بيه الشفايف عشان تبقى محددة وبعدها بتحطى الروج طبعا منه الوان بتجبى اللون اللى مناسب مع الروج ويبقى اغمق درجة من الروج عشان يظهر
ومانيكير بيبقى منه الوان من غير لمعة او الوان فيها لمعة بسيطة يعنى زى جليتر خفيف او شفاف زى الروز والابيض اللى ينفع للفرنش وطبعا فى الوان زى سيلفر وهكذا
هو ده الميكب ياقمر وانتى اصلا بالتعود حتلاقى نفسك بتعرفى كلنا مكناش بنعرف حاجة ومع الوقت اتعلمنا كمان فى فيدوهات تعليم ميكب شوفيها واعملى زيها لغاية ما تتعودى
كتبت بواسطة rose85
الروابط المفضلة