تجمع فريق العزيمه لنزول 30 كيلو خلال 3 شهور الجزء الثاني

[ام ملك وادهم]

السلام عليكم ورحمة الله
ازيك يا سلمي وازاي ادهوم الامور ربنا يخليهولك
والله انا فرحت بالموضوع ده لاني فاشلة ريجيم اخس وازهق وارجع ازيد من الاول بس دلوقتي النزول بقي مطلب صحي لان ركبي بدات توجعني والدكتور قاللي لازم تخسي وانا الزيادة ده مش متعودة عليها
انا ماشية مع دكتورة ريجيم بس اللي بيهمها اني منزلش وزني وخلاص المهم الوزن ده يكون دهون وده الكلام الصح خصوصا انها لقيت ان 58 كيلو من وزني دهون فهي بتعالجني الاول
يا رب اكمل المرة واوصل لمرحلة التثبيت
انا وزني كان 109.6 واصبح 106.8
نفسي ارجع 75 زي وزني قبل الجواز
طولي 170 سم

سلمى حبيبتي وحشتيني موووووووووووووت
والف مبروك على يحيى ولو انها متاخره ما شاء الله عليه اكبر من ادهم ب 3 اسابيع انا ادهم عنده 5 شهور واسبوع تقريبا ربنا يخليهم هم الاتنين ويفرحنا بيه يااااااااااااااارب

ياريت تنضميلنا ياقمر فعلا هتتحفزي وتتشجعي وان شاء الله مع بعض ندخل العام الجديد واحنا صاحبات وزن خفيف ونلبس اصغر المقاسات زي زمان
كل الي عليكي تدخلي كل يوم وتكتبي يومياتك والميزان يوم الاثنين
يلا بلاش كسل

[ام ملك وادهم]

كان عندي استفسار ليكي يا سوسو انتي بترضعي طبيعي؟
عشان الدكتورة معطتنيش اي دواء تخسيس عشان الرضاعة وانا فعلا باحس بجوع . فهل سيبوترم ده امن اثناء الرضاعة؟
وهل كميات الاكل ده كفاية للرضاعة وان اللبن يبقي كويس اصل الدكتورة بتديني كمية نشويات واكل كتيير عن نظامك ؟
واخيرا بالنسبة للمشروبات الغازية الدايت انا زيك كنت باشرب كميات كبيرة منها والدكتورة قالتلي فعلا ان مفيهاش سعرات حرارية بس بتاثر علي الكالسيوم وانا برضع طبيعي فقالتلي حتسببلي هشاشة عظام فحبيت انصح اللي بيرضعوا طبيعي يبعدوا عنها او يقلولها مش كل يوم

لا ياقمر انا مش برضع طبيعي
انا كنت برضع طبيعي لمده شهر
وبعدين جالي 3 خراريج في صدري الشمال بعد الشر عنك وعن كل اللي بيرضعوا واضطريت اعمل عمليتين واخد مضادات حيويه لمده شهر وده خلى ادهم يجيله جفاف لانه كان معتمد على صدر واحد وكمان كان ضعيف فاخد صناعي وطبعا بعد اسبوع رفض صدري تماما
علشان كده انا معنديش مشكله في الدوا خالص
وانا هتصل بالدكتور الصبح اسالهولك على موضوع الرضاعه
ربنا يخليلك يحيى ويتمملك فتره الرضاعه على خير يارب

[salmadodo]

سلمى حبيبتي وحشتيني موووووووووووووت
والف مبروك على يحيى ولو انها متاخره ما شاء الله عليه اكبر من ادهم ب 3 اسابيع انا ادهم عنده 5 شهور واسبوع تقريبا ربنا يخليهم هم الاتنين ويفرحنا بيه يااااااااااااااارب

ياريت تنضميلنا ياقمر فعلا هتتحفزي وتتشجعي وان شاء الله مع بعض ندخل العام الجديد واحنا صاحبات وزن خفيف ونلبس اصغر المقاسات زي زمان
كل الي عليكي تدخلي كل يوم وتكتبي يومياتك والميزان يوم الاثنين
يلا بلاش كسل

وانتي كمان وحشتيني موووووت
مبروك مش متاخرة لانك باركتيلي اول ما ولدت في التجمع القديم بتاعنا بس انا اللي مكنتش بدخل كتيير
ربنا يخليلك ادهم ويحيي حيعمل عليه كبيير دول 3 اسابيع مش شوية برضة
وان شاء الله نحفز بعض فعلا لاني نفسي اخس

[ام ملك وادهم]

وانتي كمان وحشتيني موووووت
مبروك مش متاخرة لانك باركتيلي اول ما ولدت في التجمع القديم بتاعنا بس انا اللي مكنتش بدخل كتيير
ربنا يخليلك ادهم ويحيي حيعمل عليه كبيير دول 3 اسابيع مش شوية برضة
وان شاء الله نحفز بعض فعلا لاني نفسي اخس

ان شاء الله هنخس بس انتي التزمي واقفلي بقك

[salmadodo]

لا ياقمر انا مش برضع طبيعي
انا كنت برضع طبيعي لمده شهر
وبعدين جالي 3 خراريج في صدري الشمال بعد الشر عنك وعن كل اللي بيرضعوا واضطريت اعمل عمليتين واخد مضادات حيويه لمده شهر وده خلى ادهم يجيله جفاف لانه كان معتمد على صدر واحد وكمان كان ضعيف فاخد صناعي وطبعا بعد اسبوع رفض صدري تماما
علشان كده انا معنديش مشكله في الدوا خالص
وانا هتصل بالدكتور الصبح اسالهولك على موضوع الرضاعه
ربنا يخليلك يحيى ويتمملك فتره الرضاعه على خير يارب

لا حول ولا قوة الا بالله
الحمد لله انك بقيتي كويسة وخفيتي وان شاء الله تعوضي المرة الجاية وترضعي طبيعي
هما فعلا بيرفضوا الصدر بعد ما بيستسهلوا الصناعي انا عطيت يحيي صناعي مع الطبيعي في اول الولادة بس بطلتهوله بعد شهر والحمد لله مع اني كنت مستسهلاه بس الدكتور قاللي لازم ابطلهوله
جزاكي الله خيرا عننا وعن مساعدتك لينا
ويخليلك ادهم يارب
يحيي مواليد 15/4 وادهم امتي؟

[ام ملك وادهم]

لا حول ولا قوة الا بالله
الحمد لله انك بقيتي كويسة وخفيتي وان شاء الله تعوضي المرة الجاية وترضعي طبيعي
هما فعلا بيرفضوا الصدر بعد ما بيستسهلوا الصناعي انا عطيت يحيي صناعي مع الطبيعي في اول الولادة بس بطلتهوله بعد شهر والحمد لله مع اني كنت مستسهلاه بس الدكتور قاللي لازم ابطلهوله
جزاكي الله خيرا عننا وعن مساعدتك لينا
ويخليلك ادهم يارب
يحيي مواليد 15/4 وادهم امتي؟

ادهم من مواليد 12-5 يعني تقريبا شهر الا كام يوم

[7awa]

ربنا يقويكي يارب بس جربي تتبعي نظام الريجيم حرفيا لمده اسبوع
جربي وان شاء الله مش هتخسري حاجه وهتنزلي

طيب تنصحينى ابدا باى واحد فيهم

السيبوترم ده حبوب بتسد الشهيه وامنه جدا ومالهاش اثار جانبيه
وفعلا بتسد النفس جدا جربيها

خلاص انا هجيبه مع انى كنت باخد اعشاب بتسد النفس من عادل عبد العال
بس بقالى مده مبطلاها لانى كانت نفسى مسدودة عن كل شى

الدكتور بتاعي اسمه مجدي عامر في مدينه نصر
انتي من فين؟

انا من مصر الجديده روكسى
بس هو فين فى مدينه نصر ويا ترى زحمه وبيطلع عين الواحدة لحد ما تدخل

[7awa]

بعد اذنك يا ام ملك وادهم
انا حطيت التلت اسابيع بتوعك مع بعض علشان الاستفاده من رجيمك
وما حبيتش اتعبك واقولك حطيهم كلهم مع بعض
اوكى يا قمر
يوم الاثنين 28-9-2009
اول اسبوع في الدايت

الافطار
رغيف عيش سن + 2 بيضه مسلوقه

الغداء
طبق خضار مسلوق بدون ماجي او دهون +طبق سلطه خضراء بدون زيت +ربع فرخه مسلوقه

العشاء
فاكهه طازجه (( 2 برتقال او 4 خوخ او 6 مشمش او 6 برقوق او نصف كنتالوب او شريحه بطيخ ))
او
2 كوب زبادي لايت
او
2 بيضه مسلوقه
او
بيضه مسلوقه مع كوب زبادي لايت

بين الوجبات في اي وقت وباي كميه

جميع مكونات السلطه مسموح بها لكن منفرده يعني ممكن اكل خيار بس وبعد ساعه اكل طماطم بس وهكذا

مشروبات ساخنه شاي قهوه نسكافيه نعناع كركديه مضاف لهم سكر الدايت فقط

بيبسي او سفن دايت

يمكن استبدال الدجاج ب2 قطعه لحم مسلوق او مشوي او سمك او جمبري ( روبيان) مشوي
الدجاج يؤكل مسلوق او مشوي





الاثنين 5-10-2009
ثاني اسبوع في الدايت

الافطار ثابت طول الاسبوع
شاي بحليب من غير سكر اوبسكر الدايت + بيضه مسلوقه (او)ثمره فاكهه(او) 3ملاعق فول بدون زيت

اليوم الاول
الغداء
شوربه خضار+ربع فرخه(او)2 قطعه لحم + سلطه
العشاء
شوربه خضار +قطعه جبنه قريش + سلطه

اليوم الثاني
الغداء
فاكهه صنف واحد باي كميه ماعدا العنب والبلح
العشاء
رغيف سن + قطعه جبنه قريش +بيضه مسلوقه

اليوم لثالث
الغداء
فراخ مسلوقه او مشويه باي كميه + سلطه
العشاء
علبه زبادي لايت او بيضه مسلوقه + سلطه

اليوم الرابع
الغداء
علبه تونه مصفاه + سلطه + نصف رغيف سن
العشاء
2 ثمره فاكهه + سلطه

اليوم الخامس
الغداء
5 ملاعق فول بدون زيت +سلطه + نصف رغيف سن
العشاء
علبه زبادي لايت او قطعه جبنه قريش + سلطه

اليوم السادس
الغداء
2 سمكه مشويه + سلطه
العشاء
نصف رغيف سن + جبنه قريش + سلطه

اليوم السابع
الغداء
فاكهه متنوعه
العشاء
شوربه خضار باي كميه


ملحوظات

- ممكن تبدلي الايام مع بعض بس تبدلي اليوم كله الغدا والعشا مع بعض
- ممكن تكرري يوم يعني مثلا انا ممنوعه من الفول علشان القولون وبحب السمك جدا ففي يوم الفول هكرر نفس يوم السمك وهلغي يوم الفول وطبعا كل واحده ومزاجها في الاكل وممكن تكرري اليوم لحد 3 مرات
- ممكن في اليوم الوحد تبدلي بين الغدا والعشاء
- الدكتور كتبلي حبوب بتساعد على زياده معدل الحرق في الجسم واسمها ((سيبوترم )) ودي بتتاخد حبايه واحده في اليوم بعد الافطار بساعه



ريجيم الاسوع الثالت

اليوم الاول
فاكهه اي كميه واي نوماعدا (( العنب والتين والمانجو وبلح )) طول اليوم باي كميه في الافطار والغداء والعشاء


اليوم الثاني
خضروات طازجه او مسلوقه اي نوع ماعدا (( البطاطس والقلقاس والبسله)) طول اليوم باي كميه في الثلاث وجبات وممكن يؤكل سلطه او خضار مسلوق مع مراعاه عدم اضافه مكعبات الماجي


اليوم الثالث
خليط من الفواكه والخضروات طوال اليوم باي كميه خليط من اليوم الاول والثاني


اليوم الرابع
الافطار بيض مسلوق
الغداء والعشاء اي كميه من السمك او الجمبري مسلوق او مشوي او التونه المصفاه والمغسوله

اليوم الخامس
الافطار بيض مسلوق
الغداء والعشاء اي كميه من الدجاج واللحم مسلوقه او مشويه


اليوم السادس
نوع واحد فقط من الفاكهه طول اليوم

طبعا ممكن تناول المشروبات بدون سكر او بسكر الريجيم طول الوقت

مع مراعاه شرب لترين من الماء كل يوم

وممارسه اي رياضه نصف ساعه يوميا

مع تمنياتي للجميع بالرشاقه

[ام ملك وادهم]

انا من مصر الجديده روكسى
بس هو فين فى مدينه نصر ويا ترى زحمه وبيطلع عين الواحدة لحد ما تدخل

داحنا جيران
بصي هو في الحي العاشر
ولو تحبي ممكن نرتب ميعاد ونتقابل وتيجي معايا تشوفي النظام
وبالعكس هو مش زحمه خااالص يعني ممكن تدخلي بعد ربع ساعه وبيدخل حاله حاله مش 10 مع بعض زي غيره
وبيتكلم معاكي ويسمعك على الاخر وانا كل مره بقعد عنده نص ساعه على الاقل
فكري وردي عليا

[ام ملك وادهم]

جزاك الله كل خير يا قمر
احنا اخوات ومفيش بيننا فرق