|
للبحث في شبكة لكِ النسائية:
|
النجم الفضي
هاى
مولاتى مرسى لتشجيعككتبت بواسطة مولاتى
لكل اللى نزل وزنهم
2سوسنه
ام المجد والمها
fofo18
hala510
الف مبروك على نزول وزنكم وان شاء الله الاسبوع الجاى تنزلوا اكتر
و اللى وزنهم منزلش هذا الاسبوع ان شاء الله ينزلوا الاسبوع الجاى
وان شاء الله عن قريب كلنا نوصل لوزننا المثالى بصحه وعافية
اما بالنسبة ليا فأنا مع فريق الثابتين وزنى ثابت 78
ان شاء الله الاسبوع الجاى اعوض وانزل باذن الله
تمنياتى بالتوفيق للجميع
على فكرة انا كمان من اسكنرية
قوليلى انت بتدرسى و لا خلصتى ؟
عضو نشيط
صباح الخير يا بنات ... زوزا انتي فين ؟؟؟
سلمي يا ريت تكتبي أسماء كل اللي معانا في المجموعة علشان نعرف بعض علشان انا بأتوه و بانسى.. مش عارفه انا حاسه ان شوية تاس بتتكلم مع بعض و شوية كل واحد في عالم تاني .. أنا من الناس اللي في عالم تاني ما حدش بيكلمني و أنا مش بأكلم حد يادوب اكتب يومياتي و أمشي ... انا مفتقده ربي كريم قوي .... انا امبارح لخبطت فطرت ملعقتين أرز و بسله من غير سمن و بعد شوية أكلت واحده معمول و قطعة سويس رول مونجيني و اتسحرت قعطه جبنة رومي صغير و 2 نستو مع 2 توست ريجيم و شربت كوباية نسكافية باللبن خالي الدسم ... و النهارده بأكمل صيام .. الريجيم بايظ في الصيام بس الهدوم بتوسع .. صباحكم حلو ان شاء الله
عضو
السلام عليكم جميعا
اولا حمدا لله على سلامتك يا أم ملك وادهم وحشتينا جدا جدا والفريق كان مضلم من غيرك وكان ما فيهوش الحماس الدائم اللى كنت بشوفه فى الفريق وان شاء الله ماتغبيش عننا تانى ودائما منورانا
وانا حزينة للى حصل لربى كريم بس ان شاء الله نحاول نرجعها مرة تانية
اعذرونى انى مدخلتش اليومين اللى فاتوا لانى بدخل من اللاب توب بتاع زوجى وهو كان بسطب وندوز جديد وكان سايبة مع مهندس صاحبة وكان المفروض ادخل اول امبارح علشان اكتب وزنى لانى رحت للدكتور يوم الحد والحمد للة خسيت من 111 ونص الى 109 يعنى 2 ونص وانا كدة بقالى شهر متابعة مع الدكتور والحمد للة كدة خسيت 10 كيلو والدكتور قالى دة نتيجة كويسة والحمد للة
بصى ياست الكل فى اقتراح عندى انك زى ما بنعمل رشيقة الاسبوع نعمل رشيقة الشهر
معلش انا مش بعرف اخل كل يوم علشان اكتب يومياتى
بس انا لخبطت امبارح ودة طلبة منى الدكتور وبدأت النهاردة تانى رجيم
الفطار : ربع رغيف بلدى + بيضة مسلوقة
اعذرونى مش قادرة اتناقش معاكم دلوقتى عندى صداع جامد مش قادرة ابص على الشاشة
عضو
هااااااااااااااااى يا ليدى من مصر على فكرة انا زيك برضوا غالبا محدش بيعبرنى وانا زعلانة جدا من الموضوع دة لانى حاسة انى لى اصدقاء جدد بس المشكلة ان فى جروب داخل الجروب يعنى فى ناس عارفى بعضها وتتناقش بس مع بعضها وانا نفسى الاقى حد يتناقش ويسال على لو غبت كذا يوم
النجم الفضي
ازيكم؟
ام عمرو ليدى من مصر انا مش عيزاكوا تزعلوا
انا هبتدى بنفسى الاول انا هالة من اسكندرية مش متجوزة و انتوا ؟ ياريت تقولولى تفاصيل عنكم و نبتدى نتواصل
النهاردة عملته فرى داى
هبتدى من بكرة تانى لغاية اخر الشهر ادعولى و نبى لانى بجد تعبت اوى اوى اوى
عضو نشيط
السلام عليكم
صباح الخير بالليل ،،ههههههه لانه اكيد عندكم النهار قرب يخلص.
حبيباتي ام ملك وادهم ،،، ليدي ،،، ام عمر توتي ،،،، وهاله ،،، وام هاجر ومولاتي وصيف بلا شمس وفوفو وربي كريم لو كنتي بتتابعينا من بعيد ويارب مكونش نسيت حد منكم عضوات فريقنا فريق العزيمة ،، بحب اقولكم اني مبسوطه جدا من انضمامي للفريق ويارب نكون كلنا اخوات وقلبنا على بعض .انا كمان بضم صوتي لباقي البنات ونتعرف على بعض اكثر .
انا ليبية يعني جارتكم ليبيا الحبيبة ،،، ام لثلاث اولاد بنت وولدين ،،، هما اللي ربربوني وخلوني فيله هانم ام زلومه ههههههه ربنا يحفظهم ليا من كل شر ،،، كنت دايما بحاول انزل من وزني بس العزيمه هي اللي بتخونني وبرجع للاكل تاني . يمكن علشان مفيش جروب بتابع معاه والتزم ،،، علشان كده انا بشكركم كلكم من كل قلبي على تقبلكم ليا اكون عضو في الفريق واخش منافسات حاميه مع فوفو الرشيقة.
يومياتي امبارح :
فطرت على كبايتين ميه و7 تمرات ,,, كثير صح ؟؟؟؟؟
ورجعت للبيت شربت كبايتين كبار عصير اناناس بس للاسف كان بارد جدا فعلى طول استفرغت اكرمكم الله.
بعدين عملت سلاطة واكلت معاها جبنه لايت .
وفي السحور اتسحرت اناناس شرائح وكيوي بس الكيوي كان لادع جدا جدا فوق ما تتصوروا فمقدرتش اكمله الباين انه لسه ما استواش كويس .
انا كنت امبارح انه عندي موعد مع دكتورة السكري لو كنتوا فاكرين ،، ؟؟
رحتلها وكتبتلي على حبوب للسكري حبه واحده بالليل علشان قراءات الصبح هي اللي بتكون دايما مرتفعه .
وبعد 3 اسابيع حنعمل تحليل التراكمي الثاني ونشوف . ربنا يستر كمان شددت عليا جدا في الرياضه والريجيم وادتني ريجيم يجي 10 صفحات عايز يوم بطوله علشان افهم اللي فيه كويس،، وطلبت مني اني امشي لحد ما احرق 300 كالوري ،، مش مهم الوقت كم المهم وحدات الكالوري ما تقلش عن 300 وطلبت مني اشتري جهاز لقياس ده بيتباع في الصيدليات.
اكيد دماغكم لفت وصدعتوا ههههه بس معليشي استحملوني بستنا الصبح علشان اجي المنتدى وتشاركوني يومياتي .
سلامات
النجم الفضي
الله يعافيكى ام مجد و يخليلك اولادك
انا دايما بقول مش مهم انت وزنك كام المهم انك ابتديتى و معانا ان شاء الله هتقدرى تنزلى وزنك و اى سؤال انا موجودة و مشرفتنا الجميلة ام ملك و ادهم انسانة عن جد رائعة بتساعدنا كتير بس هى كانت مسافرة و رجعت و ان شاء الله هتباشر معانا من تانى
انا عندى فكرة ايه رايك نعمل دايت مع بعض لغاية نهاية الشهر و نشجع بعض اصلى بفكر ماعملش دايت فى العيد لانى حقيقى اتخنقت بجد
ادعولىىىىى
عضو
مساء الفل على الجميع
مرسى اوى ليكى ياهالة على شعورك الجميل معانا انا مروة من القاهرة متزوجة من ثلاث سنوات وعندى عمر توتى وكنت بشتغل محاميةبمجال تأسيس واشهار الشركات لمدة اربع سنوات لغاية اما اتجوزت وبعد الحمل الدكتور منعنى من الشغل لان المهنة محتاجة خروج كتير اوى ومجهود جامد والحمد للة بعد ماولدت عمر بسنة ونص بدأت اودية الحضانة وبدأت اشتغل مع زوجى فى مكتبة هو عندة مكتب محاسبة وكنت ماسكة الشؤون القانونية والتاسيس لحد ما انتشر انفلونزا الخنازير خفت على عمر وبقينا فى البيت محبوسين مابنخرجش الامرة فى الاسبوع اواثنين
هااااااااااااي يا ليدى من مصر ارجو اننا نتعرف ونتشرف بمعرفتك
أما عزيزتى ام المجد والمها فأنت صديقة عزيزة على وبحب دائما اتحدث معك وانا بقيت استمد تشجيعى منكم فعلا والف سلامة عليكى من السكر وربنا يشفيك منة وان شاء الله تحرقى ال300 كالورى المطلوبين منك وعلى فكرة المشى دة ممتاز جدا جدا فى حرق الدهون والتخسيس اكتر من الايروبك لانى مجربة دة ودة والنتيجة معاى كانت فى المشى اكتر بكتير
عضو نشيط
عزيزتي هاله ،،، تسلميلي يا هلول ينفع ادلعك كده ؟؟؟معنديش اي مانع نخش مع بعض في دايت ونشجع بعض ،، والتوقيت اللي تختاريه ،، هو بس يوم العيد اللي انا حاخده فري داي طمعا في الوليمة الفاخرة ،، وبالنسبة ليا في البيت فأكيد حيكون مختلف تماما عن العيد في ليبيا لان مفيش مكان ندبح فيه فجوزي وكل اهله يدبحوا عنه وبعت لهم ثمن الاضحية الخروف المسكين ،،، فكلي امل انه الجالية العربية هنا يعملوا وليمة غداء او عشاء قولي يارب معاي هههههههه لاني بجد زي ما قلتي اتخنقت من قلة الاكل ،، فبكافئ نفسي يوم العيد وحيكون فري داي .ونبتدي من بعد العيد ان شاء الله.
احكيلي يا هاله ايه اللي بتعملوه يوم العيد من اكلات خاصه بعيد الاضحى.؟؟؟احنا في ليبيا بنعمل الممبار بس بنسمه اسم تاني "" العصبان """ وبيكون حار والشطه فيه مولعه نااار هههه اللهم اجرنا من النار.
في انتظار تواصلك ،، تحياتي...
عضو نشيط
تسلمي لي يا ام عمر ،، وربنا يحفظكم انتي وكل الحبايب من انفلونزا الخنازير يا رب
على فكرة ابني هنا ادوه التطعيم والحمد لله كل الامور تمام الى غاية دلوقتي ،، فبفكر اخد مها بنتي علشان اطعمها عند دكتورة الاطفال لانها مبتروحش للمدرسة لسه وابني مهاب لسه 4 شهور يعني ما ياخدوش التطعيم لسه .
تسلمي لي على كل الدعم والدعوات الحلوة اللي اكيد لك مثلها ان شاء الله
وحتابع معاكم اليوميات بعد الافطار
سلامات
أعضاء قرؤوا هذا الموضوع: 0
الروابط المفضلة