"عروسات المستقبل تعالوا اقولكم".. جزء ( 10 )

[ايمان مونى]

هنودة موضوعك عن الفرد جميل جدا انا جربته مرة واحدة ومش ناوية اكررها خالص
شوفي انا ابدع باللهجة المصرية يابنات شوءرايكم بلهجتي ؟؟؟؟؟؟؟؟؟

ماشاء الله عليكى يا روز
لا والله مصرية بصحيح

[مسكـ الخـتامــ]

هنودة .. من فضلكـــ حبيبتي

عندي مشكله من زمان جدا وحاولت كتير اعالجها بدون فائده

انا بشرتي مش حساسه يعني .. بس لما بعمل منطقة الشنب بالفتله

بتحمر عادي ماشي .. وبعد كدا بقى يقلب الأحمر دا سواد ..

وابقى لسه عاملاه ومفيش ولا شعره .. بس اللون بيكون

كأني مش عامله حاجه وكأن الشنب موجود .. الشكل اسود ويفضل باين كدا لحد معمل تاني ونفس النظام

وبيبقى باين اوي ..

مش عارفه لان الشعر مش بيطلع من جدوره مثلا ولا ايه ؟؟

بس انا بعمل بالفتله وساعات بسيب الشعر لحد مايكبر

منتظراكـ حبيبتي ربنا يخليكي

[nahed_love]

اشكرك جدا جدا على المجهود الرائع ان عندى كام سؤال ويارب مطولش عليكم بصى بقى هنودة انا ان شاء الله ان شاء الله فرحى فى شهر 2 وعايزة منك كم طلب اول حاجه انا فى مؤخرتى عروق حمرة مش بتوجع بس شكلها وحش مضيقاتى وفى دكتور قاللى اسمها تفتيحات كولجين مش عارفه اعمل فيها ايه تانى حاجه انا حلمات صدرى غائرة وبعد البحث اكتشفت انى اعانى من الحلمه المقلوبه وديه عايزة تمارين علشان تطلع ارجو منك المساعدة حاجه كمان فى كوافيرة اسمها فاتن عندكم بس ساكنه فى ميامى بيقولوا عليها حلوة عايزة رايك علشان انا عايزة كوافير ممتاز ومعقول فى الاسعار وانا اعتبر جارتك من كفر الدوار وعايزة مساعدتك لانى مليش حد يساعدنى من الاسكندريه غيرك وربنا يوفقنا ويجمعنا على خير مع ازواجنا وجزاكى الله خيرا

[الجريئـة]

مشكوووووووووووره

[هنودة هنانيدو]

معليش هنودة اني سؤالي هل الغسول مايصير البنات يستعملوه يعني اله اضرار او بمعنى اخر في غسول خاص للمتزوجات وغسول خاص للبنات على حد علمك تعبتك اوي معايا استحمليني بقى

اى غسول بيبقى للبنات ومتزوجات يعنى مفيش غسول مخصص للمتزوجات او للبنات كله واحد الفرق فى طريقة الاستعمال
الغسول للبنات بتغسلى بيه منطقة فقط من برا اما المتزوجات بيقدروا يخلوا الغسول يدخل جوا ويبقى زى دش مهيلى وكدا فاهمينى ياقمر ؟؟

[هنودة هنانيدو]

السلام عليكم ورحمة الله وبركاته
ازيكم يا احلى بنات
بجد يا هنودة موضوعاتك تحفه بجد وانا متابعاها من زمان وسجلت مخصوص على المنتدى عشان اعرف اكلمك
وانا بحبك قوى بجد انتى وكل البنات اللى زى القمر هنا
ويارب تقبلونى هنا بينكم
لانى ماليش اخوات غيركم
ويارب تعتبرونى اختكم زى مانا بعتبركو اخواتى
وجزاكى الله كل خير على مساعداتك ونصايحك وجعله فى ميزان حسناتك

حبيبة اهلا بيكى منورنا ومبسوطة انك معانا وياقمر كلنا اخواتك ومعاكى ان شاء الله

[هنودة هنانيدو]

نودي حبيبتي ماشاء الله عليكي انا معاكي ف كل كلمة قولتيها
فعلا والله زوجك هيتعود ع شعرك مفرود
وبعد ال6 شهور
هيتصدم ونفسيتك هتتعب اكتر
ربنا يبارك فيكي يانودي يارب

كنت عايزة اسألك ع الفوط التركي اللي بتستخدميها
وبرايفيت الاقيهم فين؟ف الصيدليات عادي ولا ف كارفور؟ أصلي بصراحة أول مرة اسمع عنهم
وجزاكي الله خيرا حبيبة قلبي
ربنا مايحرمني منك ابدااااااااااااااااا

فوط برايفت او جولى موجودة ايوة فى كارفور بس مش كل الصيدليات موجودة فيها خليكى فى كارفور

[هنودة هنانيدو]

موضوعك عن الشعر حلو اوي هنوده والكل محتاجه
انا مشكلتي ان شعري الحمد لله ناعم بس خفيف ومش عارفه اعمل ايه عشان يتقل عاوزاه يتقل شويه هو دلوقتي لو عملتو ديل حصان بيكون عرضه زي عرض اصبعين جمب بعض يعني خفيف خالص اعمل ايه دلوقتي؟
والمشكله الاكبر ان خطيبي مش بيحب الشعر الخفيف بيحب الشعر يكون تقيل لما سالني عن شعري خفيف ولا تقيل وقلتله خفيف اضايق اعمل ايه في مشكلتي؟

روزى ياقمر اللى اعرفه بيتقل الشعر فعلا النخاع يعنى بنات اصحابى جربوه وحتى جربوه على اطفالهم عشان شعرهم خفيف وماشاء الله جاب نتيجة
انتى بتجيبى نخاع وتحطى عليه زيوت مغذية زى زيتون او خروع وتعمليه مرة فى الاسبوع وان شاء الله استمرى حيجيب نتيجة وبردو بيبقى فى فيتامين مغذية للشعر بس الافضل دكتور يقولك عليها

[هنودة هنانيدو]

هنوودة كلامك صح مليون فى الميه
الفرد ده علاج لمشكله بمصيبه والله بنت اختى عملت فرد
لشعرها وقولتلها لا مسمعتش كلامى ومش هقولك دلوقتى منظر شعرها
ايه ...وهتبدأ تستخدم الزيوت الطبيعيه من الاول بقى
بالمناسبة يا هنودة سمعتى عن زيت الزيوت السبع للشعر ؟

سبع زيوت انا اللى اعرفه اللى هو بتاع صانسليك عبارة عن سبع زيوت ثوم وجرجير وزيتون وجوز العند وزيوت تانية وانتى اصلا ممكن تعمليهم بنفسك يعنى بتجيبى الزيوت ديه وتخلطيها مع بعض وتتعمل حمام زيت مرة فى الاسبوع ..

هى مجرد زيوت معروفة بتاعة الشعر بس مجمعة فى علبة واحدة

[هنودة هنانيدو]

السلام عليكم ورحمة الله وبركاته

كيفك ياهنوده ؟ حبيبتي مشكورة لأنك قبلتي عزومتي ..ويارب تحقق أمنياتك وتفرحي ..

وأنا بصراحة يا بنات "أحبكم كلكم في الله " وارتحت لكم وأعجبني تعاونكم , وأعجبتني مساعدتكم لبعض حسيت من جد إنكم أخوات وياليت أكون أخت لكم كمان,,
راح أبدأ معاكم بأول مشكلة (الله يبعد عنا المشاكل كلها ) وياليت تساعدوني لأني من جد تعبت وأبغى أتخلص منها ..

شعر حواجبي مرة خفيف وقليل لدرجة إني مستحيل أقابل أحد إذا مارسمتها,,الكل إذارسمتها تعجبه ويسألني هل انتي منمصتها ؟؟ أعوذ بالله .. الله لويدرون إني أعاني.. لأنه مافي شيء أحسن من الطبيعي .. وأنا بطبعي ما أحط ميكب إلا في المناسبات.. إلا حواجبي لازم أرسمها بشكل يومي ..
أنا خايفة من المشكلة ذي بعد الجواز فهمتووووووووووووووني..
قلت بستعمل زيت الخروع لكن ماعرفت كيف استخدمه و خفت يسيح ويطلع شعر في أماكن غير مرغوب فيها , , ويصير بدل المشكلة مشكلتين ..
الله يسعدكم سااااعدوني بجد مليت .. منتظرتكم..

ازيك حبيبتى ؟؟
بصى اللى مناسب فعلا زيت الخروع لانه بيتقل الشعر وحتى دكتور جلدية كان قايل انه بيفيد لاماكن اللى شعر فيها خفيف زى مقدمة فروة الراس فاكيد ان شاء الله حيبقى مناسب للحواجب ويتقلها بس استمرى يعنى مش اقل من شهر عشان تلاقى نتجة حلوة انتى معلش اصبرى وبعد فترة حتلاقى نتيجة كويسة ولو لاقدر الله حصل ان نتيجة مش عجبتك الافضل فعلا تروحى دكتور جلدية عشان متتعبيش نمن كتر خلطات