تجمع فريق العزيمه لنزول 30 كيلو خلال 3 شهور الجزء التاسع

[أم عمر توتى]

صباح الخير يا صيف بلا شمس شكلى انا وليدى هنقر عليكى ربنا يقويكى وتحافظى على الالتزام فى الرجيم
كل عام وانتم بخير وكل اهل المدينة المنورة بخير وسلام على فكرة انا من وانا عندى ثلاث سنوات وانا كنت عايشة فى الطائف ( عروس المصايف ) كما يقال عليها عنها فى السعودية ورحت المدينة المنورة كتير مع بابا وماما واخواتى وبصراحة اطيب ناس احنا اتعاملنا معاهم فى الدنيا والناس تشهد لكم بذلك وان شاء الله ربنا يكرمنى واروح وازور المدينة ومسجد النبوى الشريف

[أم عمر توتى]

بنات انا دكتورة التغذية كتبتلى دواء يسد الشهيه ويزيد من حرق الدهون
الدواء اسمه سليماكس slimax
يا ترى حد منكم سمع عن الدوا ده او جربه او جرب اى دوا يسد الشهيه
اللى يعرف حاجه عنه يقولى انا بصراحه متردده انى اخده وخايفه
سمعت ان الادويه اللى بتسد الشهيه غلط ومضرة بالصحه
يا ريت اللى يعرف اى معلومه يفيدنى

صباح الخير يا مولاتى اخبارك اية واخبار الرجيم معاكى ربنا يقويكى ويعينك
انا الدكتور بتاعى كتب لى على دواء اسمة سيبوترم 15 بيسد الشهية دة كويس وعموما كل ادوية التخسيس اللى بتسد الشهية بتسبب صداع خفيف اما بخصوص العصبية دة دائما بتيجى لاى حد بيعمل رجيم ودة حاجة طبيعية
وربنا معاكى ومع الجميع يارب للوصول لحلم كل واحدة فينا

[أم عمر توتى]

ام عني انا

فانا سلمى من القاهره عمري 27 سنه ومتزوجه من 4 سنين الا 4 شهور وعندي ادهم ربنا يخليهولي ومش بشتغل حاليا رم اني كنت بشتغل في مجالات كتيره قبل الزواج

بس ادهم وابو ادهم والبيت خلالالالالالاص خلوني البقره الحلوب

بس ان شاء الله هنبقى كلنا مانيكاناتمن تاني

اذيك يا ام ملك وادهم انا برضو كنت بشغل قبل الزواج وبعد الزواج اصبحت ربة منزل وبعد الولادة بقيت بطة منزل يعنى الحال من بعضة ويارب نرجع زى زمان ياااااااااااااااااااااااااارب

[أم عمر توتى]

ربنا يديم الأخوة و المحبة فيالله بينكم
و إن شاء الله توصلو للوزن المثالي قريبا
أذكر نفسي و اياكم بكثرة التكبير و التسبيح و بصيام يوم عرفة الخميس إن شاء الله

السلام عليكم يا اخت ام عبد الله ربنا يكرمك على تزكيرك لنا ومعليش السنة دى مليش نصيب اصوم يوم عرفة وللاسف دة تانى سنة على التوالى مقدرش اصوم فيها قدر الله وما شاء فعلوكل عام وانت بخير

[ليدي من مصر]

صباح الخير يا بنات
انا عرفت اجمع الأسماء بس اللي في الجزء ده بس

أم ملك و أدهم
ربي كريم
ام هاجر2000
ام المجد والمها
نور هدى 7
صيف بلا شمس
fofo18
مولاتى
7awa
اثينا
hala510
أم عمر توتى
Boah
2 سوسنة
كان في ناس في الاجزاء اللي قبل كده بس مش عارفه هما فين ؟؟؟

[ليدي من مصر]

ياللا كل سنه و انت طيبين و السنة الجايه نكون علي عرفات ان شاء الله ...
طبعا العيد فرحة و مش ها نعمل فيه ريجيم ... أول يوم مامتي و تاني يوم حماتي و تالت يوم خروج .. بس أنا هابدأ من يوم الثلاثاء ان شاء الله يوم 1/12/2009 .. خدوا التاريخ ده و انا هآخد عهد علي نفسي ان بعد 3 شهور هاكون وصلت عالم الستينات ان شاء الله او علي الأقل اوائل السبعينات علشان طولي ...بصوا الريجيم اللي هابدأ فيه ده لدكتور تغذية و
الفطار اليومي
1 – كوب شاي بالحليب + 1 بيضة مسلوقة + قطعة جبن قريش
2 – 2 ملاعق فول بالليمون + 1 ملعقة زيت ذرة + ربع رغيف + شاي بالحليب
3 – كوب شاي بالحليب + 1 بيضة مسلوقة + ربع رغيف

الغداء اليومي :
1 – طبق سلطة + طبق خضار + ربع فرخة + تفاحة
2 - طبق سلطة + 2 ملاعق فول بالليمون + ربع رغيف + 1 برتقال
3 - طبق سلطة + 2 سمك مشوي + 2 ملاعق أرز مسلوق + شريحة بطيخ أو برتقال

العشاء اليومي
1 - 1 بيضة مسلوقة + قطعة جبن قريش + ربع رغيف
2 – كوب زبادي + بيضة مسلوقة + ربع رغيف

[اثينا]

كل البنات الحلوين
كل عام وانتوا بالف خير وصحه وعافيه يارب
اولا اسفه على قله دخولي ولكن هذا بس لاني مشغوله
وبالنسبه للريجيم أكيد انه مستحيل فالعيد لانه كل يوم خروج وزيارات بس بأذن الله انا مع حبيبتي ليدي وان شاء الله تكون بدايه الالتزام ان شاء الله الثلاثاء
اشوفكم على الف الف خير
حبيبتي ربى كل عام وانتي بالف خير غاليتي

[ام المجد والمها]

دبدوباتي حبيباتي مانيكانات المستقبل ان شاء الله
كل سنه وانتم بالف صحه وعافيه يارب ،،، وانا معاكم في اللخبطه لحد يوم الاثنين اللي جاي بمناسبة العيد والالتزام التام بعده ،، لاني لحد النهارده ماسكه نفسي بالعافيه وبستنا يوم العيد بفارغ الصبر ،،،نفسي قوي قوي في حتة بيتزا . ويومياتي امبارح اكلت صحن صغير لوبيا ،، علشان طنت طبختها مع رز لجوزي والاولاد ،، فاخدت منها طبق صغير مع انه عارفه انه دي غلط بس ريحتها الحلوة معرفتش اقاومها .وفي السحور اخدت زبادي وتفاحه.

بنات قريت موضوع في الركن عن وصفة لثوم وبقدونس تغليهم وتشربيهم والبنت بتشكر في الوصفة بشكل مشجع فحجربها بعون الله مع يوم الاثنين اللي جاي ونشوف .

[* نور هدى *]

يابنات نفسيتي في الحضيض حابة أتابع معكن ومو قادرة
إرادتي كتير ضعيفة
دلوني على حل رجاء
ساعدوني
الله يخليكم

[مولاتى]

صباح الخير يا مولاتى اخبارك اية واخبار الرجيم معاكى ربنا يقويكى ويعينك
انا الدكتور بتاعى كتب لى على دواء اسمة سيبوترم 15 بيسد الشهية دة كويس وعموما كل ادوية التخسيس اللى بتسد الشهية بتسبب صداع خفيف اما بخصوص العصبية دة دائما بتيجى لاى حد بيعمل رجيم ودة حاجة طبيعية
وربنا معاكى ومع الجميع يارب للوصول لحلم كل واحدة فينا

مساء الخير يا أم عمر توتى
ازيك يا حبيبتى اخبارك ايه مع الريجيم
الدكتورة فعلا قالتلى ان الدواء ده ممكن يسبب أرق وعصبية انا اشتريته بس مش عارفه ليه خايفه اخده
كمان انا اليومين دول صايمه خايفه اخده وانا صايمه فيعملى صداع وارق فى الصيام
ان شاء الله اخده بعد ما اخلص صيام يعنى ممكن ابدأ اخده بعد العيد وبعد اللخبطه اللى هتحصل فى العيد علشان الواحد يعيد براحته
جزاكى الله كل خير على الرد وان شاء الله كلنا نوصل لهدفنا فى الرشاقه