اه ياسمسمة
فكرتينى باصعب و امر ايام حياتى
بصراحة كنت اتمنى اموت قبل اليوم دة لكن الحمدلله على كل حال
انا بعد الولادة مباشرة كنت مبسوطة جدا لانى كنت فاكرة انى هشوف حبيب قلبى الغالى اللى استنيتة سنة كاملة من يوم جوازى و انا كنت بحلم بيوم الولادة
لكن للاسف صحيت من البنج على كلمة تشوهات و بعد الحاح الدكتور قالى البيبى فى الحضانة بس ماكنتش مصدقة كنت حاسة ان جوزى مخبى عليا حاجة تصورت ان البيبى عندة اعاقة كبيرة
و تانى يوم بعد الحاح على جوزى قالى ان البيبى مات و فعلا كان عندة عيب خلقى فى الكلى و هو دة كان السبب الحقيقى لنقص السوائل و الذى لم يذكرة طبيب السونار الرباعى منة لله و نقص السوائل دة عمل تشوهات فى اطراف البيبى الله يرحمة
من ساعتها و انا عايشة فى اكتئاب فظيع و بكاء لا ينتهى
مابصدق جوزى يخرج و استفرد بنفسى ...لكن اليومين دول الحمدلله الاكتئاب اقل شوية علشان احافظ على البنوتة اللى فى بطنى
ربنا يستر و ماشفش اللحظة دى تانى و لا انا و لا اى حد ابدا
الروابط المفضلة