ياحبايبي اول موضوع لي ردن علي ولاتفشلني يالله يالعزابيات حياااكن

[طـــيـــــف]

السلام عليكم ورحمة الله وبركاته

ما شاالله عليج دارينو من كم يوم ادش المنتدى واشوف مشاركاتج فكل مكان

ولا عشان الاجازه بعدها ما خلصت

يلا يعطيج العافيه

[دارينو الحلوة]

هلااااااااااااا
طيف
ههههههههههههههههههههههههههههههههههههههههه
والله والله انج اشطر بنت
تدرين والله كنت غايبه
ورفيجاتي دقوا علي يهددوني يقولون والله تنفصلين اذا ماداومتي
<<<<<<<< تعبت من الانذارات بس والله شكلي بداوم سهرانه عشانكم يالغاليين

وبعددين
ليش جذي
انا حاطه موضوع عطوني رده فعل
لاتخربون تكفون بجد بشوف رده الفعل
يلا اعقلن واكتبن رايكن
خخخخخخخخخخخخخخخخخ غصب تبي الناس تشارك
دارينوووووووووو

[طـــيـــــف]

الموضوع وايد حلو بس المفروض الريال يشوف البنت قبل الخطبه عشان ما ينصدم بعدين
اما عني انا بنتظر يوم الخميس عادي بطلع له وانا مستحيه اكيد بعجبه طبعا بدون غرور بس لو اهو ما عجبني بقوله الله معاك وبس

[ماء القمر]

لا دارينو المقرود اللي بياخذني مابعد جاني

يعني ماصار لي هالموقف

بس برد عليك لاني اللحين مشغوله

شلااااااام

[مرارة البحر]

المفروض الرجل يشوف البنت اللي بيخطبها..بشرطين..
والشرطين هذي من حديث الرسول اللهم صلي وسلم عليه..لواحد من الصحابة:
1- ماتكون عارفه انه بيشوفها.......(( بس طبعاً لازم يتفق مع اخوها مثلاً...عشان ماتكون بوضع مزري ))
2- ينظر لموضع النظر فقط...الوجه والكفين..فقطططط
وطبعاً هي لازم تشوفه..مو صعبه عليها!!تقدر بطريقتها....ياكثر الشبابيك
بالله كيف تبغيني اطلع بزينتي لواحد كذا..بدون مقدمات...وكمان قبل لا اوافق؟؟؟؟؟؟ وافرضي ما عجبني وما عجبته وتورطت؟؟
افضل انه يشوفني بدون لا ادري..وبعدين ان عجبته كان بها وان ما عجبته الحمد لله..لا تنفسخ خطوبة ولا ينتشر الحكي بين الناس(( تركها لمن شافها..مع انها متزينة عالآخر!!!!!))
الحمدلله على نعمة الإســــــــــلام

[غفرانك]

يا بنات اظن ان الرؤية واضحة . والدين واضح من هالناحية .
بس الحين نبي نعرف كل واحدة شنو راح تسوي بهاليومين يعني بتنام بتسهر شالي تفكر فيه
شنو بتلبس وشنو بتحط يعني القصد من الموضوع الانشطة اليومية هههههه صار مهرجان .

طبعا الي مارح يشوفها الخاطب بسبة التقاليد فاكيد امه تبي تشوف العروس وتختبرها وتكلمها ونتشع شعرها هههه


يالله بنات وينكم يعني الحين كلكم متزوجات ؟؟

[دانةالكويت]

هههه حلوة منج دارينو بس وينج صار الموقف وخلصنا ....

الله وكيلج من الخرعة طول اليوم وانا ماسكة السيادة واصلي استخارة ولما خلصت بديت ازهب اسئلة التحقيق مو تدرين اختج نسرة لازم تطفش الريال اي وحتى اختبارات نفسية زهبتلي منها خير ......... ولما صار اليوم الموعود انربط الساني ولاقلت ولا كلمة ولا حرف ....... حتى كان يسألني تبين تسألين عن شي ؟؟ وانا اخز الوالدة وأأشر لها بطلععععععععععععع ماني قاعده ههههههه ......

حسبت انها راحت علي ماطفش الريال قمت وعطيت ابوي الأسئلة وقلت له تكفى يبا اقعد معاه اسأل عنه عدل وسأله هالاسئلة ترى وايد مهم اعرف رايه بهالاشياء .... وطبعا الوالد زفني قال شنو انا بمسك محضر وبسأله ؟؟؟؟؟ بس ما قصر سأله لين تعب الريال ونجح بالامتحان ..... وماطفش !!!!!!!

[صمت الصحاري]

موضوعك حلو مرره لكن قبل لاشارك فيه ابي اقولك نصيحه من كل قلبي لاتتزوجين قبل لاتشوفينه ويشوفك طبعا راح تقولين صعبه وانا مثلك عندنا صعبه لكن مستقبلي وحياتي لازم اكون حريصه عليها يعني انا جربت اول مره طبعا عن طريق الأهل والنتيجه طلاق بعد شهرين .....
طبعا اذا جاء اليوم هذا اول شئ استخير وبعدين اكون طبيعيه مره وعاديه مره
واذا شافني ماراح احط مكياج ولا شئ ولبسي عادي جدا شئ بسيط اذا اعجبته والا بالطقاق من اولها احسن وطبعا دامك مستخيره ماراح تندمي

[حبة الفراولة]

اهلين دارينو الحلوة العسل
يارب الله يسعد بختك ويوفقك الى ابن الحلال الي يريحك وتريحينه قولوا امين يارب العالمين
والله اني اشعر بك طيبة وبنت حلال وما أسعد بخت الي راح تكوني من حظه ونصيبه أكيد راح يكون مستانس ومرح طول العمر مادام انت بجانبه
بالنسبة لي متزوجة من زمان بس نصيحتي لك ان تصلي ركعتان صلاة الاستخارة اول شيئ وبعدها يوم الي راح تشوفينه اقترح ان تكوني بشكلك الطبيعي الاعتيادي مع بعض الرتوش البسيطة فقط لاغير حتى يشوفك على حقيقتك واذا عجبتيه الخير واهله واذا لا فهو الخسران اكيد ومعناها ماكو قسمة وخيرها بغيرها
والله يوفقك ويسعدك يارب انت وكل الاخوات في المنتدى

[النجمه اللامعه]

اول اختي ايمان الله سبحانه وتعالى يسخر الموده بين الخاطبين لما يشوفون بعضهم اول مره
واذا ما في مودة بينهم يقدرون ينسحبون بهدوء من بعض
وهذا الاحسن لكلاهما
بس عاد شنقول لاهلنا هذه عادة عندهم من زمان وما راح يتخلون عنها
بس عندنا ام الخاطب تكون اكيد شايفه العروس وتقول لابنها شكلها
والعروس تقدر تشوفه مثل ما قالت اختيnew moon يا كثر الشبابك
اما انهم يتعروفون على بعضهم فهذا عندنا بعد الزواج
اختي ايمان انا ما ني معترضه على ان الخاطب يشوف خطبيته بالعكس انا مع هذا الشي