اللي تبي تتذكر أيام الصبا والوجع تدخل هع هع

[مرارة البحر]

وعليكم السلااااااااااام ورحمة الله وبركاته....
حيا الله بقايا همس..وينك؟؟!!

موضوعك مرة حلو..وموتوني ضحك..
بس جاية عالسريع بقول للناس اللي عطلت ترى فيه اختراع أسهل من الفناجين اللي تنور..
فيه فناجين شفافة يا أذكياء...

لي رجعة بإذن الله..الموضوع يبغاله قعدة

[بسمة فرح]

سجايا

اللي يسمع يقول الضيوف يقعدوا 24 ساعة

قلت لك بنات اخر زمــــــن دلــــع

====
<<---رجعت للهواش
كأنه أحد جالس يتكلم فيني

بس جاية عالسريع بقول للناس اللي عطلت ترى فيه اختراع أسهل من الفناجين اللي تنور..
فيه فناجين شفافة يا أذكياء...

يا عمررررري كل هذا ضايق صدرك إننا معطلين.. وإنتِ كرف
جميل إن تخرج..تجلس عالنت..توسع صدرك..بإختصار تسوي الي تبي والناس الي حوولك يكرفون [هذا كان مسج ارسلته لصديقاتي يوم عطلت قبلهم ...اعرف نجسه ! ]
بالنسبه للفناجيل الشفافه .. بصراحه هذي مهب حلووه..شكلها ما عجبني..
بعدين حنا نبيها تنور عشان المدام الي زايرتنا اذا تبي ثاني تنور واذا ما تبي تحطه جمها .. ازين من انك تنقزين بحمااااااااس.. ياخاله الفنجال..!
لا يابنيتي مشكوووره
وانا امووووت غيض وعصبيه ...
يله نيووووووومون على المذاكره يا حبيبتي

[أكـــابـر]

والله معاناة صب القهووووووه

تدرون ولا عمري صبيت بس اللحين عق بماتزوجوا كل خواتي شكل بتطيح على رراسي
والله جد ابي كورس في صب القهوه

من نبدا فيه
واذا كانت الضيفه امي اكبر منها من اعطي؟؟؟؟



والله مالقاها الا المصريين يصبون بكيسان ويدورون فيها على الحريم وقضت المساله

[الغزيل]

هلا والله وغلا ببقايا همس
وانا اقول طالع لي منافسين في السوق (( سرووووبه بالاحتفالات وبقبق في الكلام ))
تسلميلي ببق على هالموضوع الحلووووو والمهم بنفس الوقت
ok راح نبدأ بالرد على بركة الله ...

ليش لاجونا ضيوف لازم نصب لهم قهوة ؟؟؟؟
لانها عادات وتقاليد وعاد تعرفينا والكرم الحاتمي
ولانك لو ماعملتي قهوة صارت سيرتك على كل لسان ...وإبئي آبليني لو اتقوزتي
وبعدين حبيبتي هم مايجونك الايبون القهوة والهذرة والسواليف والا ليش جوا ؟؟؟؟
وبيني وبينك و بصرااااحه شديده أوي انا متعقدة من هالسالفه عقدة كبيييييرة
والا لما تقول امي فيه حريم بالعصر والا بعد المغرب عاد تبدا الحاله ومايجيني نوم واتعقد وودي اني اسوي قهوة تكفي لعشرة ايام في يوم واحد
والادهى والامر من ذلك اذا جونا حريم يحبون القهوة ويبونها بمواصفات محددة وطعمها كذا وووووو ومن هالكلام اللي يرفع الضغط
والا كمان الرجال ماشاء الله عليهم <<< تصدقون كنت احسب انهم مايحبون القهوة مثل ابوي طلعوا مدمنييييييييين ولازم من القهوة وملحقاتها
ياليتهم يحبون الشاهي كثر حبهم للقهوة sid
بقبق خلوني اقولكم على موقف صار مع اختي الصغيرة <<< طبعا دلع بنات هم متكلين علي لاني الكبيرة وماخذين السالفه حلا كل ماجت حرمه الا وغزووووله مسنترة عندها في المجلس <<< يابنتي اقلبي وجهك وخلينا نشوف باقي العائله ...
نرجع للموقف همن اكملكم
جات اختي تبي تسوي نفسها كبيرة وقد المسؤليه وقامت تصب القهوة عاد مسكت الدله باليمين والفناجيل باليسار وقامت تصب وفرحانه بنفسها ولمن وصلت عند جدتي هزأتها على الحركة ومن الربكة والاحراج صبت اختي القهوة على جدتي <<< فشله بقوووووووة لكن هذي ضريبة الاحراج قدام الحريم وصاروجهها علبة الوان وحمدت ربي اني ماني بهالموقف والا كنت بكيييييت من قلب ..
ونرجع مرة ثانية للمعاناة (( خليني اطلع اللي بقلبي )) تصدقون لما يجون الحريم قبل الوعد اعقد اتفاقيه مع العائله مين اول وحده بتدخل ومين اللي بتصب ومين اللي بتحضر وين اللي بتدور بالبخور والعطر وطبعا كللللللها تطب في رااااااسي وآآآآآآآآآه ياراسي من هالتعب
والا لمن تقولون تفضلوا للعشا تجلس كل وحده تناظر بالثانيه وتحلف عليها تقوم قبل وهكذا ......

تعالوا هنا اقولكم على تصرفي في مثل هالمواقف ....


اول شي اذا جونا الحريم اروح البس واتكشخ همن اروح للمطبخ واجهز كل المتطلبات الضروريه لدخول المعركة في ساحة الصب والتوزيع
بعدين اروح افتح الباب ثمن ارحب فيهن وادخلهن بالمجلس وذلك بمساعدة امي حبيبتي والاكنت رحت فيها من الاحراج
وبعدين طيران على المطبخ بعد تلقي اشارة من الوالدة بقولها : وين القهوة ياغزووووله
واطير عالمطبخ واجيب القهوة واناظر في امي وهي تعطيني الاوامر بالنظر وانا افهمها عالسريع واروح لاكبر وحده واجيب لكم من هالكلام المعسول واهلين ياخاله وش اخبارك وحيا الله من جانا واسفرت وانورت <<< اامن للمستقبل يمكن الاقي لي ابن حلال ينتشلني من هالوظيفة القشرا
وبعدين اروح للثانيه وهكذا وبعدييييييييييين انزل القهوة بجنب الوالدة الله يحفظها واقضب الباب ومايشوفوني الا وانا داخله عليهم بحبيبي الشاهي بعد اخذ فترة راحة واستجمام
وطبعا خلال هالطله البهيه اقلب نظري فيهم وحده وحده ..... خوفا من الزيادة لا النقصان ولما تزيد وحده انقض عليها وابوس فيها وتراااحيب ومن هالنوع وانزل الشاهي واستلم في القهوة وفنجال رايح وفنجال جاي همن استلم بالشاهي وماهي الا دقايق وعينك ماتشوف الا اخر قطرة
وروووووحي ياغزووووله جيبي قهوة من جديد وشاهي ولا تقولون ماعندهن عيال وبيوت وازواج ماشاء الله عليهم من تطلع الوحده من بيتها ماودها ترجع له ...

وهذا كله وانا رايحه فيها وذاااااايبه خجل وخدودي حمرا وحالتي حاله

وينتهي الموقف بسلام احيانا واحيانا كثييييرة لابد من الاحراج والتنكيد ويصل الامر في بعض الاحيان الى الدموووووووع من القهر والطفش ولا تقولون آآآآله الله المستعان ..

غثيتكم بالهذرة والكلام الكثير لكن للمرة المليووووون اقولها غزوووووله وتعرفوني انا ولساني



..........

بسووووومه تسلملي هالافكار يالغلا فنجان ينوووور ...هههههههه روووووووعه

بقبق تسلمي حبيبتي ولا اروع من هيك كلام وسواليف الله يسعدكم حبيبااااااتي ...

[بقايا همس]

الليدي عمشة
هلاااااا والله وغلاااااا
ان شاء الله هالضحكه دووووووم يارب

لا ونسيتي شغلة وقت مايجوا الحريم تزداد الطلبات ضعف دوبك تبي تجلسي الا والله يعافيها الوالدة او الخالة قومي جيبي لفلانة ماي وترجعي وقومي جيبي منديل للثانية والادهى والامر اذا بغت تخدم نفسها صاحوا فيها لالالالالالالالالالالالالالالالالالالالالالا عنك خلي البنت تقوم>>>>>>>>ليش حمار

ههههههههههاااااااااااااااي الله يسعدك ياشيخه على هيك رد قسم بالله حاله يبي لكل بنت إذا شافت

حرمه محتاجه شغله تقضب الباب قبل لا أمها تدبسها فيها خخخخ

انا معاناتي كمان مو بس القهوة الا العزاء اذا رحت اعزي ما اعرف الا اسعزي اهل الميت مو كل اللي فالغرفة وعاد اخواتي يتفلسفوا علي سلمي عليهم كلهم والله لايوريك انواع الفشايل تخلي تكرري كم مرة ورا بعض عوم الله اجرك , عزم الله اجرك لين مرة وصلت عند وحدة والله مع كثرهم وكثر ماكررتها قلت لها جزاك الله خير طالعت فيني

كخخخخخخ جد والله تصير وياكثر ماصارت معي وإلا إذا كان عيد والعالم واجد

تصيرين تكررين نفس كلامهم الله المستعان

حياااااااك عمشة سعييييييييده بطلتك يالغلااااااا ...





ســــراب الليل
هلااااااااا والله وغلااااااا بسروووبه

الحمد لله انا كنت مفتكة من الصب لاني ما احب ادخل على الحريم وتقوم اختي الاصغر مني وتصب القهوة وتبتلش بها

خخخ اي والله يحق لك تحمدين ربك الليل والنهار على هالأخت اللي انا شخصياً حاسه بمعاناتها
بس تصدقين عاد انه من كثر مانصبها ادمنا على صبها

وعلى قولتك الحين كبرنا وتزوجنا وغصب عننا انا نصبها ولا محد بداق بيباننا ..

انا مشكلتي مع القهوة مو في الصب لا مشكلتي اذا رحت لاحد اقاربنا يلزموون علي في القهوة والشاااي اقووول خلاص ما بي يقولون الا اشربي تخيلوا اشرب القهوة غصب وانا ما احبها يعني يالله اشرب فنجال ولا اثنين لا والشاهي يقدمونه لي احيانا في بيالات كبيرة ويلزمون علي اشرب بيالة ثانية وثالثة

خخخخخ هاذي يسمونها حفاوه هع هع تدرين ليش لأنك غاليه عليهم بس هالعاده ترى عند
الناس الكبار مو الجيل الداج خخخخ.....

سعيييييييييده بطلتك سروووووبه ....





سجــايا
هلااااااا والله بسجسج خخخ <<< تدلعك

اللي يسمع يقول الضيوف يقعدوا 24 ساعة

هع هع هع ليتهم يجلسوا 24 ساعه وقتها ماعادوا ضيوف وبيصيروا يخدموا نفسهم بنفسهم خخخ

سعييييييييده بطلتك سجايا وياهلاااااااا والله فيك في لكِ ....





new moon
هلااااااااااا والله وغلاااااااا بالقمووووووره
الله يحييك يالغلااااااا ويسلمك انا موووجوده

بس جاية عالسريع بقول للناس اللي عطلت ترى فيه اختراع أسهل من الفناجين اللي تنور..
فيه فناجين شفافة يا أذكياء

كخخخخخخخ الله يسعدك انتي وهالناس الأذكياء <<< ما كأنها ايدت فكرتهم خخخخخ

بس ترى إلى الآن وانا مع بسووووم



تحياتي راجعه للباقين ان الله عطاني عمر

[بقايا همس]

بســـوم
خذي راحتك يالغلااااااا وإذا محتاجه مشاعده تراني جاهزه <<< تدور على الهوشات





أكـــابر
هلااااا والله

تدرون ولا عمري صبيت بس اللحين عق بماتزوجوا كل خواتي شكل بتطيح على رراسي
والله جد ابي كورس في صب القهوه

خخخخ ياعمري الدلع مايدوم بس ولا يهمك تعالي عندي وانا اخليك أحلى صبابه في الشرق الأوسط

من نبدا فيه
واذا كانت الضيفه امي اكبر منها من اعطي؟؟؟؟

ههههههه اسمعي يالغلااااا إذا المجلس مليان ابدأي من اليمين وإذا مافيه غير حرمتين والوالده
عطي الوالده اول وبعدين عطي اليمنى ثم التاليه خخخخ وإذا كان المجلس فيه اكبر من الوالده
مثل جدتك عطيها قبل الوالده لأنه إذا عطيتي الوالده وجدتك جالسه بتصرخ عليك الوالده وتقول
عمى يعميك عطي جدتك اول خخخخخ دايم اشوف الأمهات يسوون كذا لأنه ولله الحمد مالحقت
على جدتي
هاااااه اكابر وش رايك عرفتي الحين ولا يبيلك زياده أقول إذا ماعرفتي ترى غزوله شاطره خخخ
هي اللي بتنفع بالشرح ..

وياهلااااااا والله وسعيده بطلتك ....






الغــــزيل
هلاااااااا والله بغزوله يالله انك تحييها ،، ياطول ردك يالغلااااااا من شفته وانا شايلتن همه خخخخ
وياحلوه من رد .. ولا يهمك يالغلااااا نبي نجيب قهوه ونسولف ونرد لين يخلص خخخ

وانا اقول طالع لي منافسين في السوق (( سرووووبه بالاحتفالات وبقبق في الكلام ))

كخخخخ الله يرجك ياشيخه طال عمرك بقبق من الله خلقها وهي كثيرة هذره

ولانك لو ماعملتي قهوة صارت سيرتك على كل لسان ...وإبئي آبليني لو اتقوزتي

خخخ والله انك صادقه بتصير سيرتك على كل لسان أما اتقوز فلله الحمد اتقوزت من زمان
الدور عليكم يالعزابيات الله الله فالتميلح عند العجز خخخخخ هم اللي بيشفعون لكم والسبب صب القهوه هع هع ... الله يسعدك ضحكتيني ..

والادهى والامر من ذلك اذا جونا حريم يحبون القهوة ويبونها بمواصفات محددة وطعمها كذا وووووو ومن هالكلام اللي يرفع الضغط

ياالله حتى انتوا عندكم هالحاله في تنوع القهوه والبهارات مدري وش اسمها
تصدقين عاد انه مايفقع قلبي غير هالنوعيه من الحريم إذا جوا وقالت الوالده فلانه ترى
ماتشرب القهوه الفلانيه وفلانه ماتشرب شاي حالي وفلانه الخ والله معاناة ..

جات اختي تبي تسوي نفسها كبيرة وقد المسؤليه وقامت تصب القهوة عاد مسكت الدله باليمين والفناجيل باليسار وقامت تصب وفرحانه بنفسها ولمن وصلت عند جدتي هزأتها على الحركة ومن الربكة والاحراج صبت اختي القهوة على جدتي

هههههههههههههاااااااااي الله يسعدها والله انها عرفت تتصرف هالبنت اجل ليش تحرجها
عند الحريم بس من جد بردت قلبها .. والله انا اول ماصبيت القهوه كنت رفله وحالتي
لله وإذا تعبت يدي اليمنى بدلتها باليسرى خخخخخ وهات يانظرات أشمئزاز من بعض الحريم خخخ
بس ماهمني اهم شيء اريح يدي

الله يعينك يالغلاااااااا والله حاله بس مانقول غير الله لا يضيع لنا اجر يحفظ لنا اميماتنا يمونون على ارقابنا <<< لا ياشيخه هذا اللي الله قدرك عليه !

######

[سراب الليل]

امولة





سرقة عيني عينك




تبين تسرقين غزولة منا sid

[غناتي2002]

الله يسعدك يابقايا همس على موضوعك الحلوو ... ضحكتوني مرررره
ومواقفكم حلوه يابنات هههههه






تبغي تسرقي غزوله من هون

دا بُعدك يا بقبق

انا رايحه اجمع شلة التطقيم يسوو احتجاجات <<<<استشرت

[عزيزه بإسلامي]

أهلا أختي ( بقايا همس ) ،

احنا طريقتنا غير ومختلفه عنكم ،

أول ماندخل بالعصير ،

وبعدين الشاي ،

وبعدين القهوه ،


بالنسبه لي ما أ شرب شاي وأموت بالقهوه ( يلا رحتي فيها بزورك وقهويني عاد آنا ما خلص )،

إذا زرت أهلنا أوأحد أمون عليه ، أصب القهوه باستكانه وأقول لصاحبة البيت

حطي الدله يمي علشان لا أأذيك وأنا بصب ، وألحين من أزور أحد بدون مقدمات يصبون لي

باستكانه ، لا وبعد إللي معاي وخوالي واخواني قاموا يقلدوني ، إذا بصب لهم القهوه قالوا:

صبي باستكانه .......

وإذا زرت أحد أعتبر نفسي موضيفه ولا أطلب منهم أن يصبوا لي ومرات أصب لأهلي إللي زايرين معاي حتى ما نكلف على من عزمنا ، وطبعا مايرضون ويرجعوني إلى مكاني ويضيفوني .


مرة زرنا أنا وأخواتي وصديقاتي وحده على شاي الضحى وكنا ننتظر العصير والشاي والقهوه

والمعجنات ( شنسوي ما فطرنا ، جوعانين ) ،

فقالت تفضلوا على البوفيه إللي تبي شاي أو حليب أو عصير أو أكل تاخذلها ،

والله ماصدقنا على الله إلا واحنا لزقه بالبوفيه وصبينا وأخذنا ما نبيه بصحن ورجعنا مكاننا

وإللي تبي مره ثانيه تروح للبوفيه ،
يعني اخدم نفسك بنفسك ، (( فكره وايد اعجبتني ))

[بقايا همس]

ياهلاااااا والله وغلااااا بالغاليات ..

قبل كل شيء ابي اعرف ليه **** ولا بلاها مو اول مره عموماً مشكورين و إذا بتتحكمون
في ردودنا فهذا الشيء مايرضينا ويئسفني اقول أهذه آخر مشاركاتي ..




سروووبه افاااااا عليك يالغلااااااا انا اسرق خخخخخ
يسعد قلبك يابعدهم ..


غنــاتي
هلاااااااا والله وغلاااااا بغنوووووته <<< تسمعهم يدلعونك كذا
الله يسعدك حتى انتي ياشيخه مرورك حييييييييل اسعدني
اما غزووووله شكلكم كلكم معترضين عليها

انا رايحه اجمع شلة التطقيم يسوو احتجاجات <<<<استشرت

لا تكفين انا هنا بروحي ماعندي شله على شان كذا بتنازل عن دعوتي <<< غصب عنك تتنازلين الربع شايلينها..
يسلمووووووو غلااااااتي عـ المرور اللي من جد اسعدني .....




عــزيزه بأسلامي
حتى انا والله عزيزه بأسلامي
هلااااااااا والله وغلاااااااا فيك عيوني

( يلا رحتي فيها بزورك وقهويني عاد آنا ما خلص )،

الله يحييك يالغلاااااا انتي تامرين امر <<< واثقه الأخت لأنك بتشربين في بياله على قولتك
شوفي عيوني حتا احنا إذا جونا ضيوف بنات نضيفهم بارد قبل القهوده وملحقاتها
بس احنا نتكلم عن الحريم الكبار الله يعين عليهم ..

إذا زرت أهلنا أوأحد أمون عليه ، أصب القهوه باستكانه وأقول لصاحبة البيت
حطي الدله يمي علشان لا أأذيك وأنا بصب ، وألحين من أزور أحد بدون مقدمات يصبون لي
باستكانه ، لا وبعد إللي معاي وخوالي واخواني قاموا يقلدوني ، إذا بصب لهم القهوه قالوا:
صبي باستكانه .......

خخخخخ ذكرتيني بأمي ياحبي لها تحب تشرب القهوه بابكاس الشاي بس عن اقاربها واللي تمون
عليهم لأنها مدمنة قهوه الله يحفظها اكتشفت مؤخراً اني طالعه عليها

أسعدتني طلتك غلاااااااااتي .. وياهلاااااا فيك