* * * مدارس ... مدارس ... الجزء العاشر * * *

[أودي]

الله يبارك فيك يا ام جوري جزانا واياكم اتعلمنا منك يا باشا

[kouky5]

كوكي وسادينا ونوجا ونور كي جي 1 واعتقد نشوي كي جي 1 برضه

[lara mother's]

بوصى يا اودى هى مدرسة طلائع المستقبل الانترناشونال
هى وراء نادى الصيد المعادى على طول
هى مدرسة شكلها كويس ونظيفة جدا ودخلت الحمامات نظيفة جدا جحدا بس بردو انا مش روحتها وهى فى دراسة بس بتهيقلى بتكون نظيفة
قابلنا واحد اسمة ادم وكان مقابلتة كويسة
هى بنتى راحة برى سكول المصاريف كانت 9000 بالكتب والكتب بترجع المدرسة اخر السنة
والباص 2200 مش حسب المنطقة لا كلة زى بعضة بس مش فى باص للهرم
والكجى وان وكجى 2 15000
ومن g1 لى 3 17000 وبصى بتوصل عن g12 22000
بس قاللولى ممكن المصاريف تتغير حسب الوزارة بس المصاريف من السنة اللى فاتت متغيرتش
الابلكيشن 200 جنية
انا لما اتفرجت على المدرسة قالولى كل فصل حسب المدرس بتاعة يعنى فى فصل للماس وفصل للسايسنس سعنى الطلية بيتنقلوا من فصل لفصل حسب المدرس
انا وام يس كانت قالتلى انها كويسة اوى هى راحتها بردو بس مش اعرف عنها معلومات اكتر من كدة والله

[nashwa1]

صباح الخير
مبروك الجزء العاشر ويا رب يكون نهاية المطاف
اودنى ربنا يكرمك ويباركلك ويجعل دعائك مستجاب

[زقزوقة و زقزوق]

صباح الخير عليكو جميعا

وحشتووووووووني جدا

ألف مبرووووووووووووووك على الجزء العاشر

و ربنا يوفقنا جميعا ان شاء الله

تصحيح يا أودي أنا بنتي رايحة برايمري 1 مش كي جي 1 في جينيس

[ملك حسام محمد]

السلام عليكم جميعا
الف مبرك الجزء العاشر ويارب يخلص ويكون الكل استقر ومحدش يبقى زعلان من حد

وكلنا كويسين مع بعض دائما باذن الله

نبدا الرغى فى المدارس هى الاخت لؤلؤتى اللى استقرت على سانت فاتيما

مبتدخلش ولاايه عايزة اعرف منها استقرت على اى فرع ؟؟؟؟؟؟؟؟؟؟؟؟؟؟؟؟؟؟؟؟؟

فينك يا لؤلؤتى

[lolo2ty]

مبروك عالجزء العاشر ياجماعة
ازيك يا ملك .. انا كنت رديت عليكى قبل كدة..انا ولادى رايحين كى جى 2 وبري 1 فى فرع العباسية.

[ملك حسام محمد]

معلش حصل لبس فى الاسم انا بقرا اسمك لولو
وهما كاتبين لؤلؤتى فبحسب ان فى حد تانى
معلش انا اسفة على اللبس ده
اه يا حبيبتى انتى كنتى قولتيلى انك لسة مجربتيش ابتدائى فعشان كدة انا بسال عن حد فى ابتدائى انا فاكرة انك شكرتى فيها مش كدة ؟؟؟؟؟؟؟؟؟؟؟؟؟؟

[الشذى الفواح]

مبرووووووووووووك يابنات الجزء العاشر يارب الكل يكون استفاد واللى اتنرفز وسخن يهدى واللى معجبوش المنتدى يشوفله كورنر واللى اى حاجة يعمل اللى عاوزه اى حاجة


معلش ضاربة معايا عبببببببببببببببط اصلي عاوزة انام []

[lolo2ty]

اه شكرت فى كى جى و فى ام قابلتها هناك كان ابنها فى برى1 وشكرتلى فيها بس انانسة بتقول ان بعد كدة بيبئى فيه دروس خصوصيه بس هى فرع مدينة نصر