.

.


يعني انا زي ماوعدتكم كل وصفاتي سهله وبسيطة بس للتقديم قدام الضيووووف رهيبه


احيانا الوحده مننا تحتار ايش تقدم لضيوفها وتخيلوا مافي شي بالبيت

انا بعطيك وصفات سهله وسرررررريعه

والأهم من كذا الكل شهر بيتكلم عنك وعن الأشياء اللي تميزتي فيها


المطلوب منك اكياااااس من الشيبسات اللي تحبيها


ليز

ديروتس

برنغلز

اي شي مو مهم اهم حاجه عبي ادراج المطبخ منها

التميز الحين وييين

بيكون بطريقة تقديمك الشيبسات للضيوف

ومو شرط تحطي شاي وقهوه

اي عصير

او بلو كوكتيل اللي يجي بالعلب الكبيره قدام هالصحن بيسوي جو

انا بوريكم بعض الصور للصحون اللي تتقدم فيها الشبسات مع الصوص

وان مريتي محل الأواني حطي بالك ودوري عليها وجيبيها


















الحين نجي لصوصات التغميس :


صوص ناتشو الجبنه





2 ملعقه طعام طحين

2 ملعقه طعام زبدة

كوب حليب سائل

كوب جبنة شيدر مبشوره

بهارات تاكو اذا عندك

شوي ثوم وبصل بودره

ملح ان حسيتي انه يحتاج


حطي الزبدة بالمقلاة وضيفي الطحين قلبيه لحد مايستوي بس لآيصير بني

ضيفي الحليب واخلطي زييين بعدها حطي الجبن واخلطيه

رشي البهارات اللي قلت عنها وخليه شوي على النار لحد مايمتزج ويثقل

قدميه مع اي نوع شيبس




الصوص المكسيكي الحار





صلصة البيتزا الجاهزه

او نتي اطحني طماط وضيفي الثوم والبهارات اللي تبينها

خليها حاره افضل او على حسب رغبتك

ضيفي قطعة جبن شيدر اواي نوع موجود عندك

دخلي الصحن بالميكروويف لحد ماتذوب الجبنه

او حطيها على النار وحركي لييين ماتمتزج مع بعض




صوص الفاصوليا البيضاء





حطي بمقلآة شوي زيت زيتون

ضيفي عليه فص ثوم حركيه لحد مايشقر

رشي عليه ميرميه واكليل الجبل

صفي علبة الفاصوليا من الماء

ضيفيها على الخلطه وحركيه زين

حطي الصوص بالخلاط واخلطيه

رشي على الوجه شوي زيت زيتون



صوص الجبن بفلفل الهلآبينو




اخلطي جبنة كريميه اي نوع يفضل تكون مثل جبنة الكيري

مع مايونيز بالمقدار اللي تحبيه انتي وذوقك

شوي زيت زيتون

افرمي الفلفل معاهم او استغني عنه بكيفك

بعد الخلط ادهني صينيه صغيره بزيت زيتون صبي الخلطه

رشي على الوجه جبن شيدر وفتات خبز نوع حلو يكون خشن شوي

دخليها الفرن لحد ماتسيح

وغمسي فيها بالشيبس او البسكوت



اتمنى الوصفات تعجبكم بانتظار آرائكم وتطبيقاتكم للوصفات

النقل مسموح شرط ذكر اسمي لأني تعبت وانا ابحث واترجم

اختكم امووول