تجمع الغاليات اللاتي سيلدن في رجب شعبان رمضان لعــ1430هـ ـام

[arch.dina]

ياصباح الفل على الحلوين
فلونا بشوفك هالصباح متفائلة ماشاء الله
طمنينا على البيبي .. شو حكتلك الدكتورة
انا كمان رح اكون ان شاء ا لله عند حماتي بس اولد
وناوية اقعد اسبوع وبعدها ارجع لبيتي
عشان الوحدة بتاخد راحتها اكتر ببيتها
بس فترة اسبوع ان شاء الله مقبولة بتكون الالوحدة استعادت صحتها ومش بحاجة لمساعدة باذن الله
انتي شو رايك؟

بيور انجل كيفك ياقمر
وكيف البيبي
انا ان شاء الله الاحد بتطمن على البيبي
وباذن الله ناوية اصوم انا كمان

حرة حبيبتي
طمنيني عليكي
وكيف البيبي

[renadazzam]

مبااااااااااااااااااااااارك التجمع الجديد يارب تكونو قبل لايخلص التجمع والدات وبيبيهاتهم بحضونهم يارب

[arch.dina]

هلا وغلا ياقمر
يااااااااااااارب نكون ولدنا قبل منسكر التجمع
والله مشتاقا لبنتي موووت
وبصراحة خلص بدي اخد اجازة
بلشت امل من الشغل وقدامي بطيخة كبيرة
ايمتى ارجع عالدوام وانا رشيقة بدون ملابس الحمل
ههههههه
صحيح رناد
كيف موضوع التخلص من الوزن الزائد بعد الحمل؟؟؟ اتغلبتي فيه؟؟ ايمتى رجع جسمك لطبيعتو؟

[angel85]

صباح الخير....
فلونا الحمدلله إنك تطمنتي عالبيبي و انشاءالله تولدي ولادة سهلة و ميسرة... فترة 10 أيام عند أهلك منيحة بتكوني محتاجة لمساعدة و أولادك بحاجة لحدا يهتم فيهم
بيور...أنا كمان حصوم..زرمضان فرصة عظيمة و أكيد ما رح أضيعها بإذن الله
دندووووش....انا بعتلك الهدية و بمكن بكرة توصلك انشاءالله...كيفها نتالي...بنوتتي حركة كتير
ريناد...كيفك؟ إنتي أنشط ماما بالتجمع....إنشاءالله نصير زيك

بنات...كيف الإستعدادات لرمضان؟

[arch.dina]

انجل ياقمر
سبحانو الله
عمالي ببعتلك مسج تهنئة برمضان على موبايلك
كاتبالك فيه انو وينك اشتقنالك بالتجمع
ويسلمو ايديكي حبيبة قلبي ما بتقصري ابدا
وان شاء الله هدية ألمى بتاخدها الست اللي بتجيب هدية نتالي
غلبناكي احنا معنا
بالنسبة لتجهيزات رمضان!!!!! والله كتير شغلات جهزت
خصوصا الشوربات والكبة والسمبوسك والكفتة والخضروات بالفريزر
اليوم رح اجيب تمر ان شاء الله
لاني خلصتو قبل ميبلش رمضان
وبدي احضر شنطتي عشان انزل عند حماتي في 1-9 عشان اكون عندها قبل الولادة


انتو شو جهزتو؟

[angel85]

دينا ما تغلبي حالك..هدي الست ساكنة عندكم في رامالله كانت جاية زيارة عالأردن.... اعتبري هدية ألمى وصلت و بتحكيلك شكرا
مبارح كنت في عمان عند إخواني..انا ساكنة في الشمال في إربد عند أهلي عشان هيك ما قدرت أدخل بس اشتقتلكم مووووت
اشتريت بامبرز للبنوتة..يا الله ما أصغرهم..مش متخيلة إنو بنتي حتكون هيك صغيرة
مرت أخوي مبارح أعطتني سرير صغير و كار سيت بجننو ...اشتقت لبنتي موت...الله يهونها

[angel85]

بالنسبة لتجهيزات رمضان...عملت لاهلي مخلل قبل فترة و فرزنا شوية خضار بالفريزر و بس
الكبة و السمبوسك بنعملهم طازة
صايرة ما عم احب التمر نهائيا ما بعرف ليش

[arch.dina]

حبيبة قلبي انجل
انا شارياها الهدية وكنت بستنى زوجي ياخدها معو لما نزل عمان
وياستي ازا ما زبط مع هاي الست ان شاء الله بزبط مع زوجي

نتالي بتقول لألمى يثلمو ايديكو ويارب نثوفكو على خير ومبلوك البامبلذ والثليل<ههههههه

والله انا شريتو البامبرز مع كل المستلزمات الخاصة بجونسون
وجبت رضعة كمان شكلها اقرب إلى صدر الام عشان لما ارضعها بابونج او حلبة لو صار معها مغص لاسمح الله

سرير نتالي باقي مجيبله الشيفون او الناموسية
بس حماتي مارضيت الا هي تشتريلي ياها

بالنسبة للتمر ... كتير مهم ياانجل تاكلي ختى لو مش مشتهياه
لانو هالفترة كل الحديد بيروح من الجسم حتى لو بتاخدي حديد
لانها اكتر مرحلة بينمو فيها الطفل وبيسحب من الدم
والله انا خلص حاسة العد التنازلي قرب
وصرت جاي عبالي ااخر الولادة شوي لحد مااحس حالي مستعدة للامومة
حاسا حالي خايفة من المسؤولية
وبنفس الوقت مشتاءالها لهالزعرة

[arch.dina]

صحيح
مبارح بيحكولي انو البكرية غالبا بتولد قبل متخلص شهرها
والله انا سمعت هالحكي وبلشت احس حالي بدي اولد
وطول مبارح احس انو الرس نزل للحوض
شو رايكو بنات؟؟

[angel85]

دينا ما إلو دخل..زفي بكريات بخلصو شهرهم و زيادة و في قبل..هدا كلو في كتاب الغيب عند ربنا...
أنا مش عارفة اذا بطني نزا أو لأ...كيف بتعرفو؟
بس البيبي راسها بالحوض من زمااان, من أول التامن حتى ماما خافت علي من الولادة المبكرة وقتيها...اليوم رايحة أشوف البنوتة عالسونار عند ماما...الأسبوع الماضي كانت منيحة بس ما تحركت إلا بعد ما ماما خاصت فحص..زعرة كتير
دينا ذكريني شو بنحط بشنتة الولادة و شنتة البيبي؟