السلام عليكم
رجيم السعرات مره صعب علشان احنا فى مصر صعب نحسب وزن الاشياء
للبحث في شبكة لكِ النسائية:
|
السلام عليكم
رجيم السعرات مره صعب علشان احنا فى مصر صعب نحسب وزن الاشياء
السلام عليكم ورحمة الله وبركاته ممكن ألخص حكايتى أو مأساتى مع الوزن والرجيم إنه ابتلاء عظيم من الله نفسى أرى نفسى رشيقة ووزنى مثالى قبل ما أموت ولا يا ترى دةهايكون فى الجنة لو اراد الله ودخلتها؟كان وزنى أول ما تزوجت 73ك وبعد الحمل والولادة لاأدرى ولكنه زاد ولم ينقص ابداً وأخذت حبوب منع الحمل ثم منشطات للحمل ووزنى العام الماضى تخطى 100كج يعنى حوالى 128 ولست متأكدة لأنى كنت اتوزن على أكثر من ميزان والفرق بين الموازين كبير عملت رجيم من نفسى حيث ان خبرتى كبيرة وخسيت حوالى 20 كجم وزنى حالياً107كجوذهبت لطبيب ولكن من وقتها والنزول مافيش وصحتى تدهورت بعد ذهابى له تصوروا ونفسيتى سيئة باستمرار فهل ممكن تساعدينى بكلمة احتسبها لك عند الله لعلها تشفع لك؟ عمرى 32سنة متزوجة +طفلة وأعمل وجزاكى الله كل خير
جزانا الله واياكم
والله ما اعرف اسألى وان شاء الله تلاقى لو انتى فى مصر اسألى فى معهد التغذيه
اهلا بك معانا حبيبتى المنتدى متميز بعضواته وانا من اقلهم عطاء
الحمد لله على نعمه الاسلام
اتفضلى ان شاء الله حالتك تكون غير عاديه بالنسبه لك انتى بس
وبسيطه باذن الله تحت امرك
وعليكم السلام ورحمه الله وبركاته
اهلا وسهلا والله تخيلى انى من مصر برضه
كل مقاييسى بالمكاييل المنزليه طبق , معلقه , كوبايه مش بالجرامات خالص
ده شغل اخصائيين التغذيه فى العيادات مش احنا
الحمد لله الحمد لله الحمد لله زالت الغمه
صباح نسائم الحريه و الديمقراطيه
احبكم فى الله
على اسم مصر التاريخ يقدر يقول ما شاء ** انا مصر عندى احب واجمل الاشياء
جزانا الله واياكى اختى بس استهدى بالله وصلى على النبى ان شاء الله خير
ولا اريد اى نبره يأس فى كلامك كما ذكرتى الامر ابتلاء من الله والمؤمن مبتلى وواجبنا هو الدعاء وحمد الله على كل حال
انتى وزنك لا تعرفيه لكن فوق المائه طيب عملتى التحاليل الاتيه لو لأ اعمليهم مهم جدا
صوره دم كامله +سكرى صائم وبعد ساعتين + تحاليل غده درقيه T3-T4 -TSH
وظائف كلى + وظائف كبد + تحليل دهون الدم والترايجليسريد
ليه لان لو الغده فيها كسل عمر وزنك ما ينزل الا بعد علاجها
وايضا لم تذكرى طولك
والاهم ما هو النظام الذى تتبعيه من الاساس والدكتور الذى ذهبتى له ما تخصصه بالضبط لو كان دكتور تغذيه اى الانظمه اتبعتيها معه
انتظرك
الحمد لله الحمد لله الحمد لله زالت الغمه
صباح نسائم الحريه و الديمقراطيه
احبكم فى الله
على اسم مصر التاريخ يقدر يقول ما شاء ** انا مصر عندى احب واجمل الاشياء
عزيزتى راجيه ممكن اسالك انا ماشيه على رجيم د بهاء و خسيت فى 2اسبوع حوالى 3 ك الحمد لله المشكله انا عندى امساك مزمن وراثى ممكن يستمر لمدة 3 ايام و بيزيد معى كلما قمت بتنظيم اكلى للرجيم
فسؤالى ما هى الاكلات التى تساعدنى على التخلص من الامساك وللعم انا بشرب مياه حوالى 7-8 اكواب فى اليوم
و ثانيا هل الامساك يؤثر على وزنى
و اشكرك على الاجابه مقدماو ربنا يجازيكى عنا كل خير
جزانا الله واياكم ولكى مثل دعائك وزياده
معليش انا مش بحفظ الانظمه حتى اللى بحطها الزهايمر بعيد عنك بس مش مشكله
لو انتى طبيعتك وزى ما بتقولى وراثه والاخراج يتم بدون اى الم او معاناه يبقى ممكن لا نعتبره امساك بل طبيعه
اعرف واحده بتدخل الحمام اكرمكم الله مره كل اسبوع وده العادى بتاعها طول عمرها منقدرش نقول عليه امساك
ايوه الامساك ممكن يزيد الوزن شويه بس مش كتير لوجود كتله مخزنه فى الامعاء
و علاجه - باكل الفاكهه طازجه او مجففه 3 مرات يوميا
- الخضار الطازجه او مطهيه يوميا مع الوجبات وما بين الوجبات ايضا على الا يقل الاستهلاك عن 4 مرات فى اليوم
- الماء حاولى تزودى استهلاكك منها من 8 الى 12 كوب يوميا
- المشى او الرياضه تساعد على تنشيط الحركه الدوديه للامعاء المسئوله عن الاخراج
- استبدال الخبز الابيض بالاسمر
- ملعقه عسل النحل تعمل كملين طبيعى
اذا حاولتى بكل ما سبق لمده نقول 15 يوم ولم ينفع يبقى لابد من مراجعه طبيب لاعطاءك ملينات وهناك انواع طبيعيه ولا يعتاد عليها الشخص
وابقى طمنينى عليكى
الحمد لله الحمد لله الحمد لله زالت الغمه
صباح نسائم الحريه و الديمقراطيه
احبكم فى الله
على اسم مصر التاريخ يقدر يقول ما شاء ** انا مصر عندى احب واجمل الاشياء
اختي العزيزة الراجية عفو ربها اسعدتني كثيرا بردك و اهتمامك الكبير و لو اني اشفق عليك من ما ساحملك اياه لكن للتخفيف عنك سبت يومي الجمعة و السبت علشان ما ادوخكيش و احبطك في الاجازة ، و حقيقي انا مش عارفة ابدأ منين لكن حاحاول انظم الموضوع قدر المستطاع و ربنا يصبرك و يعينك عليا :
بداية انا طولي 1.55 و وزني 85 يعني كتلة الجسم 35.4 و ايضا كتلة الدهون 25.9 يعني المفروض ريجيمي يكون 1200 سعر صح ؟؟
و انا فعلا باحاول من اربع ايام لكن لسة ما ظبطتش تمام لكن عندي كام مشكلة هم سبب فشلي في كل ريجيم كنت احاوله قبل كدة و يا ريت يكون عندك حل ليهم و حاحاول ارتبهم :
1 - اول ما ابدأ الريجيم و اقلل الاكل و السكر عن المعتاد(حوالي 6 ملاعق على مدى اليوم ) اصاب باعراض هبوط من دوخة و زغللة و صداع ممكن يوصل لدرجة نوبة صداع نصفي كامل و اصبح غير قادرة على القيام باي عمل حتى الاعمال المنزلية البسيطة الى ان اتناول كوب عصير او قطعة حلوى او شيكولا
و الوضع ده مضايقني جدا و مش عارفة حله ايه
2- عدم قدرتي على اداء تمارين رياضية كثيرة او منتظمة بكثيره 10 دقايق و بعدها يبدا التخبيط في كل جسمي و صداع و ممكن نهجان و لو ضغطت على نفسي و قاومت يبدا نفس الاعراض السابقة كلها
3 - دي تعتبر مشكلة مكتسبة و المفروض اني احلها و هي عدم انتظام مواعيد وجباتي لان اصلا مواعيد نومي و كل اليوم غير منتظمة حسب ظروف اليوم معانا انا و زوجي و غالبا بتكون وجبة العشا كبيرة شوية لاني باكون جعت اوي
( النهاردة اتعشيت بنص رغيف بلدي + فول بليمون و زيت حار و جبنة بيضا و كوب شاي بملعقتين نيدو و و ملعقة سكر + طماطم و خيار )
دي تقريبا اهم مشكلاتي بس فيه ملاحظة مش عارفة ان كانت تفرق و لا لأ و هي ان عندي لخبطة في هرمونات التبويض و هي سبب عدم الانجاب و في مرة طبيب كنت اتابع معه التنشيط قال ملاحظة اني عندي خطأ في التمثيل الغذائي بيخلي جسمي يحرق السكر بسرعة و يحوله لدهون متراكمة في جسمي و لا يحوله لطاقة استفيد منها فمش عارفة مدى صحة الملاحظة دي و لا ايه حلها و لو كان الموضوع لخبطة هرمونات ايه الحل ؟؟
لانه مش ممكن حآخد هرمونات طول عمري مع معرفتي بمدى خطورتها و ده كان احد اسباب توقفي عن علاج ضعف التبويض لما الموضوع طول بلا فائدة
دي تقريبا كل حالتي و معلهش انا عارفة اني طولت و ثقلت عليك بس يصراحة انا ما صدقت الاقي حد اتكلم معاه بثقة
و عموما انا بدات الريجيم زي ما قلت لك من كام يوم و باحاول ابدل بين الاطعمة المختلفة حسب المجموعات و كمان دعبست في النت لحد ما لاقيت شوية جداول سعرات حرارية لبعض الاغذية و اهو حبة من هنا و حبة من هنا و ربنا يسهل و يسترها معايا لما اوزن و ما اتصدمش
على فكرة انا ساضع جداول السعرات الي وجدتها علشان تقولي لي رأيك فيها بس في مشاركة تانية علشان اخدعك و ما بتبقاش المشاركة دي كبيرة
آخر مرة عدل بواسطة sanaaalex : 17-05-2009 في 12:14 AM
شكرا على الموضوع الجميل الشامل انه موضوع شامل حقا وان ريجيم السعرات من احسن الريجيمات
الروابط المفضلة