"عروسات المستقبل تعالوا اقولكم".. جزء ( 5 )

[Noura89]

كليه العلووم بتعمل أكتر من كده بتجيب احباط ويأس كمان هههه

امال اللى فى كليه الطب يعمل اييييييييييييييييييه
واااااااااااااااااااااااء واااااااااااااااااااااء

[the 1st queen]

السلام عليكم ورحمه الله وبركاته
ازيك يااحلى بنات وحشتونى اوى بحب اتابع الموضوع بتاع هنوده الجميله ربنا يكرمها وييسرلها امورها يارب وينولها اللى ف بالها يااااااااااااااااااااااارب
متشكره اوى ياهنوده على مباركتك للفستان وعقبال فستانك قريب يارب ان شاء الله
كنت عاوزه اغلس بقه واسئلك انا عاوزه ليسته بالمكياج والكريمات اللى المفروض اجيبها عشان هتجوز وياريت بالاسماء الحاجات النظيفه شكلك بتعرفى ف الميكب واجيب اد ايه شامبو وشاور وايه الحاجات الحلوه وشكرا ليكى يانودى

[سماح عزت]

لالالالا يا هنانيدوو النهار يعدى كله ومش نشوفك احنا مش ينفع يعدى يوم من غير ماتطلى علينا يا قمر كدا هتقلقينا عليكى كتير يارب تكونى بخير احنا مش متعودين منك على كده انتى فين ياحبيبة قلبى

[هنودة هنانيدو]

وحشتوووووووووووووووووووووووووووووووووووووووووووني
جااااااااااااااااااااااااااااااااااااااااااااااااا اااامد
والله العظيم

ميويا الامورة نورتى كنتى فين كل ده بجد وحشتينى جدا وسالت عليكى وسماح كانت بتسال عليكى كمان والصبح نهاردة والله كنت لسه بقول هى فين البنت ديه بس الحمد لله انك بخير متغبيش تانى بقى

[هنودة هنانيدو]

أزيك يا هنوودة اخبارك ايه؟
انت فعلا عندك حق ممكن تكون المشكلة عندنا عادة غلط واحنا منعرفش
انا عن نفسى لما اتخرجت من الكليه بالسلامة طلعت بشوية
أمراض جميلة "كليه علوم بقى " طبعا كل ده كان مأثر على جسمى
وده اللى كان تعبنى وفعلا اتعلجت وبالذات من القولون العصبى والأنيميا دول
بيدمروا الجسم ..بس دلوقتى الحمد لله تمام
وممكن يعنى اى حد فينا حاسس انه عنده انيميا ومكسل يحلل يشرب
كل يوم الصبح فنجان قهوة مليان عسل أسود وراه نص كوبايه ليمون على غيار ريق
لان الصبح امتصاص الحديد احسن وكمان الليمون هيزود امتصاص الحديد
وبكده ممكن يعالج نفسه بطريقة بسيطة بردو الباذنجان والتفاح والبلح وعصير القصب فيهم كميه حديد كويسة
اسفة لو كنت طولت يا هنووة فى الرد

ملوكة حبيبتى ازيك ؟؟؟ الف سلامة عليكى من الكلية ووجعها ...
بجد نصايحك حلوة اوى وحلو موضوع العسل والليمون انا بحب العسل الاسود جدا حاجرب طريقة ديه حتى اللى معندهوش انيميا تبقى تحمى الجسم وتزود الحديد
وطبعا طولى ياقمر الموضوع بتاعك وبتاع كل البنات عايزين نستفيد من بعض

[هنودة هنانيدو]

ربنا يخليكى يا هنوده على اهتمامك يا حبيبتى
شفتى اللى حصل يا نوده انا لسه جاية من عند دكتور الجلد عشان الحبوب و عشان شعرى و كنت عاملة صورة دم كاملة فاول ما شافنى قالى كل ده لانك ضعيفة و حالة نفسية سيئة..فقال انا هاركز معاكى ان شعرك يتقل و بعدين هابعتك تعملى كيراتين برازيلى و الحبوب قالى دى بسيطة بس برضه حالة نفسية و قال امنعى خالص اى زيوت او كريمات دلوقتى عايزنى بس اكل كويس و اضبط نفسيتى....بس يا ستى ..شفتى يا نوده ..بس انا متضايقة لان كده مش هاعرف اهتم بشعرى زى ما كنت عايزة
سيبك منى ....عموما انتى ايه رايك فى الكلام ده ؟
اسفة بأتقل عليكى يا هنوده ...ربنا يباركلك يا حبيبتى و يجازيك خير على سعة صدرك دى و انصاتك للكل ...ربنا ينولك اللى فى بالك و يوسع رزقك و يرضيكى به
تحياتــــــــــــــــــــــــــى

الف سلامة عليكى يا سارة معلش ياقمر فترة وتعدى بس فعلا لو انتى عندك ضعف اهتمى الاول بصحتك هى اللى تخلى كل حاجة مظبوطة كلى كويس وخضار وفاكهة لو محتاجة فيتامين خدى اقراص فيتامين وحديد وكمان كانت لسه ملوكة بتقول على العسل ....
دكتور كلامه حلو اوى بس مش عارفة ليه يبعتك تعمنلى كيراتين ؟؟؟ انتى اصلا عايزة تعملى كيراتين ؟؟؟؟؟؟ولاهو شايف انه جزء من علاج شعرك ؟؟؟ حاقولك راى فى جزء ده بس اعرف ليه هو قالك كدا

[هنودة هنانيدو]

ربنا يسعدك انتى ياست العرايس والله يانودى عندك حق فى كل الكلام الى قلتيه مش قلتلك انتى الى دايما بتصحى الضمير الحى جوانا شكلك كده يا ترى يانودى1/3/2007ا اش يكون شكله تريخ غالى عندك عقبال تاريخ الفرح يارب عن قريب ان شاء الله هواكيد هتقولى دى رزالة منى عشان بدخل فى خصوصياتك لكن لفت نظرى كتير فى توقيعك

لا ياقمر ديه مش رزاله متقوليش كدا احنا اصحاب كلنا هنا .. التاريخ ده ياقمر هو تاريخ معرفتى بجوزو اول يوم عرفنا بعض كان اليوم ده عشان كدا هو غالى عندى

[هنودة هنانيدو]

هو العناية بالقدم كانت فى اى جزء يابنات
ياريت ياهند تحطى فى اول كل موضوع لينك للصفحات اللى فيها المواضيع الطويلة
لانى بدوخ عليهم وبنسى كانو فى اى جزء واى صفحة
عاوزة العناية بالقدم لانى نسيتها

من عنيا يا دودو ان شاء الله الجزء الجديد اول صفحة احط فيها لينكاات المواضيع انتى تامرى يا جميل انا جيبتتلك لينك الصفحة بس لقيتك جبتيه وكمان سموحة جبته

[هنودة هنانيدو]

تسلمى يا سماح على اهتمامك و ادعيلى ربنا يصلح احوالى بس انا نسيت اقول لكم انه قال استخدم زيت خروع....يا ترى حلو
ربنا يبارك لك يا حبيبتى و يجازيكى خيرا

زيت الخروع للشعر تحفة لانه بيتقل الشهر وكمان لو فى فراغات فى الشعر بيملها وبيكثف

[هنودة هنانيدو]

جزاك الله كل الخير أختي الفاضلة

واياكم يا اسماء منورة يا جميل