مش فاهمة حاجة
|
للبحث في شبكة لكِ النسائية:
|
عضو نشيط
مش فاهمة حاجة
النجم الفضي
ازيكم يا حلوين عاملين ايه ؟؟؟
اخبار يوم الجمعة ايه معاكم .. طبعا يوم الجمعة للبنات اللى بتشتغل اكيد يوم سعيد............
نهاردة بما انى اجازة قولت العب واعمل شوية حركات وماسكات
عملت ماسك سهل بقالى كتير مش عملته وعجبتى قولت بقى لازم اقولكم عليه
ماسك الترمس مع الزبادى
الماسك ده فايدته انه بينظف البشرة جدا وبيفتحها يعنى تحسى ان بشرتك نظيفة ومنورة
بتجيبى ترمس مر مطحون من عند العطار وتحطى عليه ملعقة زبادى كبيرة
يعنى ملعقتين ترمس مع ملعقة زبادى كبيرة تخليهم زى ماسك بيبقى طرى
تحطى منه على الوجه والرقبة بلاش ننسى الرقبة فى ماسكات لاننا بنهتم بالوجه ونهمل الرقبة اتعودى انك لما تعملى ماسك اعملى الاثنين مع بعض
حتسيبى ماسك ربع ساعة وحتلاقيه بينشف وبعدها افركى براحة بايدك وبعدها اغلسى الوجه والرقبة بالماء
حتلاقى الوجه بقى نظيف ومنور ......
بعدها رطبى البشرة باى كريم مرطب عندك عشان يعتبر ماسك زى صنفرة خفيفة او حتى رطبى بزيت اللوز المر يعنى حطى منه على ايدك وامسحى بيه البشرة كلها
انا لسه مجربه وعجبنى الحمد لله ... يارب انتوا كمان يعجبكم
عضو نشيط
اهلا بيكى يا RED ROSE منورانا
واحنا كلنا هنا اخواتك يا قمر
هنودة يا قمر انا تلميذتك النجيبة هههههههه
وحشانى والله
بسبوسة حلوة فكرتك يا قمر
لفلى دريم حلوة طريقة الحنة
بس ماتنفعش معايا لانى صابغة شعرى من قريب
ولو عملت كده يبقى الصبغة هتروح لما افرح بيها شوية ههههههه
عضو نشيط
ازيك انتى يا هنوده احنا كويسين والحمد لله
حلو الماسك ده فعلا يا هنودة وانا فعلا بعمله من زمان
بس ساعات بضيف ليه معلقة عسل
بيبقى النتيجة فعلا روعة
هنودة انا عملت امبارح ماسك كده اختراع من دماغى
هقولك عليه
جبت نشا وحطيت عليها عسل ولبن وقشطة اللبن وخلطهم ببعض
وسيبته نص ساعة على الوجه والرقبه وحطيت حوالين عنيا عسل بس
وغسلته حسيت ان بشرتى طريه كده
ايه رايك؟؟؟؟؟؟
النجم الفضي
كان فى حاجة عايزة اقولكم عليها من زمان وكل شوية بنسى .. عن فوط التواليت
فوط التواليت اللى بتكون صغيرة ومصنوعة من قطن ....
اللى خلانى افتكر اقولكم عليها موقف مضحك حصل لبنت صاحبتى كانت بتحكيلى عليه من كام يوم ....
طبعا فوط التواليت ديه مهمة لحاجتين ....
اول حاجة :: بعد خروجك من الحمام تكونى محتاجها عشان تنشفى بيها وتمسحى بيها اى ماء ولما بتعملى كدا يبقى انتى بتحمى نفسك من اى بكتريا والتهابات وسواد لان ماء لما تفضل على البشرة من غير تنشيف تعمل رطوبة فى منطقة وتعمل بكتريا وطبعا سواد ولون غامق عشان كدا مهم انك بعد التواليت تمسحى وتنشفى بالفوطة
تانى حاجة :: هى تنفع لبعد الزواج وقت العلاقة الخاصة انه بيحصل طبعا افرازات سواء من البنت او الزوج طبعا الافرازات ديه لو بتنزل على الملاية السرير حتضطرى انك تغسليها .. عشان كدا الفوط ديه مهمة وقتها انك تمسحى بيها الافرازت ديه بعد انتهاء العلاقة عشان تحافظى على نظافة السرير لانه مش معقول كل شوية حتقومى تغسلى ملاية
عشان كدا مهم تكونى وانتى بتجيبى حاجتك تكونى مجهزة الفوط ديه .. لازم تكون قطن يعنى متجبيش الياف ولا اى انواع تانية ...
كمان بتبقى لها الوان كتيرة زيها زى الفوط الاستعمال العادى ومنها بيبقى مطرز بسيط
بس الافضل تجيبيها سادة واى الوان زى ما تحبى .. اوقات بيتباع شنطة صعيرة يكون فيها 6 فوط شكلها حلو .....
ولما تجيبى الفوط قسميها
جزء خاص بيكى بعد خروجك للحمام
وجزء خاص وقت العلاقة الزوجية
الفوط التواليت موجودة فى اى محلات بتاعة مفروشات والفوط
واسعارها رخيصة
كمان انتى ممكن تعمليها عندك فى البيت انك تجيبى فوطة كبيرة قطن وتقسميها ل 4 او 6 فوط صغيرة ....
يارب يكون موضوع مفيد لنا لان اوقات فى بنات مش حتاخد بالها من اهمية الفوط ديه وخاصة وقت العلاقة الزوجية
عضو نشيط
هنودة حبيبتى وحشتنى قوى مابعتيش لنك التمارين لية؟اكيد نسيتى البنات الرغيين وحشتونى موووووت عاوزة اسبوع كامل عشان اقرأ اللى فاتنى هنودة عاوزة اسألك من التونك ماء الورد هو هو بناع المية والحلويات ولا حاجة تانية اسفة على الجهل بتاعى وابعتى لى اسم حمام كريم يكون حلووبيطرى الشعروسعرة والف شكر يا قمر
النجم الفضي
ديه صورة للفوط التواليت
عضو نشيط
هنوده تسلم ايدك يا قمر على ماسك الترمس ده انا باعمله من زمان و ممتاز جدا خصوصا للبشرة الدهنية
وحشتينى جدا يا نوده ....نورينا فى الجروب
عضو نشيط
جزاكى الله خيرا يا هنووودة على الموضوع
بجد نورتيينا وفهمتينا حاجات مكنتش فى بالنا خالص
عضو جديد
كيفكم يا بنات وحشتوني كتير
انا عجبني الموضوع اللي بيتكلم عن العلاقة الزوجية مرسي عالمعلومات يا هنودة
فعلا لازم الوحدة تشكر في جوزها بانه ادى المهمة بشكل ممتاز حتى لوكانت مجاملة بس صدقوني يا بنات لو فضلتي تمدحي فيه بعد مدة قصيرة حتلاقبه تحسن كتيير - الموضوع كله جانب نفسي و ثقة في النفس بسسس- لو حسستيه انه ممتاز وانك فرحانة بيه و سمع اهاتك (اوعوا تهملو موضوع الاهات ) والله هيحس انه راجل بجد و هيعمل قصار جهده عشان يفرحك تاني بس اوعي تبالغي في المجاملة عشان لو حس انها مجاملة عتبقي خربتي كل حاجة بنيتها.
بس صدقوني حتى لوكانت في الاول مجاملة بعد مدة حتبقي تقوليها من قلبك.
وكمان احنا يا بنات لينا دخل في الموضع ازاي
بتلاقي ان البنت بتحب انه جوزها يعملها كدا و كدا وهو معملهاش . النتيجة انه الراجل خلص و شبع و هي ولا حاجة
العيب فينا احنا عشان احنا بنكون عاوزين حاجة معينة بس مبنتكلمش مكسوفين.
طب هو هيعرف منين. عشان كدة الحوار ضروري مفيهاش حاجة لو قلتيلو انك بتحبي كدا و كدا هو ساعتها حيبقي مبسوط بيك وتاني مرة حتبقوا انتوا الاتنين مبسوطين عشان كل واحد ابتدا يتعرف على التاني اللي بيعجبه و اللي مبيعجبوش
وكمان حاجة يا بنات بتلاقي بنات كتير لما تشتري متلا بلوزة بتكون عجباها طبعا -مدام اشترتها يعني عجباها- المهم لما بتلبسها قدام جوزها او خطيبها تقول
ياااااي البلوزة مش حلوة خالص عليا -طبعا مستنية منه يقولها لااااااا بالعكس دي بتجنن عليك- و بالفعل حيقولك كدة بس بعديها بكام مرة حتلاقيه بيقولها مجاملة و ممكن انك في يوم انك تتفاجئي لما تسمعيه بيقولك صح دي مش حلوة خالص وهنا الكارثة انتي اللي قللتي من شانك و دتية صورة وحشة و يوم بعد يوم اتعود عليه و صدقها
المصيبة انك بتلاقي زوجة اشترت لانجري جديد و لما بتلبسه بتقول مش حلو صححححح
طب هو ازاي حيشوفك حلوة مدام انتي اديتية صورة وحشة من البداية
دايما كوني واتقة في نفسك و امدحي كتييييييييييييييييير فيك و فجسمك و في هدومك عشان توصليلو الاحساس دة ساعتها حتى لوكنتي وحشة حيشوفك حلوة
انا كمان كنت بعمل كدة بس الحمد لله ابتديت ابطل العادة دي
وكنت سمعت مرة دكتورة بتقول ان المراة بتتاتر باللمس اما الراجل بالمشاهدة عشان كدةنصحت ان المعاشرة من الاحسن تكون في الضوء عشان هو بيستمتع بالمشاهدة سس حنتفضحححح
وحاجة كمان للبنات المخطوبات كنت مرة سمعت اخصائية نفسية بتتكلم عن العلاقة بين المخطوبين قالت انهم يخرجوا كتيييير مع اصحابه و هي دورها انها تلاحط بيتعامل ازاي معاهم عشان معاها اكيد حيكون امور و لطيف و طلباتك اوامر بس مع اصحابه لااااااااااااااا حاجة تانية خالص و هنا حتشوفيه علي حقيقته
هنودة مرسي كتتتتير علي البيبي دول اسفة بتهبك معايا بس و الله عندي مشكلة كبيييييرة في المصطلحات
عايزة اسالك علي الكورساج هو عجبني بس حسيت انه مش حلو للمس هو حلو للرؤية بس بمعنى انه لمل يلمسك جوزك مش حيحس بجسدك وكانه بيلمس كرتونة او بلاستيك جامد فاهمني يا بنات ياريت اعرف رايكم
بعتدر على الركاكة في الاسلوب لسه بتعلم اتكلم مصري بس لاحطت ان المصريات بيعرفوا يتكلموا كتيير احنا في المغرب بنقول عليكم لسنكم حلو
ولو مثلا واحدة بتعرف واحد مصري صحبتها بتقولها بتعرفي راجل مصريييييييييييي
اكيييييييد حيدوخك بكلامو
يا بخت ازواجكم بيكم يا ريت يا هنودة تعملي موضوع عن الكلام الحلو عشان انا مبعرفش اتكلم خالص مع اني مدركة مدى اهمية الكلام الحلو في العلاقة الزوجية و كمان زوجي رومانسي كتتتتر وبيتكلم كتير عكسي خالص بعرف اقول كلمة واحدة بحبك و بمووت فيك بسسسسسس حيجي يوم حيشدني من شعري بس حيلاقيني ساعثها صلعة عشان انا من دلوقتي و شعري خفيف و جوزي بيتريق عليا و بيقولي عندك خريطة في راسك
اادي الشارع الكبيير الرئيسي و دول شوارع فرعية ثانوية زي دروب ياااااااااااااااااااايييييييييييييييييييي
وانتن احبكن في الله و مرسي كتتتتر
أعضاء قرؤوا هذا الموضوع: 0
الروابط المفضلة