ملف لعمليات التلقيح الصناعى و الحقن المجهرى ...تجارب وخبرات

[lidia_mo]

أنا عملت أطفال انابيب مرتين والحمد لله نجحوا فى الأولى جاءت ابنتى ما شلء الله عندها الآن عامين , وفى الثانية ما شاء الله والحمد لله حملت فى تؤم ادعو الله ان يتم حملى على خير , العملية ليست مرهقة للدرجة التى لا نقدر ان نتحملها , فالإبر والأدوية ليست مرهقة والعملية غير مؤلمة ولكن بعد سحب البويضات وارجاعهم قد تشعرين بإنتفاخ فى جسمك من كثرة المنشطات وممكن ل تشعرين فا؟لأمر يختلف من شخص لأخر . اى استفسار أنا تحت أمركم.

[DR_LOLA]

أنا عملت أطفال انابيب مرتين والحمد لله نجحوا فى الأولى جاءت ابنتى ما شلء الله عندها الآن عامين , وفى الثانية ما شاء الله والحمد لله حملت فى تؤم ادعو الله ان يتم حملى على خير , العملية ليست مرهقة للدرجة التى لا نقدر ان نتحملها , فالإبر والأدوية ليست مرهقة والعملية غير مؤلمة ولكن بعد سحب البويضات وارجاعهم قد تشعرين بإنتفاخ فى جسمك من كثرة المنشطات وممكن ل تشعرين فا؟لأمر يختلف من شخص لأخر . اى استفسار أنا تحت أمركم.

بسم الله ما شاء الله
ربنا يخلى بنتك ويثبت حمللك ويكمللك على خير امييييييييين ياررب
وانا اسفه لى كام سوال
اولا فى عمليه السحب عادى انك تحسى بثقل اسفل البطن ؟؟؟؟
وبعد النقل ان شاء الله لابد من الراحه التامه فعلا ولا خرجتى وعيشتى حياتك طبيعى
اسفه لازعاجك جزاكى الله خيرا ان شاء الله

[lidia_mo]

شكرا لولا على الدعوة و أنا اعرف انك إن شاء الله سوف تعمليها ربنا معاكى وتتادم على خير يا رب .
ايوه بيكون فيه ثقل فى اسفل البطن نتيجة سحب البويضات .
وبالنسبة للحركة الدكتور أول مرة عملتها نصحنى بان تكون حركتى خفيفة يا دوب فى البيت يعنى إلى التواليت اشاهد التليفزيون مجرد حركة بسيطة فى المنزل و لكننى بصراحة كنت حريصة جدا ولم اتحرك طوال الأسبوعين الأوائل حتى عملت التحليل وطلعت حامل وبعدها ايضا فضلت على طول فى السرير إلى ان انهيت كرس إبر التثبيت .... آسفة طولت عليكى بس اى حاجة عايزة تسألى عليها أنا تحت امرك , اصلى بقيت خبرة .

[DR_LOLA]

حبيبتى يا ليديا ربنا يخليكى ويجازيكى خيرا ان شاء الله على ردك
يعنى مينفعش اخرج حتى ولو بالعربيه ومفيش سلالم؟؟؟
اصلى يصراحه مش قايله احد خالص الا ليكم
وطبعا فى مناسبات لازم احضرها خاصه رمضان والعزومات ربنا يستر ان شاء الله
ادعيلى يا ليديا ربنا يكملهالى بنجاح يارررررب
مره تانيه الف شكر لردك الرقيق وكل سنه وانتى طيبه ان شاء الله

[lidia_mo]

ربنا معاكى وييسرلك الأمور .... أنا والله لحد الآن ما فى حد يعرف فى المرة الأولى والثانية وكمان مشكلتى اننى كنت نازلة إجازة يعنى المفروض اننى اقضيها بين الأهل والأ صدقاء والكل كان بيسأل بس أنا فضلت فى البيت وكل اللى كان يسأل زوجى كان بيقول عندها دور برد جامد شوية وتعبانة لحد ما مر الأسبوعين الأوائل وطلعت حامل قلنا اننى حامل , وفى المرة التانية فضلت لأخر يوم قبل ترجيع البويضات وانا باخرج رغم اننى كنت تعبانة جدا لأننى كان عندى المرة دى نشاط كتير فى المبيض من المنشطات وكانت تعبانى جدا بعد سحب البويضات وكان فيه مياه كتير فى جسمى ,المهم جلست اسبوع وكان لازم نسافر علشان عمل زوجى فقلت اتوكل على الله واقول للناس اننى حامل والله ظبطت خلاص ما ظبطت بقول ان البيبي نزل والحمد لله تمت على خير .
شوفى نصيحة من اخت انتى عارفة ان العملية دى مكلفة واكيد بعيد عن التكاليف النتائج الحلوة لها تستاهل الواحد يقعد على السرير التسع اشهر ولا ايه , انا مش عارفة انتى عملتيها ولا لسة بس لو كنتى حتعمليها فى رمضان فممكن تخرجى لحد يوم سحب البويضات وبعدين الأسبوعين حيمروا بسرعة وإن شاء الله لما يتم الحمل قولى للجميع انك حامل والدكتور مانعك من الحركة . أنا فى حملى الأول صدقينى ما كنت اخرج إلا لميعاد الطبيب لحد ما دخلت الشهر الثامن .
اهتمى بنفسك وحاولى فى رمضان تنهى الزيارات العائلية كلها قبل العملية , وربنا معاكى ويكمل لك على خير
انا مبدخلش مواضيع كتير يا ريت تطمنينى على أخبارك هنا دائما وسوف ادعيلك وباقى البنات ربنا يكرمكوا وتنجح العملية , أهم شىء الراحة الراحة الراحة .

[DR_LOLA]

حبيبتى يا ليديا انتى عندك حق اكيد النتيجه بتستاهل ياررررررررررررب يكتبلى الحمل اللهم امييييييييين
انا الحمد لله عندى نقل الاجنه بكره ان شاء الله مش عارفه قد ايه لسه هاعرف بكره ان شاء الله
ربنا يبارك فيهم ويثبتهم اللهم اميييييييين
وانا هاعمل بنصيحتك وان شاء الله مش هاخرج الاسبوعين ويبقى حتى عملت اللى عليا ولا قدر الله لم تنجح مش ارجع اندم واقول انى مش ارتحت كفايه
ادعيلى يا ليديا ربنا يجب دعائك ان شاء الله اسفه للالحاح بس ما صدقت لقيت حد مر بنفس الظروف علشان يبقى فاهمنى جزاكى الله خيرا ربنا يتممللك على خير ويقر عينك بالذريه الصالحه اللهم اميييييييين

حبيبتى سوال اخير انتى عملتىارجاع الاجنه اليوم الكام من التلقيح؟؟

[اليااسمينة]

جزاكي الله كل خير على الموضوع الجميل وانشالله ربنا يرزق الجميع الحمل السليم المعافى

[Estabraq5]

جزاكي الله كل خير
أدعولي بالذرية الصالحة (حسن الخلق والخلقة) آمين يارب
ربي لا تذرني فردا وانت خير الوارثين

[lidia_mo]

شوفى قبل ما انسى اجاوب على سؤالك انا الدكتور رجع لى الأجنة بعد يومين من نقلها وكان قال لى انى اتصل بيهم يوم سحب الأجنة بالليل علشان يحددوا ميعاد نقلها ودة تقريبا بيتوقف على سرعة انقسام الخلايا على ما اعتقد .
ثانيا يا رب يكرمك و يعطيكى اللى بتتمنيه إن شاء الله , اكيد طبعا الممرضات عند الدكتور حيقولوا لك على كل الإرشادات , أنا معرفش انتى طبيبة فى ايه بس اكيد عندك معلومات عن العملية وعموما اكيد حيقولوا .
- اشربى سؤائل كتير .
- حاولى ان لا يأتى لك امساك وإذا حدث دكتورى كان كاتب لى دواء شراب هو ( هيك لاكتيلوز ) ملعقة واحدة مساءا.
- طبعا أنا قصدى من الراحة مش مجرد انك تقعدى فى البيت يعنى تعملى اعمال المنزل والحاجات دى لأ راحة تامة حتى كوب شاى ما تقومى تعمليه .
وانتى المفروض حتبدئى من النهاردة الخمسة عشر يوما يعنى ممكن تكلمى الناس عادى وأول ما بيبدأ رمضان حاولى تتهربى من العزايم .
اخيرا لاننى طولت عليكى دائما استغفرى الله وادعى له ان يتمم الحمل إن شاء الله . والله بدعى لك بس بجد احسن شئ انك تتوكلى على الله وتبقى على يقين انه كريم مجيب سميع الدعاء .
ربنا معاكى ويبارك لك فى اللى فى بطنك ويثبتهم لك أن شاء الله..... ارجوكى دائما طمنينى عليكى .

[lidia_mo]

حبيبتى لولا ... نسيت أقولك لو اعطوكى المثبتات أبر مش تحاميل مهبلية فلا تقلقى من كثرة الغسيان والقئ واعراض الحمل من أول يوم لنقل البويضات .... ياه نسيت انك دكتورة وأكيد عارفة الحاجات دى , يا ريت تقولى لى انتى دكتورة فى ايه . علشان اكون عارفة .