*طبق متميز*لازانيا الدجاج والخضار .. من مطبخ الاء

[ماما الاء]

لولو حبوبه

ممكن تذكريني بمقادير الباشميل اذا مافيش عليك تعب

يا روحي انتي تامري امر
اهو مش ندلعك اني مدايرة الباشميل خطوة خطوة في موضوع لازانيا القديم ليا

اطباق ايطالية ( لازانيا ... بيتسا) من مطبخ الاء...

صلصة الباشميل:
ملعقتين دقيق
ملعقتين زبدة
لتر حليب
مكعب مرق ماجي
ملح وفلفل اسود وجوز الطيب حسب الرغبة
كوب جبن شيدر
نص كوب جبنة بارمزان
الطريقة:

نضع الزبدة والدقيق فوق النار ونحركهم مع بعض حتى يتجانسو





نضيف الحليب اول باول ونحرك حتى يتجانس الخليط









نطفي النار تحت الباشميل ونضيف جوزة الطيب والفلفل الاسود والملح والجبن ومكعب مرق ماجي



وهذه الباشميل جاهزة لاي وصفة



وتقدري اضيفي كمية الجبنة اللي تحبيها واني زدت في لازانية الخضرة
وماما تزيد في البيض بس اني منحباش يعني على ذوقك وكيف ما يحبو صغارك
وتفضلي اي سؤال اني في الخدمة

[ماما الاء]

تسلم ايدك الاء ..... كالعاده مبدعه ماشاء الله عليكى ياأم أحمد ..... .... (هو مين احمد ده ؟)

كرملة يا حبيبتي والله وحشتني مشاكساتك الظريفة
واوعدك اني لما اتزوج واخلف اسمي احمد
ويا رب يرزقني بولد مثل احمد نشيط وشطور وكمان حليوة وبيحب ماما الاء
تسلمي يا قمراية

[ماما الاء]

ألوءه تهبلي انتي ووصفاتك...

تي انتي اللي تهبلي يا اميمتي يا حلوة
ربي يحفظك

[ماما الاء]

بسم الله ماشاءالله على الايادى الجميلة والافكار الحلوة

الله يعطيكى الف الف الف عافية

تسلمي حبيبتي على ذوقك وزيارتك الجميلة
اسعدتيني والله بيها
ربي يحفظك

[ماما الاء]

رووووووووووعه يالغاليه سلمت يداكِ طريقه مبتكره للزانيا بأذن الله سأجربها

جربيها واحكيلي كيف حتكون طعمتها مع اني متاكدة اني اي شئ حطيتي فيه ايديك حيكون عسل
تسلميلي يا رب

[ماما الاء]

ماشاء الله عليك يالولي
ويصح لسانها جنان منين سماتك ام الافكار عجبتنى فكرة الحبق والبصل في العجينة تهبللللللللللللللللللللللل وفي اقرب فرصه حنجربها ان شاء الله (غر نستقر بس)
وعلى فكرة شكل اللازانيا خذالي عقلى وانظنى خلاص راحت عليه وشوفي الدليل
رديلي عقلي يابنت وانى نقولك كيف ابعتيلي الطاجين كله

روني حبيبتي اني حطي بناتك في غمرك ودفي الباب وتعالي
ادللي عليا راين اميمتك يا حبي
يا ريت تجيني قبل ما تسافري نديرلك طاولة هكي كبرها وتقعد ذكرى بينا
مش البنات يغيرو منا بعدين والله عيد عندي لما تجيني ربي يحفظك

[سودلهداب7]

ماشاااااااااء الله
تبارك الرحمن
خطيييييييييييييييييييييييييييرة تجنننننننننننن
جوعتينا يعطيك الصحة والهني
مش عاااادية
تسلم الايادي ويعطييك العافية
ومشكورررة واااجد
بالله عليك
ارحمينا شوية والله دوختينا في جرتك
يا سمحة

[ماما الاء]

ماشاااااااااء الله
تبارك الرحمن
خطيييييييييييييييييييييييييييرة تجنننننننننننن
جوعتينا يعطيك الصحة والهني
مش عاااادية
تسلم الايادي ويعطييك العافية
ومشكورررة واااجد
بالله عليك
ارحمينا شوية والله دوختينا في جرتك
يا سمحة

تي وين يا روحي راني معاش انزل هلبة هاليومين
حي لو كنت فاضية راه هبلتكم بجد وتعرفني مهبولة مطبخ ما نتوصاش
وعاد انتي توصي بينا شوية وتعالي وبطلي هروب
والله ليك وحشة يا بنتي
الله لا يغيب عليك حبيب

[مصراتيه اصليه]

الله عليك وعلى ابداعك

ومن ألّو يأتي الجديد


طالعه اتهبّـــــــــــــــــــــــــــــــــــــــــــــ ـــــــــــــــــــــــــــــــــــــــــــــل

[ماما الاء]

الله عليك وعلى ابداعك

ومن ألّو يأتي الجديد


طالعه اتهبّـــــــــــــــــــــــــــــــــــــــــــــ ـــــــــــــــــــــــــــــــــــــــــــــل

يا روحي انتي ربي يحفظك
وبالله نحي الثلج اللي في التوقيع راني تجمدت ههههههههه