ركن الجمال المغربي.. للمغربيات و لكل الاخوات.. الجزء 28

[وجدية بكل فخر]

السلام عليكم بصحة ركن جديد اوه يا بنات تعبت باش لقيته مشيت لول لقيته مغلق ناري وشحال انا تنقلب عليه حتى رجلي وجعوني

[جوري22]

مشكووووووووووووووووره

[sihamsami]

السلام عليكم
كيف عاملات لاباس ؟
البنات كثيرات منا كتعاني من اسمرار ركابيها كين لي من الصلاة وكين لي من طريقة التشطاب لي كدير بحالي بعد المرات هههههه ولكن دابا شوية ، وكين لي طبيعتها هاكاك
لمهم بلا كترت الكلام هههه ، هادي 2 وصفات للركابي ؤالمرافق والبلايص لي سمرا في الجسم
شري كريم جليسوليد لحمر كيتباع عند مول الماكياج ب 20 درهم عصري عليه حامضة كبيرة ؤدهني ركابيك كل يوم ؤردي عليا لخبار
الوصفة الثانية
خودي قريعة وديري في نصها عصير حامض وخودي ديكاباج نمرة 6% ، وزيدي نصو على داك الحامض لي عملتي وخودي غير شوية ديال بودرة الديكاباج وزيديها على الخليط وخلطي القرعة مزيان ، وبقاي كل ليلة دهني ركابيك وخليه حتا ينشف وعاودي طبقة أخرى وتسناي حتاهيا تاتنشف ؤعاد نعسي ؤصباح غسلي

[sihamsami]

غيوم الصمت : الله يسلمك حبيبتي
بهية وعليكم السلام أزين هي دوخناك ، كيبقاو الرجيلات بعدا شوية ههههههه
جوري22 ، العفو حبيبتي

[bitiscool]

السلام عليكم كيف عاملين واش كتعاودو ؟؟ شفتكم مبقيتوش كتبانو هنا
ايوا اوذني منكم ههههههههه

[bitiscool]

سهام كيدايرة ا حبيبة
عاوتلني غنقول ليك شكرا واخا طيبت ليك قلبك بيها هههههههههههه
ولكن كيعجبوني الوصفات اللي كتحطي _خفاف ظراف_ هههههههههههههههه
لهلا يخطيك علينا

[bitiscool]

بيتي دخلي حلي بيت للمغربيات باش نكملو فيه دردشتنا ، حيت أنا يلاه فاتحاه عيقت عليهم هههههههه

هههههههه الله أودي على حنا ساهلات ؟؟؟ راه حنا "نساء ونساء" ههههههه
تبارك الله قادات بشغالنا راه حنونة الله يخلف عليها حلاتو

[bitiscool]

بيتي صافي حلاتو حنونة سبقاتك ههههه

هههههه سمحولي ديما كنجيبl-retard هههه

[Om Touta]

السلام عليكم ورحمة الله وبركاته البنات كيديرن لاباس عليكم
شكون فيكم الله يحفظكم اللي تعتقني بشي وصفة ديال القشرة وتكون شوية ساهلة را ختكم قمة للعكز هههه عرفتو القشرة دارت لي حالة في راسي ولا بحال كنغسلو بحال مكنغسلو وشكرا

[Om Touta]

السلام عليكم
كيف عاملات لاباس ؟
البنات كثيرات منا كتعاني من اسمرار ركابيها كين لي من الصلاة وكين لي من طريقة التشطاب لي كدير بحالي بعد المرات هههههه ولكن دابا شوية ، وكين لي طبيعتها هاكاك
لمهم بلا كترت الكلام هههه ، هادي 2 وصفات للركابي ؤالمرافق والبلايص لي سمرا في الجسم
شري كريم جليسوليد لحمر كيتباع عند مول الماكياج ب 20 درهم عصري عليه حامضة كبيرة ؤدهني ركابيك كل يوم ؤردي عليا لخبار
الوصفة الثانية
خودي قريعة وديري في نصها عصير حامض وخودي ديكاباج نمرة 6% ، وزيدي نصو على داك الحامض لي عملتي وخودي غير شوية ديال بودرة الديكاباج وزيديها على الخليط وخلطي القرعة مزيان ، وبقاي كل ليلة دهني ركابيك وخليه حتا ينشف وعاودي طبقة أخرى وتسناي حتاهيا تاتنشف ؤعاد نعسي ؤصباح غسلي

سوسو كيديرة الزين شكرا الزين على الوصفة والله الا كنت محتاجاها عرفت مع الصلاة ولاو الركابي ديالي كحلين