تكملة لملف السفرة الرمضانية لشهر رمضان يوميا و لجيمع الأطباق

[ام تهجد]

بسم الله ماشاء الله عليكم عينى عليكم بارده اتهبلو ربى يهنيكم
ورده شن هالحاجات الصقع هادى ربى يحفضك
سنفوره شوقتينى بس للاسف ماطلعوليش الصور على كل حال تسلم اديك
سألتى عن الخبزه المحشيه كباب هادى اسمها الخبز الاسكتلندى وهدى طريقتها
المقادير :
4 أكواب دقيق ابيض
2 ملعقة صعيرة ملح
ملعقتين كبيرتين خميرة
3/2 كوب حليب دافيء
3/2 كوب ماءدافيء
حليب للوجه

الطريقة :
أدهني الصواني
أنخلي الدقيق والملح وأعملي حفرة فيالوسط
أخلطي الخميرة مع الحليب ثم أضيفي لهم الماء
صبي الخليط في وسط الدقيقوأبدئي العجن ليتكون لديك عجينة لينة
ثم أعجيني العجينة وسط الصينية لعدةدقائق
غطيها ببلاستيك وأتركيها في مكان دافيء لمدة ساعة
أو إلى أن تتضاعفحجمهاضعي العجينة على سطح مرشوش بالدقيقوأضغطي عليها لتخرج منهاالهواء
أقسمي العجينة إلى 10 قطع متساوية
أعجني كل قطعة ثم أفرديها إلىدوائر
ضعيها على الصواني المدهونةمع ترك مسافات بينهم وغطيها
تترك لمدةنصف ساعة لتتخمر
أضغطي بثلاثة أصابع في وسط العجينة لكي لا تتفتحالعجينة

أدهنيهابالحليب ورشيها بالدقيق
توضع في الفرن الحار لمدة 15-20 دقيقة إلى أن تتحمر
وبعدين احشيها بالى تبيه

[ام السنفور]

بسم الله ماشاء الله

مغتربة حرام عليك علاش ام شرشبيل سنيفير راهو ههههههه انى شرشبيل امبصر

رابط المنسف
http://www.lakii.com/vb/showthread.p...08#post8861008

الوردة الدهبية تبارك الله عليك وعلي افكارك حاجاتك ابدااااااااااااااااااااااااااااع ماشاء الله ربي يحفظك ويخليك


ام تهجد الله يعطيك الخير علي الطريقه صار اسمه الخبز الاسكتلندى بي اعتباري نهاية الشهر حنكون في اسكتلندا زعما نحصلوها واتيه ( لالا راهو مش تنباله انى ههههههههههه )

ام جنى ماشاء الله الامبطن خطر عليا الامبطن هداكا تتفكري فيه منين مشيتلك وسهرت عندك الله الله بعد الدبلة ياعينى تتفكري درناها بالبارد والله كخخخخخخخخ اكيد متفكراته المهم الامبطن يومها يجنن جنان

[بنت طرابلس]

السلام عليكم ورحمة الله
اولا كل رمضان وانتم طيبين ان شاء الله
تانيا ...رجعتلكم بعد فتره من غيابى ماهو كنت فى ليبيا زياره .....قعدت قريب تلاته شهور
ووتوا ليا اسبوع بس جايه من ليبيا ....طبعا اول ماوصلت قعدت ننظف فى الحوش لانه قعد فتره مصكر
وهدا وين استقرت امورى الحمد لله
كيتى بارك الله فيك على هالملف الحلو .....
واليوم صورتلكم سفرت فطورى اليوم ان شاء الله تعجبكم




الشربه طبعا عروس السفره



البراك




السمبوسه.........منزله طريقتها فى ركن المعجنات




خبيزه محشيه على طريقة حبيبتى شانتال




كفتة الجزر للغاليه زينب محمد




واخيرا السلاطه

[العجولة]

كيف حالكم يابنات اليوم
اليوم فطورنا كان
بيتزا
وخبيزة محشية بالتن
وكرات اللحم المفروم بالجبنة
طبعاً شربة وسلاطة
هذا رابط كرات اللحم
http://www.lakii.com/vb/showthread.php?t=591738
كيتي بارك الله فيك على هالملف الرائع
وحني أنراجو في مفاجئاتك الحلوة

[العجولة]

هلاااااااااااااااااااااااااا بكل الحلوات الفالحات ومبروك علينا الملف الجديد وفعلا فكرة حلوة يكون الملف هذا للنصف التاني من رمضان وان شاء الله نلتزموا جميعا ونخلوا الملف هذا للاطباق فقط حتى ما يصير زي الملف الاول من صعوبة البحث

بالنسبة لفطورنا امس كانت شربة بيضاء بالخضار والدجاج وشوية رشدة برمة ( المقطع ) لاان امي ما تحب الشربة البيضاء واختي دارتلنا مبطن الباذنجان وكان حلووووووو وبيتسا
واللحم اللي فضل من امبطن الباذنجان درنا بيه صفيحة بنفس عجينة البيتسا

هذه الرشدة ( المقطع )

هذه صورة امبطن الباذنجان

وهذه الطريقة

http://www.lakii.com/vb/showthread.php?t=591694

وهذه صفيحة باللحم والجبنة

شانتيل مشالله عليك ربي يعطيك الصحة
المقطع سفهني
صنتة وصلت لعندي
صح يديك ويعطيك الله الف عافية

[روني الحلوة]

اهلين ببنت طرابلس حمد الله على السلامة ونورت ماليزيا بوجودك
وسفيرتك الله الله عليها ويسلم ايدايتك على هالاطياب اللى فيها كل حويجة احلى من الثانية
بالهنى والصحة عليكم

[ملكة بنقابي~]

مبروك التجمع الجديد علي البركه ان شاءلله كيتي بارك الله فيك علي الدعوة ونورتي الخاص ياسمحه كيف حالكم ياسمحات معليش الكلام جنب بعضه صغاري فسدو الكيبورد ولاب توبي مسيطرعليه راجلي اليوم فطوري ان شاءلله بكبوكي وكفته وخبزة كسكاس وبوريك الدحي الحمدلله خير ونعمه من رب العباد

[ليبيا قلبى]

السلام عليكم

اليوم فطورى خفيف شربه طبعا زوجى مايحبش اى نوع من الشربه

وكرنب مقلى ولازنيا وكيمياء

[hanna2]

[ام السنفور]

بنت طرابلس صحتين عليك
ماشاء الله كفتة السفناري الكل دارها الا انى وانى عندى الطريقه مكتوبة في كراستى من قبل ماناخد ومادرتهاش هههه

ليبيا قلبي صحة صحة
شنى هي الكيمياء؟