©ˆ~*¤®§©]§].... كلام نواعــم ....لدردشه سيدات المطابخ-5§]§[©§®¤*~ˆ©

[كيندة]

طيوووووووووووووووووووف حبيبتي شو هالغيبة الطويلة هاي
أنا الحمد لله بخير (وزني هلأ 65)
انت كيفك و كيف صحتك و وزنك ؟؟؟
أي والله منورة المنتدى كله يا قلبي

وعود : الله يعينك يا غالية و يهون عليك
رندوش : سألت عنك العافية حبيبتي (شفتي اليوم الجو) ... كل التنظيف راح عالفاضي
فيوليتا : الله يعطيك العافية حبيبتي و لا يهمك مأجورة ان شاء الله ربنا يزيدك صحة و عافية
أم ليانة : هلا حبيبتي صدقيني ما زاد وزني الا من بعد منتدى لك هههههههههههه خليها على الله
سلسبيل : هلا حبيبتي يا أهلا و سهلا بيك _ انت من أي بلد أساسا ؟
بنوتة : يللا صحتين كل شي نصيب

الصبايا الحلوين : الله يعطيكم العافية
شو ناويين تطبخوا بكرة ؟؟؟
أنا بدي أعمل ملفوووووووووووووف
مين بتحب تساعدني تتفضل أهلا و سهلا ههههههههههه

[كيندة]

هلا فيوليتا كيفك حبيبتي عم تسأليني عن وزني و الله شي بيخزي خلي الجواب بس خلص ريجيم نص مصيبة
بتعرفي أنا ما لي قدرة التخفيف مقاومتي بمجال التخفيف ضعييييفة كتيربصراحة أنا من الناس اللي إذا أعدت لآكل ما بؤوم إلا وأنا شبعااااانة عالآخر بس لما ببدا برنامج ريجيم بالتزم فيه بدقة شديدة تثير العجب رغم إني بعرف أنو تنزيل الوزن البطيئ هو صحي أكتر بس ما في مجال غير هيك

رينو عزيزتي :
الله لا يضيع لك تعب
الله يعينك عالريجيم و توصلي للوزن اللي بتتمنيه
حاولي انك ما تعملي بهاي الفترة حلويات و أكلات دسمة هدا الشي رح يساعدك كتير في نجاح الريجيم
تحياتي يا غالية

[Rino]

هلا أختي سلسبيل نورتي و آنستي ومتل ما سألتك أم ليانة أنت من وين ( من وين ما كنت أخت عزيزة و غالية ما نحنا كلنا خوات في الله ) الله يحفظلك أولادك و يفرحك فيهم
هلا كندة حبيبتي كيفك ؟ شو تغديتي اليوم أنا اليوم عملت فاصوليا ورز و معها سلطة الملفوف إذا بطبخ كل يوم فاصوليا ما بيمللو ولادي
أم صائب اليوم ما طليتي علينا طلي و شوفي الأنوار اللي هلت علينا طيوف نورتنا
سلامات أن ليانة
باقي الستات وينكم اليوم فيوليتا و بنوتة و أنجل و ماما نبيلة ليه ما عدنا شفناكي و الكل ممنوع الغياب المتكرر

[Rino]

حبيبتي كنودة لا تحكي هيك بيزعلو منك ولادي و جوزي شو ما أعمل حلويات و الذي منو بس محسوبتك عزماتها قوايا لما بتمسك الريجيم

[كيندة]

حبيبتي كنودة لا تحكي هيك بيزعلو منك ولادي و جوزي شو ما أعمل حلويات و الذي منو بس محسوبتك عزماتها قوايا لما بتمسك الريجيم

هههههههههههههه
ماشي يا عسل
الله يعينك و يقويك يا رب

* والله أنا اليوم ما تغديت (جابت لي أختي باكيت شيبس كبيـــــــــــر أكلت منه و اتسكرت نفسي)
و باقي عندي مقلوبة من امبارح للأولاد
و زوجي تغدى برة اليوم

أما بكرة ان شاء الله ملفوف (بفكر أروح أسلقه اليوم)

[ماما نبيلة]

مسا الخير للستات الحلوين كلهم
اهلين بوعود واهلين بطيف 100اهلا وسهلا فيكم كنا من زمان احنا(الجداد على طيف)نفسنا نتعرف عليها اسم الله عليها حبوبة وطيوبة ولا الحلو والقهوة والتضيف كتير طيب تسلم ايديك على كلوا
وعود الحمد الله على السلامة ( متاخرة) يله لانو ما صحلي اكون معكم اكم من يوم لانشغالي التتر مثل ما بتقول وعود ما خللولي نصيب ادردش معكم
كيفكم كلكم مشتاقة للجميع بصراحة مش مجمعة لان بنتي بدها الكمبيوتر واقفة فوق راسي يلة يلة عشان هيك سلام بشوفكم بعدين

[ام ليانة]

اهلا بالجميع ويسعدكم مساكم
كيفك ياكندة انت بتقولوا فيها انا كمان ما زدت الا من المنتديات خصوصا برمضان وبعد رمضان اعملت مقاطعة وصرت ما ادخل الا النافذة الاجتماعية علشان اتنكد وتنسد نفسي عن الاكلات الحلوة بس اولادي وجوزي ما سابوني في حالي كل يوم يسالوني وين الحاجات الحلوة زمان ما عملتيلنا
بعد ما ضليت شهر كامل ياكلوا اكل صحي من ستيك مشوي وخضار سوتيه ماعجبهم قال بقوليلي ايش ذنبنا احنا بدنا نتخن شوفت كيف ............ انت من فين كنودة حبيبتي
وتحياتي للجميع يا حلوين

[كيندة]

هلا أم ليانة
انا بخير الحمد لله
هههههههههههههه ضحكتيني والله
كلامك مظبوط هدا اللي بيحصل معنا بالظبط
انا مرت عليي فترة لازم كل يوم أعمل شي صنف حلو من المنتدى أو أكلة جديدة

* حتى يوم ما توفى ابني باسم الله يرحمه و يتقبله يا رب كنت عاملة كفتة محشية بالخضار أخدت طريقتها من أخت لنا في المنتدى بس بصراحة مش فاكرة اسمها
كانت شكلها بيشهي و ابني كان نفسه فيها و المسكين ما لحق ياكل منها
ان شاء الله بياكل أحسن منها في الجنة ياااااااااااااااااااااااا رب

* أنا فلسطينية من غزة و عمري 27 سنة ... قربت أصير 28

[ام ليانة]

الله يصبرك يا كيندة ...........احتسبي الاجر عند ربنا وان شاءالله حيعوضك خير في اولادك التانيين
الله يباركلك فيهم ويخليهم الك
آآآآآآآه على غزة وحشتني موت ...........ان شاءالله الصيف هادا يهدا الوضع وننزل بدي اضيف بنتي الصغيرة ... ادعولي ...ان يختارلي ربنا الي فيه الخير ...

[وعود الخير]

رندوش مساء الخير كيفك يا قمر
شو عملت اليوم حلو اعترفي