في سبيل الله نمضى .....نبتغى رفع الاخوة (الحزء الثانى)

[muslium]

هيلوووووووووووووووو فى اى تانت هنا؟

[أودي]

انشاء الله ياعبير اقابلكو بكره بس دلوقت هروح انام وهعمل سنن النوم اللي قالت عليها ام جوري وهستغفر لحد ما انام السلام عليكم ورحمة الله وبركاته

[أودي]

ايو يا حبيبتي عايزه حاجه

[abeerbebo]

فى امان الله يا اودى

بصو يا جماعة الخير انا فكرت فى موضوع الورد اليومى لقرانا وشفت انه من الاحسن انه نخليه فى موضوع منفصل اللى هو عاملاه اصلا اختنا ياسمين

علشان كل اخت فينا تشرح اياتها اليومية براحتها وكلنا نستفيد من كلنا من غير ما نتوه هنا فى وسط حاجات وشوروحات كتير تانية خصوصا انى هبتدى من بكرة ان شاء الله

وبكدة موضوعنا هيكون ليه موضعين فرعين

موضوع الورد القرانى اليمومى وكل واحدة عارفة هتعمل فيه ايه

وموضع التجويد وددا معمارية هتتولاه ان شاء الله

والموضوع داهيكون زى مركز العمليات الرئيسى

وانا ان شاء الله هاحط التلت روابط فى توقيعى علشان يبئم معروفين على طول

اوكى يا جماعة الخير

[nashwa1]

السلام عليكم
عبير ربنا يكرمك ويجازيكى خير ان شاء الله
الموضوع بجد فوق الرائع يا رب يقوينا ويثبتنا ويملى قلوبنا بالايمان والطاعه
ان شاء الله انا معاكم بس انا خايفه جدا انى اقصر مع انى الحمد لله مواظبه على قراءة القران ومينفعش انام من غير ما اكمل اللى بديته بس مش عارفه ليه خايفه وقلقانه
المهم انا الحمد لله الواجب اليومى
الصلاه على اوقاتها ما عدا الفجر وهتجنن علشان اقوم وكل يوم ائنب نفسى
القران الحمد لله اكثر من المعتاد
الاذكار الصباح والمساء تمام
الاستغفار الحمد لله مش بيفارق لسانى طول الوقت
الصلاه على الرسول اكثر من 100 مره
كمان انا الحمد لله مواظبه من مده على البسمله فى كل شئ قبل اى حاجه بعملها لازم اسمى وبقيت ملازمانى على طول
يا رب اقدر اكون معاكم وتعينونى على الطاعه مهما الواحده بتعمل بحس انى برضه مقصره
يا رب ارض عنا

[nashwa1]

اللَّهُمَّ إِنِّي أَسْأَلُكَ رَحْمَةً مِنْ عِنْدِكَ، تَهْدِي بِهَا قَلْبِي، وَتَجْمَعُ بِهَا أَمْرِي، وَتَلُمُّ بِهَا شَعَثِي، وَتَحْفَظُ بِهَا غَائِبِي، وَتَرْفَعُ بِهَا شَاهِدِي، وَتُبَيِّضُ بِهَا وَجْهِي، وَتُزَكِّي بِهَا عَمَلِي، وَتُلْهِمُنِي بِهَا رُشْدِي، وَتَرُدُّ بِهَا أُلفَتِي، وَتَعْصِمُنِي بِهَا مِنْ كُلِّ سُوءٍ. اللَّهُمَّ إِنِّي أَسْأَلُكَ إِيِمَانَاً أَهْتَدِي بِه، وَنُورَاً أَقْتَدِي بِه، وَرِزْقَاً حَلاَلاً أَكْتَفِي بِه.

اللَّهُمَّاجْعَلْ عَمَلَنَا كُلَّهُ خَالِصَاً لِوَجْهِكَ الكَرِيمِ..

[lolo2ty]

السلام عليكم..هايل يا بيرو وفكرة اية معينة من القرآن وقفنا قدامها بتدبر وحسينا فيها بخشوع جميلة جدا ...
الحمد لله قدرت اصلى الفجر فى وقته انهاردة رغم انى نمت متأخر والسبب لازم تجربوه..ايه الكرسى قبل النوم حارس من الشياطين حتى نصبح ... فلما المنبه رن الحمد لله مالقتش زن فى ودانى يقولى نامى 5 دقايق كمان وقمت جرى رغم ان راسى كانت تقييييييييييييييييييلة جدا
اللهم اعنا على ذكرك وشكرك وحسن عبادتك

[abeerbebo]

اهلاااااااااااااااااااااا نشوى نورتىىىىىىىىى يا جميلة

بصى يا اوشة كلنا خايفين من تقصيرنا وخايفين من الضعف وكلنا علاقتنا بربنا عاملة زى اليويو مرة بالاعلى ومرة بالاسفل

لذلك المشروع دا علشان كلنا نشد ازر بعض واللى تضعف الاتانية تشدها واللى تنسى يجى درس من اللى هنزله يفكرها

لااااااااااااازم نجاهد نفسنا والشيطان اللى عايز يخلينا على طول فى غفلة ونتلهى بالحياة والجرى وراها

وبعدين فجأة كل واحدة مننا تفوق على ....................

وبالنسبة لصلاة الفجر لاااااااااااااااااااااااااااااااااازم تجاهدى نفسك يا اوشى الموضوع بجد يستاهل

قال الله تعالى ( وقرآن الفجر إن قرآن الفجر كان مشهوداً)

وهنزلك افكار هنا ان شاء الله علشان الاستيقاظ ليها ان شاء الله وجربى بردو فكرة لؤلؤتى

[abeerbebo]

لؤلؤتىىى الحمد لله انك انضميتى معانا وبرافو عليكى انك قاومتى وقمتى للصلاة الفجر وان شاء الله كل اللى مش بيعرف يصحى لصلاة الفجر يجرب فكرتك ان شاء الله

والحمد لله ان تجمعنا فى موضوع الورد اليومى للقران عجبك ومستنين بئى تفسير وشرح الايات اللى اثرت فيكى واللى انتى عايزة تفيدينا بيها ان شاء الله

[nashwa1]

ربنا يخليكى يا بيرو وان شاء الله من النهارده هبدأ القران والفجر