في سبيل الله نمضى (الجزء السادس ....حملة هانتغير بجد)

[--ايمي--]

بيروو انا اللي مبسوطة جدا انى معاكم يااحلى صحبة وفعلا محتاجه اكون هنا قوى يارب يهدينا لطريقه جميعا

[soso*waleed]

ماشاء الله حملة جمييييييييييلة جدا
انا قرأت 10 مرات انا لسة شايفة الحملة دلوقتى

هى الختمة موجودة هنا ؟
عموما احجزيلى ياغوغو 4 اجزاء ان شاء الله
وربنا يكرمكم كلكم

[ghofran2009]

ماما بنت النيل جزاكى الله خيرا جميلة اوى مشاركة حضرتك

ايمى وهوبه اهلا بيكم ومنورين معانا

سوسو شاطرة يا سوسو برافو عليكى
وانا قريت كمان 10 مرات وكنت قريت 10 قبل كدة
وانتى 10 يبقى كدة العدد 30

[ghofran2009]

سوسو احجزلك انهى 4 اجزاء
مش تحددى يا حبيبتى

[ghofran2009]

خاتمة القرآن الى هنشارك فيها ان شاء الله
من الجمعه الى الخميس



الجزء الأول:- رشا
الجزء الثانى :-....غفران..رشا
الجزء الثالث:-....غفران..رشا
الجزء الرابع:- ....غفران
الجزء الخامس:-..غفران
الجزء السادس:- ...غفران
الجزء السابع:-
الجزء الثامن:-
الجزء التاسع:-
الجزء العاشر:-
الجزء 11:-
الجزء 12:
الجزء 13:-
الجزء 14
الجزء 15
الجزء 16...ياسمين
الجزء 17:..ياسمين
الجزء 18:..ياسمين
الجزء: 19
الجزء 20:عبير
الجزء 21:عبير
الجزء 22 -عبير
الجزء 23 -
الجزء 24 - ماما بنت النيل
لجزء 25 - ماما بنت النيل
الجزء 26:- ماما بنت النيل

لجزء 27:- ماما بنت النيل
الجزء 28 - ماما بنت النيل
الجزء 29 - ماما بنت النيل
الجزء 30 - ماما بنت النيل
اللهم أجعل القرآن العظيم ربيع قلوبنا ونور أبصارنا وجلاء حزننا وذهاب غمنا يا ارحم الراحمين
اللهم ذكرنا منه ما نسيناه و علمنا منه ما جهلناه وأجعله شاهدا لنا
لا علينا ونور به وجوهنا و قبورنا آمين آمين آمين

[abeerbebo]

سوسو احجزلك انهى 4 اجزاء
مش تحددى يا حبيبتى

سوسو هتحجز من الاول للرابع يا فوفو

[abeerbebo]

معا فى استكمال حلقات هتغير بجد

الثقــــة بــــالله

_السلام عليكم ورحمة الله وبركاته



_وعليكم السلام ورحمة الله وبركاته



_إيه الاخبار؟!



_اهو..كله ماشى



_ماشى رايح فين؟



- رايح مشوار



_ماشى ياستى...المهم قولى إيه المزاج النهارده؟



_والله النهارده انا أوت مود خالص



_ليه كده؟



_حاسه انى مخنوقه..وكمان فقدت الثقة فى كل اللى اعرفهم..تخيلى صحباتى وطلعوا مش اد ثقتى بيهم...!!!



_ياااااه..ده بقى اللى مزعلك أوى كده!!ولا تزعلى نفسك خالص..انا معاكى اهو..ثقى فى براحتك واتكلمى وانا كلى أذان صاغية..!!



_فاكره لما قولتى لى المرة اللى فاتت عن أخلاقى؟!!



_أكيد فاكره..السبب؟!



_انا بجد حاولت..بس حاسه أنى مش هاقدر أكمل..انا بصراحة مش واثقه من نفسى اننى ممكن انجح



_ليه بس الكلام ده؟!!



_أنت شايفه مافيش حد معايا يستاهل أثق فيه ونتغير سوا



_لاء مش صح..فى حد معاكى ويستحق الثقة كمان..وهيساعدك



_.....؟!!وياترى مين ده؟!



_ربنا....



_........؟!!!!



_أيوه ربنا



_بس هو ينفع يكون ربنا صديقى وبعدين هيساعدنى ازاى؟!!



_أيوه طبعا ينفع..ياالله...تخيلى لما يكون صديقك ربنا..لما تتكلمى تتكلمى معاه..لما تتعبى..يقويكى..لما تفقدى الثقة بنفسك..بثقتك فيه تكونى أوثق



_ازاى..؟!!



_اسمعى كده الحديث الرائع ده... ربنا عزوجل بيقول فى حديث قدسى:

(أنا عند ظن عبدى بى وأنا معه إذا ذكرنى فإن ذكرنى فى نفسه ذكرته فى نفسى وإن ذكرنى فى ملأ ذكرته فى ملأ خير منه وإن تقرب إلى شبرا تقربت إليه باعا وإن تقرب إلى باعا تقربت إليه ذراعا وإن اتانى يمشى اتته هروله )!!



تخيلى..لما اكون واثقه أن ربنا هيساعدنى وهيقوينى وهاقدر أكمل ...


ووقت لما كل الناس تتخلى عنى لأنى بغير نفسى للأجمل ...

تلاقى لا الناس ولا اللى بيعملوا فارق معاكى أصلا لانى حطيت كل ثقتى فى ربنا ... ربنا وبس

تخيلى بقى لما تكونى محسنه الظن بربنا... الدنيا هتفرق أد إيه معاكى...!!



_...............؟!!!!



_اسمعى كده ربنا عزوجل بيقول إيه :

(إنما أمره إذا أراد شيئا أن يقول له كن فيكون)


تخيلى (كن...فيكون) إللى امره منفذ بالسرعة ده وإللى مالك كل الكون ...مش يستحق منى اثق فيه...



_(البنوتة منتبهه جدا... وبدأت عيونها تدمع..؟!!!!)



_ حبيبت قلبى..ربناوحده هو اللى لازم تثقى فيه..يعنى انتى لما وثقتى فى البشر عملوا إيه؟!



_هه...مع أول حاجه كنت محتاجهم ...ولا كأنهم موجودين...!!!



_شوفى بقى لما تثقى فى ربنا..فى أى وقت تحتاجيه هتلاقيه... ده ربنا يعنى اللى دايم وموجود على طول ...

ومش كده وبس ده ثقتى بيه هتنفعنى أوى



_....؟!!!! ازاى؟!



_فى دنيتى..هانجح واتفوق وأكون أجمل لانى وثقت بربنا.. فعملت اللى عليا ووثقت أن الخالق مش هيخذلنى فنجحت فيه

وفى آخرتى ..هيكون مكانى الجنة



_الجنة...؟!!!



_ بالظبط..لانى لما وثقت فى ربنا
عملت كل حاجة حلوه واجتهدت اوى وجاهدت نفسى



_طيب افرضى الناس اتريقت عليا
واستهزأت بيا اعمل ايه وقتها؟!!




_وقتها لا كلام الناس ولا اللى بيعملوا معاكى هيفرق خالص ولا هيأثر فيكى لانك واثقه فى ربنا وبتعملى لربنا فبقيتى متأكده أن ربنا هيكون معاكى وهتنجحى فى اللى بتعمليه..

قولى لى بقى ..بالله عليك لما وثقتى فى البشر عملوا ليكى ايه؟!!



_ولا حاجه خالص.. ده حتى كمان طلعوا اى كلام ومش يستحقوا الثقة لانهم مش يقدروا يعملوا اى حاجه خالص



_طيب .. بالله عليكى ينفع أفضل واثقه فى البشر اللى...

ولا أثق فى رب البشر اللى مش بيتخلى عن عباده أبدا؟!



_أكيد طبعا لازم أثق فى ربنا..ربنا وبس



_واعرفى طول ما أنتى واثقه فى ربنا هاكون أجمل...وهافضل أجمل...



_أنا من دلوقتى مش هاثق فى حد غير فى ربنا وبس...



_وهو ده المطلوب...أثق فى الخالق .. وبثقتى فيه هاقدر أتغير واعمل كل حاجه وكمان هاكون اجمل... وخلى فى بالك دايما الحديث القدسى (أنا عند ظن عبدى بى...)



_طيب.. بعد إذنك دلوقتى عشان عندى ميعاد مع ربنا ...
هاروح له وأطلب منه يعينى ويقوينى لأنى خلاص مش ليا أصدقاء غيره ...



_وأنا مش هأخرك على ميعادك وإن شاء الله
المرة الجايه تقولى لى ثقتك بربنا فرقت معاكى اد إيه...



_إن شاء الله


_يلا.. السلام عليكم ورحمة الله وبركاته



_وعليكم السلام ورحمة الله وبركاته

التلخيص فى المشاركة القادمة

[أم جورى]

أنا منسحبة من حجز أجزاء القراّن

[abeerbebo]

موضوع اخر حلقة من هتغير بجد كان حول

الثقة بالله

الثقة بالله أمر عظيم غفلنا عنه كثيراً ..
فما أحوجنا اليوم إلى هذه الثقة ..
لنعيد بها توازن الحياة المنهار..
ولكن ماهي الثقة بالله؟؟؟




الثقة بالله ..

تجدها في إبراهيم عندما أُلقي في النار..
فقال بعزة الواثق بالله: حسبنا الله ونعم الوكيل..
فجاء الأمر الإلهي: يانار كوني برداً وسلاماً على إبراهيم




الثقة بالله ..


تجدها في هاجر عندما ولى زوجها وقد تركها في واد غير ذي زرع..
صحراء قاحلة وشمس ملتهبة ووحشة..
قائلة: يا إبراهيم لمن تتركنا؟
قالتها فقط لتسمع منه كلمة يطمئن بها قلبها ..
فلما علمت انه أمر إلهي قالت بعزة الواثق بالله ..
إذا لا يضيعنا ففجر لها ماء زمزم وخلد سعيها..
ولو أنها جزعت وهرعت لما تنعمنا اليوم ببركة ماء زمزم !




الثقة بالله ..


تجدها في أولئك القوم الذين قيل لهم ..
إن الناس قد جمعوا لكم فاخشوهم..
ولكن ثقتهم بالله أكبر من قوة أعدائهم وعدتهم..
فقالوا بعزة الواثق بالله: حسبنا الله ونعم الوكيل ..
فانقلبوا بنعمة من الله وفضل لم يمسسهم سوء !




الثقة بالله ..



تجدها في ذلك المحزون الذي هام على وجهه ..
من يا ترى يقضي دينه أو يحمل عنه شيئاً من عبئه ..
إنه الله فانطرح بين يديه..
وبكى يتوسل إليه..
فكان أن سقطت عليه صرة من السماء قضى بها دينه وأصلح أمره !!





الثقة بالله ..


تجدها في ذلك الذي مشى شامخاً معتزاً بدينه ..
هامته في السماء ..
بين قوم طأطأوا رؤوسهم يخشون كلام الناس !!




الثقة بالله ..

نعيم بالحياة..
طمأنينة بالنفس..
قرة العين..
أنشودة السعداء !




فيا أمة الله ..

أين الثقة بالله ..

يامن تريد زوجة صالحة جميلة ..

أين ثقتك بالله ؟؟؟؟

يامن تريدين زوجاً تقياً يسعدك ..

أين ثقتك بالله ؟؟؟؟

يامن يتوق إلى الهداية ..


أين ثقتك بالله ؟؟؟؟

يامن يريد السعادة ..


أين ثقتك بالله ؟؟؟؟


وقال ربكم أدعوني أستجب لكم ..
فهل هناك أصدق من الله؟؟
ومن أوفى بعهده من الله؟؟

[yasmine_ 2006]

[CENTER]وياريت تكون المشاركات فى الجزء ده خاصة بالتغيير وبس

وباقى المشاركات فى الجزء الخامس

إيه رأيكم؟؟؟؟

فى إنتظار الأراء؟؟؟؟؟؟؟؟؟؟؟؟؟؟؟؟